Ұлы жеңіс ұлықталсын да, ұмытылмасын да 8-сынып

Бағрам Тоқтар 9-сынып оқушысы

Көкшетау қаласы «№12 орта мектебі» ММ

Жетекші мұғалім: Абдрахманова Қ.К.

Жойылсын жалғыз сөз соғыс деген,Оқ даусы мәңгілік жойылсын.Бомбаның орнын тегістеген,Күректер музейге қойылсын.

Ж.Нәжімеденов.

Биылғы жылы еліміз Ұлы Жеңістің 73 жылдығын атап өтпекші. Бұл үлкен мерекені атап өту үшін жыл көлемінде түрлі шаралар өткізіліп жатыр, әлі де өз жалғасын табады. Оған жастан бастап жасамыс адамдар да атсалысуда. Осы шараға аз да болса Мен де өз үлесімді қосқым келді.

Кезінде менің де туыстарым, аталарым мен апаларым ел басына күн туғанда шет қалған жоқ, мен қалайша олардың үзілген арманын сөз етпейін. Бұл соғыс менің елімнің де тарихында қанмен жазылды. Бүгінгі ұрпақтың бейбіт өмір сүруі үшін аталарымыз бен апаларымыз өздерінің жас өмірлерінің жақсы күндерін қан майдан даласында өткізді. Қанша жас мүгедек болып қалды, қанша жас қыршын кетті, қанша жасқа топырақ жат жерден бұйырды, қанша бала жетім, қанша әйел жесір атанды, қанша отбасының шаңырағы жабылды.

Жеңіс! 1945 жыл. 9 мамыр. Осы үш ауыз сөз бейбітшілікті сүйген халықтың жадында әрдайым жаңғырып тұрар ұраны. Үш ауыз да емес, бар болғаны «Жеңіс!» деген бір ғана сөзді есту арман болған күндер артта қалғанына да бір ғасырға таяп қалыпты. Адамзат баласы үшін аттай 73 жыл болса, ал тарих үшін кешегі күн. Бұл-тарих. Тарихты ұмытуға болмайды. Тарихымызды ұмытсақ, алдағы күнді болжай, барды қадірлей алмаймыз. Тарих мұны кешірмейді.

Ешкім де, ешнәрсе де ұмытылмақ емес!

Соғыс! Қарулы соғыс! Қандай суық сөз. Жантүршігерлік сұмдықтың көрінісі. Күйретуші күш! Дәл солай! Барды жоқ ететін, тауды жер ететін. Жер бетіндегі тіршілік атаулының бәрін жалмап жұтатын тажал. Соғыста ажалмен бетпе-бет келіп, одан тірі оралмауы мүмкін екенін білсе де, қаншама жан саналы түрде өз еріктерімен бейбіт күннің шырқын бұзған қаныпезермен айқасқа аттанды. Өздерінің қыршын ғұмырымен артындағы ұрпақтың, яғни бүгінгі ұрпақтың, бейбіт ғұмырын ұзартты.

Ұлы Жеңіс! Ұлы Жеңіс- қаншама қираған қалалар мен қыстақтарды есептемегенде, 25 миллионға жуық адамның ғұмыры. Бұл тарихтың қанды беттерінің салмағы ауыр, сұрауы…