Ұстаз деген ұлылықтың символы туралы өлең

Ұстаз деген ұлылықтың символы!

Еңбектің жоқ жаманы, бар азабы,

Әр іске әркім өзі ой жазады.

Өз ісін сүйе білсе, сүйікті етіп,

Ұқыптылық ұтымды, ой тазалық.

Ұстаз – бұл ұлы есім, ұлы жұмыс,

Ұлтымыз ұлықтанар, ұлысымыз.

Шәкірттің зердесіне зер саламыз,

Сауаптардың асылы бұл ісіміз.

Талай ақын айтса да мақтауды мың,

Сан мыңдаған санада сақтаулысың.

Бақытқа балаларды баулитұғын,

Ұстаздар жырда талай жаттаулысың.

Ұстазда нәзік жүрек, нәзік жүйке,

Боласың шәкіртсіз тұл, жазық күйде.

Тербетіп ана ұстаз тал бесікті,

Қамқор әке қорғаныш болар үйде.

Әр сөзіңді арманға ұластырып,

Қарсы аласың шәкіртті құлаш түріп.

Өзің күле қарайсың, қамықсаң да,

Өмірде жүрсеңдер де жылап күліп.

Актер да, психолог, педагог та,

Абай, Ньютон өзіңсің Герадот та.

Жетелейсің жеңіске жетектейсің,

Шәкірт үшін түсесің сірә отқа.

Байсалдысың, сабырлы, байыптысың,

Кейде тіпті шәкірт үшін айыптысың.

Терең ойдан тағылым таба білген,

Ұстаздар, шын құрметке лайықтысың.

Еңбектерің атқаратын ел үшін,

Күйінетін сен үшін де мен үшін.

Ұстаз деген ұлылықтың символы,

Көре берсін еңбегінің жемісін!!!