Үш жастағы балалардың ой өрісін дамыту сабақ жоспары

ТӘРБИЕЛЕУ-БІЛІМ БЕРУ ПРОЦЕСІНІҢ ЦИКЛОГРАММАСЫ

Білім беру ұйымы (балабақша/ шағын орталық, мектепалды сыныбы)

Топ/сынып

Ортаңғы топ

Тобы, топтың реттік саны, атауы

Балалардың жасы

3 жасар балалар

Педагогтің аты-жөні

Жоспардың құрылу кезеңі (апта күндерін, айды, жылды көрсету)

16.01-20.01.2023ж.

Апта күндері

Дүйсенбі

Сейсенбі

Сәрсенбі

Бейсенбі

Жұма

Күн тәртібі

Балаларды қабылдау

Таңғы сүзгі: балалардың терісін, дене қызуын, сыртқы келбетін тексеру. Балаларды жақсы көңіл күймен қарсы алу және оларға қолайлы жағдай жасау. Баланың көңіл күйін, оның жеке пікірін, қызығушылығын анықтау. (сөйлеуді дамыту)

Ата-аналармен әңгімелесу, кеңес беру

Ата-аналарды мазалап жүрген сұрақтарына жауап беру; балалардың балабақшада өздерін ұстауы жайлы ақпарат беру.

Балалардың дербес әрекеті (баяу қимылды ойындар, үстел үсті ойындары, бейнелеу әрекеті, кітаптар қарау және тағы басқа әрекеттер)

"Еңбекке баулу"

Мақсат-міндеттер. Ұйымдастырылған іс-әрекеті кезінде оқу құралдарын тарату және оқу құралдарын орындарына жинау іскерліктеріне ынталандыру.

"Еңбекке баулу"

Мақсат-міндеттер. Үстел үстіне іс-әрекетіне керекті құралдарды, түрлі түсті қарындашты және педагогтің дайындаған материалдарын тарату; іс-әрекетінен соң оларды жинап алу.

"Еңбекке баулу"

Мақсат-міндеттер. Серуеннен кейін етікті кір мен қардан қалай тазарту керектігін көрсету.

"Еңбекке баулу"

Мақсат-міндеттер. Тәрбиешінің көмекшісіне төсек жабдықтарын орналастыруға көмектесуге кезекшілер тағайындау.

"Еңбекке баулу"

Мақсат-міндеттер. Тәрбиешінің көмекшісіне лас сүлгілерді жинастыруға көмектесуге ынталандыру.

"Үй жануарлары" дидактикалық ойыны.

Мақсат-міндеттер: үй жануарларының дене мүшелерін атауға, ажыратуға үйрету.

(сөйлеуді дамыту, қоршаған ортамен танысу)

"Ұқсайды - ұқсамайды" заттармен ойналатын ойын.

Мақсат-міндеттер. Дидактикалық міндеті: балаларды заттарды салыстыруға түрі, түсі, формасы, көлемі, материалы бойынша ұқсастықтарын байқауға үйрету; байқағыштығын, ойлауын, тілін дамыту.

Ойын ережесі: екі затты алып, оның ұқсастықтарын көрсету іскерлігі. Кімді көрсетсе, сол жауап береді.

Ойын әрекеттері: ұқсас заттарды іздеу.

(сөйлеуді дамыту, танымдық дағдылар)

"Қонақ қай елден?" заттармен ойналатын ойын.

Мақсат-міндеттер. Дидактикалық міндеті: балалардың басқа ел тұрғындары туралы білімдерін бекіту; басқа ұлт өкілдеріне қызығушылықты, оларды құрметтей білуді, олардың өмірі туралы білуге деген тілекті тәрбиелеу.

Ойын ережесі: суретке сәйкес басқа ұлт өкілінің ұлттық киімін таңдау; қуыршаққа ұлттық киімді киіндіру; кім ұлттық киімді дұрыс және тез киіндірсе, сол жеңеді.

Ойын әрекеттері: қуыршақты киіндіру; ұлттық би немесе ән орындау.

"Қалаға саяхат" үстел үсті ойыны.

