Ұстаз ұлылығы мен ұлағаты туралы мақала, 2 сынып

Ұстаз – ұлы, ұстаз – ұлық қашанда!

Мұғалім бәрінен де қымбат,

Өйткені мұғалім - мектептің жүрегі

Бар мамандықтың ең құдыреттісі – ұстаздық. Өткені ұстаз барлық мамандық иесін тәрбиелеген, оқытқан, тоқытқан азбал жан. Оның алдында ғалым да, шехтер де бас иген. Сондықтан да шығар ұстаз есімі қай кезде де, қай сәтте де ұлы әрі ардақты.

«Адамның адамшылығы - жақсы ұстаздан» деп ұлы Абай айтқандай, мұғалім тәрбиесі мен өнегесі оқушының болашақ азығы. Жақсы ұстазға кезігіп, тәлім-тәрбие алған шәкірт өмір майданында мойымай күресіп, болашақ жолдарда бағытынан таймасы анық.Ұрпақ болашағы, халқымыздың келешегі қазіргі ұстаздардың қолында. Тәуелсіз ел атанып, төбемізге ту тігіп, тіліміздің мәртебесі артып, әлемге атымызды танытып жатқан кезеңде ұлттың, елдің болашағы-жас ұрпақ тәрбиесіне де мықты көңіл бөлінуде. Осы егеменді, тәуелсіз Қазақстанда өркениетке бастар жолдың бастауы мектеп десек, мектептің басты тұлғасы, жүрегі-мұғалім.

Ұстаз да диқан сияқты. Ол әр адамның жанына білім дәнін себеді. Әр шәкіртін аялап өсіріп, өмір атты шексіз ғаламға топшысын қатайтып ұшырады. Дәлірек айтсақ, адамды өмір сүре білуге тәрбиелейді. Сол үшін бойындағы асыл қасиеттерін шәкірттеріне сіңіріп, тер төгеді. Дәл осындай шәкіртінің жүрегіне дән сеуіп, олардың болашағы үшін көп еңбек сіңіріп, талмай еңбек ете жүре, мектебіміздің абыройын асқақтатып, бар өмірін мектепке, шәкірт тәрбиелеуге арнап жүрген мектебіміздің арадақ тұтар ұстаздары көп. Атап айтар болсақ, Т. Табаракова,М. Мақатова,Р. Молдашова,Г. Шакирбаева,Г. Саденова,З. Жұмабаева олардың еткен еңбектерін, атқарған істерін ештеңемен салыстыра алмайсың. Оны тек бағалайсың. Өйткені көп жыл тер төгіп, әке-аналарымызды оқытты, апа-ағаларымызды тәрбиеледі, енді міне аман-есен біздің балаларымызды да оқытып, тоқытып отыр. Осындай ұстаздарымыздың барына шүкіршілік етіп, бас иеміз.

«Опорный орта мектебі»КММ-нің бастауыш сынып мұғалімі

Турахова Камила Талаповна