Ұлы ерлікті ұлықтайық қазақ тіліне арналған материал

Ұлы ерлікті ұлықтайық!

Тәуелсіздікке қол жеткізу қазақ халқын дүр сілкіндіріп, оның белсенділігін шырқау шыңға көтерді. Азат адам бұл күнде тек бүгінгісін ғана біліп қоймай, өткенге де көз жүгіртіп, тарихтан тағлым алуды қалайды. Егеменді ел болып, көгілдір туымыз күмбезде желбірегелі, қарғыс атқан күндердің бірі – Ұлы Отан соғысы қаһарының зардабы байтақ жерімізді мекендеген үлкендердің ғана емес, уақыт өткен сайын ұмытылудың орнына бүгінгі жас ұрпақ зердесінде де мәңгі сақтауды үлгі етіп келеміз. Себебі онда әкелеріміздің, ата-бабаларымыздың өмірі мен көз жастары, жастығы мен орындалмаған армандары қалды...

Бүгінгі ұрпаққа ертегі тәрізді көрінетін кешегі сұм соғыс – біздің тарихымыз. Ұлы жазушылардың бірі – Н.Г.Чернышевскийдің: “Математиканы, географияны білмей-ақ мәдениетті адам болуға болады, ал тарихты білмей мәдениетті адам болуға болмайды” деген сөзін ескере отырып, ұрпағымызды білімділік пен мәдениеттілікке тәрбиелеу – ұстаздардың басты қағидасы болса керек. Ұлы ерлігімізді ұлықтау мақсатында тәрбие жетегінде өткендерді де еске түсіру – мектеп ұстаздарының әрі міндеті, әрі үлкен елдігіміз. Оқулықтардағы берілген тақырыптар мен жаттығулар арқылы да біз оқушыларымыздың зердесіне сұрапыл соғыс зардабын сіңіре білуіміз қажет деп білеміз. Мектебімізде жеңіс күні қарсаңында жыл сайын өтіліп тұратын, сиреп қалған Ұлы Отан соғысының ардагерлерімен кездесулерімізде, сол қарттардың оқушылардың бейнелеген көріністері барысында көз жастарына ерік бергендері оқушыларымызға әсер етпей қалмағанын көрдік. Бәрінің жүздерінен толқу сезімдерімен қатар, көкіректерін кернеген мақтаныш сезімдерін көргенімізде еңбегіміздің далаға кетпегені сезініп, өзімізді бақытты санадық.

Қазақстандық батырларымыздың ерліктерін айта келіп, Әлия, Мәншүк, Хиуаз, Талғат, Төлеген...тағы басқа ата-әжелеріміздің өмірлерін көз жастарымызбен жыл сайын еске аламыз. Бауыржан мен Рақымжан аталарымыздың ерліктері қай қазақтың жүрегін шымырлатпасын! Бауыржан атамыздың небір ерліктерімен қоса, Мәскеуді қорғаудағы халықтық ерекшелігіміз бен тапқырлығымызды білдіретін “қазақи тактиканы” қолдану тапқырлығына қазақ ретінде қалай