Ұлы ерлікті ұлықтайық тақырыбындағы мақала

«Ұлы ерлікті ұлықтайық»

Дүниедегі мамандық атаулының төресі – ұстаздық. «Мұғалім мамандығы барлық мамандықтың анасы» демекші, ұстаз алдынан тәрбие алмайтын жан жоқ.

Мен өзімнің еңбек жолымды Қапал ауданы, Қоңыр ауылының орта мектебінде бастадым. Осы мектепте 25 жыл еңбек еткен мектеп директоры Кәкімбай Қожахметов «ұстаздық еткен жалықпас» деп, білім нәрімен сусындатып , тәлім – тәрбие беріп , жақсы қасиеттерді бойыма дарытып, адамгершілік рухта бағыт – бағдар берді. Кәкімбай Қожахметов өзінің табандылығымен Ақсу ауданы Қоңыр ауылындағы орта мектептің құрылысына қаражат бөлуге қол жеткіп, зейнеткерлікке дейін осы оқу орнын басқарды, "халық білімінің үздігі", "Құрмет белгісі" орденіне ие болды.

Биыл Ұлы Жеңістің 75жылдық мерекесін тойлағалы отырмыз. Осы орайда Совет Одағының батыры Кәкімбай Қожахметов туралы айтқым келеді.

Елдік пен ерліктің, батырлық пен батылдықтың иесіндей батыр Кәкімбай Қожахметов –бір тұлға.

Атамыздың өмір жолы , сұрапыл соғыс жылдарындағы ерлігі, өжеттігі мен алғырлығы – білгенге ұлы тәлім – тәрбие, үлкен мектеп. Кәкімбай атамыз – адамгершіліктің, азаматтықтың, патриоттықтың –көркем бейнесі. Оны бір ғана ерлігінен көруге болады. Өміріне қауіп төндіре отырып, қатал шайқастарда батырлық пен батылдық танытты. Осындай эпизодтардың бірі.1943 жылдың тамызында Сумск облысының Ахтырка қаласының маңында болған шайқаста болды. Сол кезде қарсылас жақсы қорғанып, Кеңес әскерлерінің батысқа қарай жылжуын тоқтатуға тырысты. Лейтенант Қожахметовтың есептері бекітілген учаскеде неміс "жолбарыстарына" қарсы шабуылға өтті. Біздің бірнеше жауынгерлеріміз жау пулеметтерінің отымен шайқасты. Взвод командирі өзі бастауын алды. Ол фашистік танкіге жақындап, граната лақтырып танкті жарады, сол сәтте өзі ауыр жараланды. Көмекке келген жауынгерлер лейтенанттың "жұмысын" аяқтады. Жаудың қарсы шабуылын тоқтатады, майор Мурзиннің басқаруындағы батальон стратегиялық маңызды биіктікке ие болды және батыл шабуылға өтті. Ал Кәкімбай госпитальға жеткізілді, жазылып шыққаннан кейін ол жауынгерлік жолды рота командирі лауазымында жалғастырды. Осындай ерліктері үшін Қызыл жұлдыз ордені, Суворов орденімен

Соғыстан кейін өзінің «сегіз қырлы, бір сырлы» нағыз азамат екенін көрсетті. Мұқтаж жандарға, жетім қалған бірнеше көрші балаларды өсірді. Барымен бөлісу –Кәкімбай Сүлейменұлының өмірлік ұстанымы болды.