Мақсат-міндеттер. Дидактикалық міндеті: балалардың туған қаласы туралы білімдерін бекіту: онда кімдер тұрады, еңбек етеді, қандай транспорт түрлері бар, қала қалай безендірілген.

Ойын ережесі: өз тобына тапсырмаларға сәйкес суреттерді таңдау: адамдар, көлік, еңбек, қаланы безендіру.

Ойын әрекеттері: суреттерді іздеу. Белгі бойынша әрекет ету.

"Зоологиялық домино" үстел үсті ойыны.

Мақсат-міндеттер. Дидактикалық міндеті: балалардың жабайы және үй жануарлары туралы білімдерін бекіту; зейіндерін тәрбиелеу.

Ойын ережесі: кім өз суреттерін бірінші қойса, сол жеңімпаз болады.

Ойын әрекеттері: зейінді болу, өз суретін уақытында қою, жүрісін өткізіп алмау.

Таңертеңгі жаттығу

Жалпы дамыту жаттығулары (орамалдармен).

1. Бастапқы қалып аяқ алшақ, дене тік, қол төменде.

1.1. Балалар орамалмен беттерін жауып, ""тауып ал"" деген сөзді айтады.

1.2. Бастапқы қалып (жаттығу 4-5 рет қайталанады).

2. Бастапқы қалып аяқ алшақ, дене тік, қол төменде.

2.1. Оңға бұрылып, қолдарын созып, орамалды умаждап ""жуамыз"" деген сөзді айтады.

2.2. Бастапқы қалып (дәл осы жаттығу сол жаққа қайталанады және 4 рет қайталанады).

3. Бастапқы қалып жерде отырады, аяқ алшақ, орамал тізе үстінде.

3.1. Жерге шалқасынан жатып, орамалмен беттерін жауып ""ұйықтайық"" деген сөзді айтады.

3.2. Бастапқы қалып (жаттығу 3 рет қайталанады).

4. Бастапқы қалып аяқ бірге, дене бос, қол төменде.

4.1. Орамалды көкірек тұсында ұстап, бір орында тұрып секіру.

4.2. Бастапқы қалып (жаттығу 3 рет қайталанады).

(дене шынықтыру)

Таңғы ас

Гигиеналық дағдылар

Тамақтану мәдениетін қалыптастыру: қасықты дұрыс ұстау, сорпаны төкпеу, нанды үгітпеу, майлықты дұрыс қолдану, тамақ ішкенде сөйлемеу.

Мақсат-міндеттер: өзін-өзі күту, тамақтану, арақатынасу мәдениеті негіздерін дамыту.

Ас ішкенде күнде біз,

Сөйлемейміз, күлмейміз

Астан басқа өзгені,

Елемейміз, білмейміз.

Балалар алғыс айтып тамақтануға кіріседі.

(мәдени-гигиеналық дағдылар, көркем сөз)

Ұйымдастырылған іс-әрекетке дайындық

Балаларға эмоционалды жағымды көңіл-күй мен ұйымдастырылған іс-әрекетіне мотивациялық дайындықты қалыптастыру, балаларға бір-бірімен сәлемдесуге мүмкіндік беру, ұжымда достыққа тәрбиелеу.

Білім беру ұйымының кестесі

бойынша ұйымдастырылған іс-әрекет

Дене шынықтыру

"Маубас аю".

Мақсат-міндеттер. Балалардың сап түзеп бірінің артынан бірі шеңбер бойымен арақашықтық сақтап, бағытты өзгертіп жүгіру қабілетін қалыптастыру; допты алысқа лақтыруда бастапқы тұру қалпын қабылдауға үйрету.

Дене шынықтыру

"Аю ұйықтағанды жақсы көреді".

Мақсат-міндеттер. Балаларда сап түзеп бірінің артынан бірі шеңбер бойымен арақашықтық сақтап, бағытты өзгертіп жүгіру қабілеттерін жетілдіру; әртүрлі бағыттарда жүгіру дағдыларын дамыту; доғаның астымен өрмелеуге үйрету; өрмелеу кезінде епті, жылдам болуға тәрбиелеу.

