Ұрпақ тәрбиесі ел болашағы тақырыбындағы баяндама

Баяндама

Тақырыбы: Ұрпақ тәрбиесі-ел болашағы.

Елбасымыз Н.Ә. Назарбаев «Қазақстан-2050» стартегиялық бағдарламасында «Ел келешегі жас ұрпақ тәрбиесіне тікелей байланысты» деп атап көрсеткен болатын.Кез келген мемлекеттің болашағы жастардың қолында екені мәлім.Қашанда ұрпағына дәстүр мен заманға сай білім беріп,тәрбиелейтін ел озады.

Ұлттық рухани уызға жарымаған ұрпақтан келешек қамқорын,болашағын күтуге болмайды.Осыған орай біздің колледжіміздің жұмыс жүйесінің негізгі бағыттарының бірі-салт-дәстүрімізді,ұлттық құндылықтарымызды, халқымыздың рухани қазынасын насихаттау.Колледжде оқушылардың қызығушылығын арттыратын « Домбыра», « Ұлдармен жұмыс», «Қыздармен жұмыс», «Ұлттық аспаптар», «Ұлттық қолөнер», « Спорттық ойындар», сияқты қосымша этномәдени бағдарламалар бойынша ,үйірме жұмыстары жүргізіліп отырады. Міне, осы бағдарламалардың өзі оқушыларға ұлттық тәрбиенің сан қырын көрсетеді. тәрбие ісі жөніндегі орынбасарының басшылығымен бұл атқарылатын іс өз дәрежесінде жүргізіліп жатыр.Дегенмен, бүкіл әлемдегі теріс тәрбиенің салқыны бізге де ықпал етпей қоймайды. Күнделікті сан түрлі баспасөз ақпарат құралдарында айтылып,жазылып,көрсетіліп жүрген дүниелер ,бірінші кезекте ұлтымызға,оның ұлттық рухына тәрбиесіне кері әсерін тигізуде. Мысалы, оқушылар кітап дүкенінен түрлі кітаптарды алып оқиды.Мен сол кітап дүкенінен «Мой папа киллер» деген кітапты көрдім.Бұрын жастар «менің әкем озат механизатор,менің әкем дәрігер» деп мақтанушы еді. Енді бүгінгі ұрпақ әкесін баукеспе ұры, баскесер деп мақтан ете ме?қалай? Шымкен

Кейбір ата-ана өз бала-шағасымен, немересімен қосылып теледидардан ұзаққа созылған «Дениз» «Жанан» «Кешір мені» түрік телесериалын тамашалайды.Бұл фильмнің қазақ жастарына берер қандай тәрбиесі бар? Әке- шешесі ажырасқан немесе ажырасуға дайындалып жүр,ол жастар бірін-бірі күйдім,сүйдім деп алдау,әке баласын,бала анасын алдау сияқты мағынасыз,мәнсіз көріністер. Міне, бұдан біздің жастардың табиғатында жоқ дүниені күштеп енгізіп, өзіміз улап жатқан жоқпыз ба? Мұндай мысалдарды көптеп келтіруге болады.

Біздің ортақ мақсатымыз-жеткіншек ұрпақтың бойына асыл қасиеттерді дарыту,тәрбиелеу, тұлға қалыптастыру. Мұндай күрделі міндеттер ана тілінсіз атқарылмайды. Тіл- кез келген халықтың айнасы. Мен мұғалім ретінде мына бір жайды еске салғым келеді.Теориялық білім ұзақ уақыт есте сақталмайды.Ал оқушының зертханада көзбен көріп, қолмен ұстап алған білімі жадыңда мәңгі қалады. Демек, адам болмысының қалыптасуына , тәлім-тәрбиесіне БАҚ-тардың басқа түрлеріне қарағанда көріп, естіп отырған телебағдарламалардың ықпалы басым. Ендеше ең әуелі теледидарды жөнге салуымыз қажет.

Технология жетістіктерін пайдаға жарату да, керісінше одан зиян шегуде адамның өз қолында. Компьютер арқылы дүние жүзінің кітапханаларына ене отырып білімді жетілдіруге болады, немесе сол компьютерде ойын ойнап қаншама уақытыңды босқа өткізіп алуың ғажап емес. Қазіргі ғаламтордың кереметтілігі де ,қауіптілігі де сонда. Теледидардан тіпті өзімізде отырып бір кино көрейін десең «Көрсең де көр, көрмесең де көр» дегендей әдепсіз жарнамаларды көз алдыңа жайып салады. Бұл не? Кім ақпаратқа қожалық етсе, әлемге сол ие болады деген сөз рас болғаны ма дейсің.

Тіл, әдебиет, тарих- ұлттың ұясы, қорғаны, бұлар жойылса, ұлт та жойылады.Сіздер «Алматы моя первая льюбовты» тыңдаңыздар.Өз тілінде сәлем бере алмайтын қазақтар ағылшын, итальян, орыс болып тумағанына налып, бар зарын әнмен жеткізіп тұрғандай көрінеді. Қазақ әні бұл шоуда анда-санда бір естіледі. Мұны қиратқыш күш емес деп көріңіз. Бұл сіздің ұлттық болмысыңызды, елдігімізді қиратар күш. Бізге ең алдымен ұлттық мәдениет керек.Соны жастардың санасына сіңіре отырып…