Үшбұрыштың тамаша нүктелері 8-сынып геометрия материалы

Ұзақ мерзімді жоспардың тарауы:

8.1.В Көпбұрыштар. Төртбұрыштарды зерттеу.

Мектеп: №149ЖББМ

Күні:

Мұғалімнің аты-жөні: Турар Н.

Сынып: 8

Қатысқандар:

Қатыспағандар:

Сабақтың тақырыбы

Үшбұрыштың тамаша нүктелері

Осы сабақта қол жеткізілетін оқу мақсаттары

8.3.3.1. Үшбұрыштың қабырғаларына жүргізілген медианалар, биссектрисалары, биіктіктер және орта перпендикулярлар қасиеттерін білу және қолдану

Сабақтың мақсаты

Үшбұрыштың тамаша нүктелерін біледі;

Есептер шығаруда тамаша нүктелердің қасиеттерін қолданады

Бағалау критерийі

Тамаша нүктелерді қолданып, үшбұрышқа іштей және сырттай шеңбер сала алады

Үшбұрыштың медианалары қиылысу нүктесінде 2:1 қатынасындай бөлінетінін біледі

Үшбұрыштың тамаша нүктесі- ортоцентрді біледі

Ойлау дағдылары

Білу және түсіну

Тілдік мақсаттар

Оқушылар: Есептеулерде үшбұрыштың қабырғаларына жүргізілген медианалар, биссектрисалары, биіктіктер және орта перпендикуляр қасиеттерін қолдануды тұжырымдай алады.

Пәнге қатысты сөздік қор мен терминдер: Медиана, биссектриса, биіктік, орта перпендикуляр, үшбұрыштың ауырлық центрі,үшбұрыштың ортацентрі, іштей және сырттай сызылған шеңбер;

Диалогтер мен жазу үшін қолданылатын тіркестер:

Үшбұрыштың қабырғасына жүргізілген медиана дегеніміз ...

Үшбұрыштың биссектрисасы деп ...

Үшбұрыштың биіктігі деп ...

Үшбұрыштың орта перпендикуляры деп ...

Құндылықтарға баулу

Оқушыларды жалпыға бірдей еңбек қоғамы құндылығына баулу – біздің ең маңызды міндетіміз. Еңбек және шығармашылық, ынтымақтастық, өмір бойы білім алу

Пәнаралық байланыс

сызу

Алдыңғы білім

Перпендикуляр, үшбұрыштың медианасы, үшбұрыштың биіктігі, үшбұрыштың биссектрисасы

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

- оқушылардың назарын шоғырландыру үшін «Шаттық шеңбері» әдісін қолданамын. Бұл әдіс оқушыларды бір-біріне тілек айту арқылы жақындастырады, көңіл күйілерін көтереді, бауырмалдылықтарын оятады;

- оқушыларды топқа бөлу үшін «Төрттік» әдісін қолданамын. Сыныптағы оқушыларға «әке», «ана», «бала», «дос» деген жазулары бар парақшаларды таратамын, сол аттары бойынша топқа біріктіремін;

- үй тапсырмасын тексеру үшін «Жалғасын тап» әдісін қолданамын. Бір оқушы үйге берілген тапсырманың берілгенін оқиды, келесі оқушы тапсырманың жауабын айтады;

- «Сұрақты ұстап ал» әдісін қолданып, сабақтың мақсатын анықтаймын. Өтілген материалға байланысты келесі сұрақтарды қоямын:

1. Биссектриса дегеніміз не?

2. Үшбұрыштың медианасы дегеніміз не?

3. Үшбұрыштың биіктігі дегеніміз не?

4. Үшбұрышқа сырттай сызылған шеңбер дегеніміз не?

5. Үшбұрышқа іштей сызылған шеңбер дегеніміз не?

Оқушылар берілген сұрақтаға жауап беру арқылы бүгінгі сабақтың осы түсініктерге байланысты екенін анықтайды;

- Сабақ мақсатын анықтағаннан кейін, оқушылар сабақ соңында қандай нәтиже күтілетіні туралы өз ойларын айтады;

«5 әдістен – 50 әдіске»

Сабақтың ортасы

Жаңа материалды игеру үшін «Атмосфера орнату» әдісін қолданамын.Тақырыпты ашу үшін әр топқа тапсырма беремін.

1-топ. Тең қабырғалы үшбұрыштың әрбір төбесінен биссекриса жүргізу тапсырылады

2-топ. Тік бұрышты үшбұрыштың әрбір төбесінен биіктік жүргізу тапсырылады

3-топ. Теңбүйірлі үшбұрыштың әрбір төбесінен медиана жүргізу тапсырылады.

4-топ. Доғал бұрышты үшбұрыштың әрбір төбесінен биіктік жүргізу тапсырылады.

Тапсырманы орындап болған соң әр топ өз тапсырмасын ортаға шығып қорғайды, осыдан не түсінгенін қорытындылайды. Тақырыпты толықтыру үшін белсенді оқытудың «Балалар философиясы» әдісін қолданып, тамаша нүктелердің анықтамасын беремін. Жалпылама пайымдау үшін қолданылатын мысалдарды келтіре отырып, есепті шығару жолдарын түсіндіремін.Оқушылар тақырыпқа байланысты сұрақтарды құрастыруға бір-екі минут беріледі.Әр оқушының қатысуын қамтамасыз ету үшін топпен бірге әрекет ете отырып, делдал ретінде қатысамын.