Ұлы жеңіс деп ерлік жырын жырлаймын, қазақ әдебиеті

Жеңіс мен үшін не?

Жеңіс! Ұлы Жеңіс! Жеңіс – менің ата-бабамның батырлығы, жетістігі, салтанаты, мерейі!

Сол сұрапыл соғыс менің көз алдыма атамның әңгімелерімен елестейді. Нағашы атам 1943 жылы соғысқа аттанғанда небәрі 18 жаста болған екен. Қазір ойласам, менен 2 жас қана кіші кезі еді. Алла бетін аулақ қылсын, менің басыма сол күн туған болса, мен өзімді қандай халде боларымды айта алмаймын. Бәлкім қорқыныш сезімдері жүрегімді лаулап, қашар ма едім, әлде намыс күшін уысыма алып соғысқа аттанар ма едім... Кім білсін?..Кішкентай кезімнен аташымның әңгімелерін құлағыма құйып өстім. Атам соғыста көрген қантүршігерлік күндерін есіне алғанда жиі ыстық көз- жасын сығып алушы еді. Майдангер достары жайлы сыр шерткендегі жасқа толы жанары бүгінгі күнге дейін көз алдымнан кетпейді. Әсіресе қаршадай жас қыздардың батырлығын айтсашы... Автомат пен бомбаның дауысынан құлақтарын қолымен жауып алып, жараланған жауынгерлердің өмірлерін сақтап қалуға бар жандарын салады екен. Өзім қыз бала болғандықтан ба, атам әйел адамдардың ерлігі жайлы жиі айтатын. Мүмкін мені де сондай батыр қыз болсын деп армандағаны шығар...Себебі ол мені ылғи Батыр Қыз деп атайтын.

Атам өмірден 2002 жылы дүниеден озып кетті... Аташымның соңғы сөзі әлі есімде... «Батыр қызым, ақылды қызым, әрқашан биіктен көрін» - деп қолымды қатты қысып, маңдайымнан иіскеді. Анам мені сол мезетте бөлмеден шығарып жеріп, 10 минуттан кейін «Атаң дүниеден өтті» деген суық хабар берді. Сол кезде атамның айтқан барлық әңгімелері көз алдымда бір минуттық кинодай өте шықты...

Сондықтан болар, соғыс тақырыбы мен үшін әрқашан да ауыр тақырып. Жеңіс мен үшін не? Ең алдымен, Жеңіс, мен үшін, ол – менің атам, содан кейін атамның артынан ерген Халқым,содан кейін халқымды Жеңіс алаңына жетелеген Ерлік пен Ержүректілік, Намыс пен Қайрат. Жеңіс мен үшін, сан мыңдаған ұрпақ үшін, ұлты мен тілі бөлек, діні мен мәдениеті бөлек халықтар үшін ортақ қазына. Баға жетпес алтын қазына! Жеңіс мен үшін әлемді тыныштық бесігінде тербеткен алтын бесік. Сол себепті , осы Ұлы Жеңісті…