Ұлы Отан соғысы батырлары туралы презентация

Ұлы Отан соғысына қатысқан Солтүстік Қазақстан батырлары

Әбу Досмұхаметов

Әбу Досмұхамбетов 1920 жылы Солтүстік Қазақстан облысы, Уәлиханов ауданы, Үшкөл ауылында дүние есігін ашып, 1943 жылы қазанның 5-і күні Украина, Киев облысы, Чернобыль қаласында қаза тапқан. 2-дүниежүзілік соғысқа қатысушы , аға лейтенант, атқыштар ротасының командирі .

Қазақстанда 7 сыныпты бітірген соң Қорған облысы , Петухов ауданы , Чебачье селосында тұрған . « Жаңа жол » мал фермасының меңгерушісі болды .

1939 жылдың қыркүйегінде Кеңес әскері қатарына шақырылған . Ондағы полк мектебін үздік бітіріп , лейтенант атағын алады . Досмұхамбетов Киев қаласынан (Украина) солтүстікке қарай Днепр өзенінен өту кезінде айрықша көзге түсті . 1943 жылғы қыркүйек айының соңында 8-атқыштар дивизиясының 1-атқыштар ротасы Припять сағасынан солтүстікке қарай Днепрге жеткен . Ротасымен шабуылға шығып , жауды кері шегінуге мәжбүр етті .

Жаумен жан алысып , жан беріскен соғыс майданында 5 қазан күні ерлікпен қаза тапты . Көрсеткен батылдығы үшін Досмұхамбетовке КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (16.10.1943).

Чернобыль қаласының саябағында батырдың құрметіне бюст орнатылған .

Жәлел Қизатов

Жәлел Қизатұлы Қизатов (9.10.1920, Солтүстік Қазақстан облысы Есіл ауданы Қарағай ауылы – 25.4.1999, Қызылорда қаласы ) – еңбек және соғыс ардагері , қоғам қайраткері . Кеңес Одағының Батыры (15.1.1944). 1940 жылы ауыл шаруашылығы техникумын бітірген соң , Қызыл Армия қатарына шақырылады . 1942 жылы кіші лейтенанттар курсын бітірген Қизатов 154-гвардиялық артиллерия полктың взвод командирі болды . Соғыс жылдары жоғары артиллерия мектебін бітіреді . 2-дүниежүзілік соғысқа бастан-аяқ қатысқан . Ол Одесса , Қырым , Сталинград , Белоруссия майдандарында , фашистермен күресті , батыр – қалалар Одесса, Керчь , Сталинградты қорғауға , Украина, Белоруссия, Польшаны фашистерден азат етуге қатысты , Германия жерінде соғысты . 1944 жылы Днепр өзені үшін болған шайқаста көрсеткен асқан ерлігі үшін аға лейтенант Қизатовқа Кеңес Одағының Батыры атағы берілді . Соғысты майор дәрежесінде аяқтады Соғыстан соң Қазақстан Компартиясы ОК жанындағы жоғары партия мектебін бітірді . 1947 – 50 жылы Солтүстік Қазақстан облысы Ленин ауданы атқару комитетінің төрағасы , 1952 – 57 жылы Булаев ауданы атқару комитетінің төрағасы , 1957 – 63 жылы Таман дивизиясы атындағы кеңшардың директоры, 1963 – 68 жылы Қарақо

Ысқақ Ыбыраев

Ысқақ Ыбыраев 1911 жылдың 10 мамырында Қызылжар уезі Қаратал ауылында дүниеге келген. 1942 жылдың шілдесінде 12 жылдай мұғалім болып қаламнан басқа қару ұстамаған Ысқақ Ыбыраев Кеңес әскері қатарына шақыртылады. Сол жылдың қазан айында Прибалтика майданына жіберіліп, 50-полктің рота командирінің сая­си бөлім жөніндегі орынбасары қызметін атқарды. Ысқақ Ыбыраев 1944 жылы 1-Беларусь майданының 5-екпінді армиясына қарасты 60-гвардиялық атқыштар дивизиясы 177-гвардиялық атқыштар полкінің взводын басқарады. 1945 жылдың қаңтарында…