Музыка

"Аю мен түлкі".

Мақсат-міндеттер. Балаларды жабайы аңдар туралы әнді қызығушылықпен тыңдай отырып, әннің сипатын ажырата білу қабілетін дамыту; әндегі төмен және жоғары дыбыстарды ажырата білу қабілетін жетілдіру; әнді айтуда ырғақты сезіне білу қабілетін дамыту; музыка әуенімен бірге би қимылдары мен аңдар қимылдарын дербес орындауға үйрету; музыкалық аспап қасықпен жатық ойнау қабілетін дамыту.

Дене шынықтыру

"Жануарлар қалай қыстайды?"

Мақсат-міндеттер. Балаларда допты алысқа лақтыруда бастапқы тұрған қалыпты қабылдау және бөрененің үстімен тез адымдап жүру техникаларын бекіту; оқу қызметін пысықтау.

Қазақ тілі

"Орман тұрғындарының бастан кешкендері"

Мақсат-міндеттер. Қазақ тілін түсінуді, аңдардың дұрыс атау және қысқы тіршілігін білуді, сұрақтарға жауап беру кезінде ең қарапайым сөз тіркестерін дұрыс құрастыруды, салыстыру кезінде заттардың көлемін атауды, сөз тіркестерін дұрыс құрауды, дыбыстарға еліктеу кезінде артикуляциялық аппаратын, көру арқылы қабылдауын, қазақ тілін түсінуді, қыстап қалатын құстарды ажырату және атауды, сұрақтарға жауап беру кезінде ең қарапайым сөз тіркестерін дұрыс құрастыруды, салыстыру кезінде заттардың көлемін атауды, сөздерді сөз тіркестеріне дұрыс құрауды, көлемдерді сәйкестендіре білу қабілетін дамыту. Есту, сақтау және көру зейінін, сөйлеу тілін, ойлау қабілетін дамыту. Аңдарға және қыстап қалатын құстарға жанашырлық, қамқорлық сезімдеріне баулу.

2- таңғы ас

Балаларға тамақ ішер алдында қолды жуу, тамақтану кезінде дұрыс отыруларын қадағалау, ескерту жасау; орындыққа сүйенбей, шынтақты дұрыс қойып отыруларын қатаң қадағалау; тамақ ішер алдында балалардың бір-біріне астың дәмді болуын тілеп; тамақтан соң алғыс айту. (мәдени-гигиеналық дағдылар, дербес әрекет)

Серуенге дайындық

Балаларды серуенге ынталандыру; серуенге ойын жабдықтарын іріктеу; балалармен жеке әңгімелесулер; шалбарын, бас киімі мен бәтеңкесін реттілікпен киюін қадағалау. (мәдени-гигиеналық дағдылар, дербес әрекет)

Серуен

Қарды бақылау (қардың жауған алқабы). (қоршаған ортамен танысу, сөйлеуді дамыту)

Мақсат-міндеттер. Балаларға қыс мезгіліне тән табиғи құбылыс қарды бақылауға деген қызығушылығын ояту; қардың қайда жатқанына көңіл аударып, айтуға ынталандыру.

- Балалар, бәрекелді!

- Қараңдаршы, айналада не жатыр?

- Иә, бұл қар.

- Қар қайда жатыр?

- Айналаның бәрі аппақ.

- Аулаға қыс келді,

Қыс келді,

Қыс келді.

Қар шатырға түседі,

Қар ағашқа түседі,

Қар жерге таман, төмен,

Бұлттан баяу түседі.

Қарлар - жеңіл нүктелер,

Көрінбейді бұлт пен жер.

Түсіп жатыр,

Аппақ көрпе жауып жатыр.

Д. Ахметова

Еңбекке баулу тапсырмалары: балаларды қарды күректермен күреп, жүруге арналған жолдарды жасауға шақыру.

Мақсат-міндеттер: балаларды ересектің үлгісіне еріп, қарапайым еңбек әрекеттерін жасауға машықтандыру; топтастырымен бірге әрекет етуге баулу; жағымды эмоцияларды дамыту.

