Үшөлшемді суретті қарындашпен салу ашық сабағы

Тасқала ауданы

Балалардың мектептен тыс жұмыс орталығы

3D суретін қарындашпен салу.

Шебер сынып.

Дайындаған: үйірме жетекшісі

Жалмуханова Г.Н.

Тасқала – 2020 жыл.

Мақсаты: 3D суретін қарындашпен салу арқылы оқушының ойлау қабілетін жақсарту, олардың дүние танымын, эстетикалық талғамын кеңейту. Сурет салу дағдысын, логикалық ойлау, еске түсіру, елестету қабілеттерін және шығармашылығын дамыту. Жалпы өнерді құрмет тұту, оған сүйіспеншілігін арттыру. Оқушыларды ұқыптылық пен тиянақтылыққа, төзімділік пен

сабырлыққа тәрбиелеу.

Қажетті құралдар: А4 қағаз, қарындаш, сызғыш, өшіргіш, түрлі – түсті бояу, маркер немесе фломастер.

Мазмұны

Сәлеметсіңдерме! Бүгінгі шебер сыныбымыздың тақырыбы «3D сурет қарындашпен сурет салу».

Бүгінгі сурет өнерінде ең озық дамыған қалыптың бірі түрлі көріністерді 3D форматында бейнелеу. Суретті бір көрген адам оның не сурет, не зат екенін ажырата алмай қалуы мүмкін. Көшелерге, ғимараттардың сыртына, көліктерге салынатын мұндай керемет бейнелеулер бүгінгі күнде зор сұранысқа ие. Талантты адамдардың қолынан шыққан дүниеге бір қарағанда қолыңыздан келмейтіндей көрінуі мүмкін. Алайда, адам жасаған нәрсені адам жасай алатынын ұмытпағайсыз. Өзіңіз бір көріп алсаңыз болғаны, жылдам үйреніп аласыз. Бүгінгі таңда 3D құрылғылар бүкіл дүниежүзіне танымал. Олар кино немесе өнер саласында болмасын кеңінен етек жайып келеді. Ғалымдар болашақта 3D принтерімен биологиялық ағза жасап шығармақшы. Сонымен қатар 3D суреттері өнер саласында да кең ауқымда пайдаланылып келеді. Оны үйренемін деушілер саны күн санап артуда. Осы тарапта біз сіздерге 3D суреттерді қалай салу керектігін көрсетпекпіз. Сіздердің назарларыңызға 3D суреттердің ең оңай салыну тәсілдерін ұсынамыз.

Алдымен алдымызда дайын тұрған А4 қағазын аламыз. Оған жеті нүктені белгілейміз. Белгіленген нүктелерімізді бір – біріне қосамыз. Нәтижесінде кубик шығады. Бізге берілген кубиктің үш жағын тең үш бөлікке бөлеміз. Берілген барлық төрт бұрышардың шетін тұйықтаймыз. Содан соң кубиктің жоғарғы жағын қызыл түске, шетіне ақ сызық қалдырып бояу керек. Және қалған екі жағын шетіне ақ сызық қалдырып жасыл мен көк түске бояу керек. Одан соң маркермен қалдырып қойған ақ сызықты бояу керек. Дайын болған жұмысты қиып аламыз.