Үшбұрыш пен төртбұрыш ауданы, 3-сынып математикасы

Пәні: математика Тақырып: Ертеде қазақ халқы ауданды қалай өлшеген? 55-сабақ. Тіктөртбұрыш пен шаршының ауданын табу

Мектеп: Жалпы білім беретін Новобогат орта мектебі

Күні:25.11.19

Мұғалімнің аты-жөні:Сердалиева Л

Сынып: 3 а

Қатысқандар саны:15

Қатыспағандар саны:0

Оқу мақсаттары

3.3.1.3 тікбұрышты үшбұрыш, шаршы, тіктөртбұрыш ауданы формуласын:

S= (a.b):2, S=a2, S=a.b шығарып алу және қолдану

Күтілетін нәтиже

Барлық оқушылар үшін:

ауданы болатын нысандарды атау және ауданды өлшеуге арналған өлшемдер мен құралдарды таңдап алу, палеткамен өлшеу.

Бір қатар оқушылар үшін:

Тіктөртбұрыштың S=a·b, шаршының S=a2ауданын табуға формулаларды құрастыру және қолдану.

Кейбір оқушылар үшін:

Тіктөртбұрыш пен шаршының ауданын табу формулаларын қалай құрастыруға және қолдануға болатынын түсіндіру.

Тілдік мақсаттар

Оқушылар:

Ауданды және оны қалай табу керек екенін түсіндіру.

Пәндік лексика және терминология: Аудан, палетка.

Сабақта диалог/жазу үшін пайдаланылатын тіл.

Талқылау:

Қандай фигуралардың ауданы бар? Палетканы қалай қолдану керек?

Жазу:

Есептердің шығару жолдарын жазу.

Тірек білім, білік, дағдылар

Аудан туралы тұрмыстық түсінік.

Жоспар

Жоспарланған уақыт

Жоспарланған іс-әрекет

Ресурстар

Психологиялық ахуал орнату. «Қошеметтер бұрқасыны». Әр оқушы кішкентай қағаздың бөлігіне 1 жылы сөз жазады. Жазып болған соң, барлығы ортаға шығып қағаздарды жоғарыға лақтырады, кез келген қағазды ұстап алып, ішінде жазылған жылы сөзді дауыстап оқиды.

Мақсат: Оқушының қасындағы сыныптастарына жақсы тілекте

рін жазу арқылы , көңіл-күйлерін көтеру.

Стикерлер №1 слайд

Топқа бөлу. «Бұрыштар» әдісі.

Шарты: Алдарына әр түрлі геометриялық фигуралар туралы жазылған парақшалар таратылады. Оқушылар бір – бірден алып, өз тобын тауып алуы керек. Мысалы: «Төрт бұрышы, төрт төбесі, төрт қабырғасы тең геометриялық фигура.» Сынып оқушылары 3 топқа бөлінеді. Топ аттары: «Тіктөртбұрыш», «Шаршы» және «Шеңбер».

Белсендіру.

Тақтада: дөңгелектер, үшбұрыштар, тіктөртбұрыш, шаршы, төртбұрыш сияқты геометриялық фигуралар бар. Балаларға фигуралардың ең үлкенін және ең кішісін алуды ұсынады. – Біз фигураның шамасы (үлкен, кіші) жайында айтсақ, олардың несін салыстырамыз? Оқушылар фигураларды шамалары бойынша салыстырғанда, оның ауданын да салыстырамыз деген қорытындыға келеді. Содан кейін мұғалім көк тіктөртбұрыштың ауданы қызыл тіктөртбұрыштың ауданынан кіші екенін дәлелдеуді ұсынады. Оқушылар көрнекіліктер негізінде аудандарды салыстырады да, мынадай қорытындыға келеді: «Бір-бірінің үстіне қойғанда көк тіктөртбұрыш қызылдың ішіне сыйды, яғни қызыл тіктөртбұрыш көк тіктөртбұрыштан үлкен, ал көк тіктөртбұрыштың ауданы қызыл тіктөртбұрыштың ауданынан кіші болып келеді». Мұғалім тақтадағы фигуралардың ауданын салыстыруды ұсынады. – Бір фигураны екінші фигураның үстіне қойып салыстыруға бола ма? Егер бір фигураны екіншісінің үстіне қойып салыстыру болмаған жағдайда, фигуралардың ауданын қалай салыстырамыз

Геометриялық фигураларға қатысты сөздер жазылған парақшалар.

№2 слайд

Палетка арқылы фигуралардың аудандарын табады.

Тақырыпты болжау: Тіктөртбұрыш пен шаршының ауданын табу.

Мақсат қою: Тіктөртбұрыш пен шаршының ауданын табу формуласын S=a2, S=a.b шығарып алу және қолдану

Практикалық жұмыс:

Оқушылармен №1 тапсырма бойынша жұмыс жасайды.

Ол бұрынғы кезде көшпелі халықтарға қазақ үйдің

(жарты қазақ үйдің) ауданын, жырту керек жерді, жайылымдар мен шөп шабуға пайдаланылатын жерді және т.б. өлшеуге тура келетін. Төмендегідей жеңіл өлшемдерді пайдаланған: алақандай– бір алақан сияқты кішкентай жер, үй орнындай– қазақ үйдің орнындай жер. Өз алақанымен бір парақ қағаздың (кітаптың, орындықтың) ауданын өлшейді.

Дескриптор:

Бір парақ қағаздың,(кітаптың,орындықтың) ауданын өлшеу үшін, өз алақанымызды пайдаландық.

Ауданын шамамен таптық.

Ауызша бағалау: Жарайсыңдар!

№3-4 слайд

Қағаз беттері.

Жаңаны ашу.

–Геометриялық фигураның ауданын табу дегеніміз – бұл осы фигураның ішіне қабырғасы 1 см-ге тең неше шаршы сиятынын санау.

-Тіктөртбұрыштың ауданын қалай табамыз?

- S = a ∙ b, мұндағы: S – тіктөртбұрыштың ауданы, а – тіктөрт-

бұрыштың ұзындығы, b – тіктөртбұрыштың ені. Ауданның өлшем бірліктерімен таныстыру: квадрат сантиметр,

– Шаршының ауданын қалай есептегеніңізді түсіндіріңіз?