Үнемшілдік пен ысырапшылық тәрбие сағаты 9 сынып

Сабақ тақырыбы: Үнемділік пен ысырапшылық.

Мақсаты:

- Оқушыларға үнемдеу мен ысырап жайлы мағлумат бере отырып, олардын шығу жолдарын түсіндіріп, күнделікті өмірде пайдалана білуге тәрбиелеу

- өз ойын ашық айта білетін қабілетті тұлға қалыптастыру.

- Оқушыларды тәрбиелі, білімді болып өсуге тәрбиелеу.

Сабақтың көрнекілігі: мақал-мәтелдер ,тірек сөздер

Сабақтыңбарысы: І. Ұйымдастыру

1. Оқушылардың назарын сабаққа аудару,

2. Өз қалауларымен екі топқа бөлінеді

Кіріспе

Қай заман болсын адамзат алдында тұратын басты міндет- адал, білімді, еңбексүйгіш ұрпак тәрбиелеп өсіру.Әр ата-ана отбасында балаларын адалдыққа, еңбекке, ысырап етпеуге ,үнемдей білуге үйретіп отыратыны белгілі. Үйде ата-анадан тәрбие алсақ ,мектепте ұстаздар да осы қасиеттерге тәрбиелейді . Олай болса «Үнемділік пен ысырапшылық» атты тәрбие сағатымызды бастаймыз.

Ой қозғау

- Үнем деген не?

-Ысырап деген не?

-Отбасының кірісіне не жатады?

-Шығынға не жатады?

-Қазіргі таңда бай мен кедей бар ма? Бай мен кедейге бөлінеміз бе? Қалай ойлайсындар?

ІІ.Негізгі бөлім

Постер қорғау

Топ: Нені қалай үнемдеуге болады?

2-топ : Ысырапшылдық неге соқтыруы мүмкін?

- Қай уақытта үнемшіл бола аламыз?

– Адамдардың басым бөлігі әрбір тапқан тиынын лезде жұмсап, қарызға және несиеге дүние алуға бейім тұрады. Егер де осы әдетіңізден құтылмасаңыз сізде ешуақытта ақша болмайды, байымайсыз. Үнемшілдікті әдетке айландырыңыз. Ақшаны бет алды шашпаңыз. Байлыққа баратын жолды аңсап тұрсаңыз, ол жол базарға барғандай қарапайым әрі түзу. Ол негізінен мына екі сөзден тұрады – ынтаңыз бен үнемшілдігіңізден. Уақытыңызды бет алды ысырап қылып, ақшаңызды рәсуа қылып шаша бермеңіз. Осы уақытыңыздың да, қаражатыңыздың да қарымтасы барынша қайтатындай етіп ақшаңыз бен уақытыңызды жұмысқа жегіңіз, мүмкіншілікті ұтымды пайдаланыңыз.

Адам табиғатында өмір сүруге керекті жанталастың тұқымы салынған. Осы өмір үшін жанталас – адамзаттың алға жылжып дамуының басты себебі. Туғаннан өлгенге дейінгі аралық, пенде үшін алма-кезек қайталанып жататын сынақ алаңы. Осы өмір үшін күресте біз баға жетпес тәжірибе жинақтаймыз. Осы күресте, алдымызға қойған мақсатымызға жеткізетін даналық, күш, қуатқа ие боламыз.