"Қолғап" қимылды жаттығуы. (дене шынықтыру, сөйлеуді дамыту)

Мақсат-міндеттер. Балаларды педагогтің соңынан көркем сөз жолдарының ырғағына, мазмұнына сай қимылдарды жасап, жағымды көңіл-күйге бөленуге үйрету; бүкіл дене бұлшық еттерін, түйсікті, есте сақтау қабілетін дамыту.

- Балалар, ал қазір қолғаптарымызбен әдемі жаттығулар жасап, ойнап көрейік.

- Қане, қолғапты киеміз, (алақандарды өзара уқалау)

Бір қолды салып көреміз, (бір қолмен екіншісін сипау)

Екінші жұп қолғапты, (екінші қолымен бірінші қолды сипау)

Киіп алсақ – жарап тұр. (алақандарымен ары-бері бұраңдау)

Біз татумыз, біз біргеміз,

Шапалақтап, секіреміз.

Оп-оп! Шапалақ!

Секір, секір! Шапалақ!

Жаттығу бірнеше рет қайталанады.

Қоян ойыншығын бақылау (ақ қоян). (қоршаған ортамен танысу, сөйлеуді дамыту)

Мақсат-міндеттер. Балалардың көңілін қоян ойыншығына аудару; қоянның тоны ақ, ұзын құлағы, қимылдары туралы ұғымдарды қабылдауға ынтылындыру, жасалған жаттығудан жағымды әсер ала білу қабілетін қалыптастыру.

Педагог ақ қоян ойыншығын көрсетіп, оның сыртқы сипатын байқатады.

- Балалар, біздің қонығымызды таныдыңдар ма? Бұл не?

- Жарайсыңдар, бұл қоян.

- Қоянның терісі сұр ма?

- Қоянның терісі ақ. Жарайсыңдар.

- Қоянның қандай дене бөлшектері бар?

- Иә, ұзын құлақтары бар.

- Қоян құлықтарымен қалай қимылдайды?

- Барлығымыз көрсетейікші. Жарайсыңдар!

- Қараңдаршы, ақ қоян жылы ақ тонын киіп алды.

- Қоян қайда мекендейді?

- Иә, қоян орманда мекендейді. Сендерді бірге ойнауға шақырады.

- Қоян қорқақ,

Ұзын құлақ.

Бұта түбінде,

Қасқырға көрінбей,

Ақ қарда жатыр,

Тыныш қана, үндемей.

Д. Ахметова

Еңбекке баулу тапсырмалары: балаларды сұхбатхана орындықтарын қардан тазалауға шақыру.

Мақсат-міндеттер: балаларды қарапайым еңбек әрекеттерін жасауға машықтандыру; тазалыққа, еңбексүйгіштікке тәрбиелеу.

"Бері шыға ғой, қоян!" қимылды ойыны. (дене шынықтыру)

Мақсат-міндеттер. Балаларға шеңбер бойымен жүріп, барлығы бірге топтасып "Бері шыға ғой, қоян!" сөздерін айтып, көрсетілген қимылдарға еліктеу қабілеттерін жетілдіру.

Педагог балалардың бірін "Қоян" атап, барлығымен бірге оны шақырады. Шақырылған қоян ортаға шығып, қимылдарды жасайды (педагог үлгіні көрсете алады), балалар қайталайды.

- Бері шыға ғой, қоян!

Ақ құлақтармен ойна!

Былай көрсет,

Ақ құлақтармен ойна!

"Шеңберден шықпа" жаттығуы. (дене шынықтыру)

Мақсат-міндеттер: балаларды шеңберге тұрып, шеңбердің бойымен қимылдауға баулу; кеңістікті бағдарлауға, мұқияттылыққа, достыққа тәрбиелеу.

Күнді бақылау. (қоршаған ортамен танысу, сөйлеуді дамыту)

Мақсат-міндеттер. Балаларды күннің аспанда орналасуын және жарқырағанын байқап, қолдарды жоғары созып, жағымды эмоцияларға бөленуге ынталандыру; күн туралы алғашқы ұғымдарды қалыптастастыру.