Үшқара әні бойынша музыка пәнінен ашық сабақ материалы

Ұзақ Гүлжанат

балалар музыка мектебінің

домбыра класының мұғалімі

Ақтөбе облысы, Ырғыз ауданы

Сабақ тақырыбы: Мәди Бәпиұлы «Үшқара» әні. Сабақ мақсаты: Оқушыға өткен сабақты қайталап, жаңа сабақты түсіндіріп берілетін күйді ойнап көрсету.

а) білімділік мәні: Оқушының орындаушылық шеберлігін техниканы жетілдіре түсу. ә) тәрбиелік мәні: Оқушының күйге қызығушылығын қалыптастыра отырып, тапсырманы ұқыпты мңгеруге және орындауға баулу.

б) дамытушылық мәні: Оқушының музыкалық қабілетінің дамуын және ырғақты сезіну, ести білу, еске сақтау қабілеттерін аспапта ойнау шеберлігін арттыру. Сабақтың барысы:

I. Ұйымдастыру бөлімі: Сәлемдесу, амандасу

ІІ. Үй тапсырмасын тексеру: Ә. Желдібаев «Ерке сылқым». “Ерке сылқым” күйі қыз келіншектің қазақ өміріндегі тұрмыс тіршілігін суреттейді .Әсіресе күйдің орта буынында ару қыздың беліндей бұраңдаған көріністі әдемі бейнелейді. Күй екі бөлімнен тұрады. Өлшемі 2/4; тональносі Соль минор. Оқушыға аяғына дейін ойнатып, өзім 2-ші дауыста қосыламын. Сол кезде күйге әдемі дауыс ырғағы естігенде басқаша өзгеріс беріп құлпыра түседі. Күйді аяғына дейін ойнатып, жіберген қателігіне ескертемін.

III. Жаңа сабақ .“Үш қара” әнінің өлшемі 2/4 ,ырғағын түсіндіру, тональносі соль минор. Қоңыржай, тездете орындалады. Ән күйсандық сүйемелдеуімен орындалады. Мәди Бәпиұлы (1880 Қарағанды облысы Қарқаралы ауданы. 1.02.1924) халық ақыны әнші композитор. Қаз дауысты Қазбек бидің ұрпағы. Жасынан әншілік, домбырашылығымен аты шығады. Жалған жала жабылып абақтыға түскен. Түрмеде “Қаракесек” әнін шығарған. Бұдан басқа Мәдидің “Үшқара”, “Шіркін-ай”, “Мәди” атты әндері де жан сезімін, көңіл күйлерін бейнелейтін шабытты шығармалар. Мәдидің ән мәтіндерінен басқа өлеңдері әлі жинақталмаған. Мәдидің шығармашылығы туралы Жұбанов зерттеу еңбектер, ал Әбішев “Найзағай” атты роман (1969) Ә. Бектасов “Мәди” атты кітап (1973) жазды.Жоғары класс оқушысы болғандықтан шығарманы үйретуде парақтан оқыту әдісін қолданамын.

IV.Қорытынды: “Үшқара” әнін берілген жерге дейін ритмін, қағысын дәл ойнап келу. V. Бағалау Оқушының білім деңгейіне, домбырада ойнауына қарай өте жақсы деп бағалаймын. VI. Үйге тапсырма беру.