Ұлылықты ұлықтаған ұстазым сценарийі балабақшаға

"Ұлылықты ұлықтаған ұстазым"

Мақсаты: Ұстаздар мерекесіне орай «Ұлылықты ұлықтаған ұстазым» атты мерекелік ертеңгілік ұйымдастыру. Ертеңгілікте білім беру саласындағы көп жылдардан бері еңбек етіп келген ұстазды зейнеткерлікке шығарып салуға арналған мерекелік концерттік бағдарлама ұйымдастыру. Мерекені жоспарлы, жүйелі жүргізу. Мерекеге білім беруде жаңа қадам аттаған жас мамандардың ұйымшылдықпен атсалысуын қадағалау.

І-жүргізуші: Армысыздар, құрметті қонақтар!

Аяулы біздің ұстаздар және балабақша қызметкерлері!

ІІ-жүргізуші: Бүгінгі ұлы мерекелеріңізбен құттықтай отырып, дендеріңізге саулық, қажымас қайрат, шығармашылық табыс, жанұяларыңызға бақыт тілеймін!

І-жүргізуші: Бүгінгі кешіміз өздеріңізге арналады.

ІІ-жүргізуші: Қашан көрсең күнге ұқсаған жанары -

Ұстаздардан көнбес адам жоқ әлі

Мектеп көрген әдептілер айтпақшы,

Ұстаздардан шықпаңыздар жоғары!

І-жүргізуші: Орындалып, айталық, бір ойдағы іс,

Отырармыз қуанышта тойда біз.

Сондай кезде есте болар бір нәрсе:

Ұстаздардан бұрын сөйлеп қоймаңыз!

ІІ-жүргізуші: Ақыл. Сана. Сабыр. Талас-тартысу -

Ұстаздардың табиғаты жалпы осы.

Бос уақыты: ойдан басқа ойы жоқ

Бос уақыты: Әрбір түннің жартысы

І-жүргізуші: Махаббаты: Бала және Отаны,

Сүйікті ісі: Қағаз-кітап қопару,

Демалысы: Шәкірттерге хат жазу,

Ал, кәсібі: От беру мен от алу!

ІІ-жүргізуші: Қашан көрсең бұл халықтың шат бәрі,

Қашан көрсен күліп бара жатқаны

Күлетіні: бақыттылық нышаны

Байлықтары: шәкірттердің хаттары!

І-жүргізуші: Ал, ұстаздың барса алдыңа, дұрысы:

Жүрегіңмен сездір дағы ұлы ісін,

Ұшып тұрып, қалбалақтап қол беріп,

Тастай қалып тындырып бер жұмысын!

ІІ- жүргізуші: "Ұстаз... Жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадына жақсы сақтайтын, жақындарын да, жат адамдарына да әділ, жұрттың бәріне жақсылық пен ізгілік көрсетіп, қорқыныш пен жасқану дегенді білмейтін батыл, ержүрек болуы керек" деп Әл-Фараби атамыз айтпақшы, осы бір асыл қасиеттерді ........ бойынан кездестіруге болады.

ІІ-жүргізуші: Бақшамызда орны бөлек

Сүйеді шәкіртіңіз сізді ерек.

Тамыры тереңге тартқан нәрлі ағаштай,

Жел жағымда тұратын сен бәйтерек - дей келе, "Ұстаздық еткен жалықпас, үйретуден балаға" деп бабаларымыз айтқандай, балабақшаға көп жылдардан бері еңбек еткен аға тәрбиешімізге сөз кезегін бере келе, 30 жылғы еңбегінен үзінді көріністі тамашалауға шақырамыз. Экранға назар аударамыз!

"Ұстазға лебіз"

Менің балғын қиялымды тербеткен,

Құшағымды алыстарға серметкен.

Айта аламын жұрт алдында қысылмай,

О, ұстазым, бір өзіңді ер деп мен.

Әр шәкіртке бола білген жанашыр,

Бүгін от боп әр жүректе жанасың.

Сен бергенсің алғашқыда айырып,

Жақсылық пен жамандықтың арасын.