Ұстаз мамандығының қадірі туралы психологиялық материал

Ұстаз-ұлағатты мамандық.

Мұғалімдік мамандық – бұл адамтану, адамның күрделі және қызықты, шым-шытырығы мол рухани жан дүниесіне үңіле білу. Педагогикалық шеберлік пен педагогикалық өнер – ол даналықты жүректен ұға білу болып табыладыВ.А.Сухомлинский

Ел болашағы-жастардың қолында екенін барлығымыз білеміз.Ал ұлт болашағынан үміт күттіретін жастарымызды тәрбиелейтін,олардың тұлға болып қалыптасуына көмектесетін,жан-тәнін салып ғылым жолына жетелейтін-осы біздің ұлағатты ұстаздарымыз.Ғалым да,дәрігер де,президент те ұстаздың алдынан өтіп, білім нәірімен сусындаған.Біздің қандайда-бір шыңдарды бағындыруымыз,жетістікке жетуіміз, бізге тәлім берген, адами қасиеттерімізді бойымызға сіңірген ұстаздарымыздың арқасы.Сол себепті де ардақты ұстаз мамандығы әрдайым қастерлі де қасиетті болып саналады және ұстаздарымызды естен шығармауымыз тиіс.

Кей талапкерлер өзінің болашақ мамандығын таңдар алдында өзінің жан қалауына емес,мамандықтың сұраныста болуына қарай таңдайды.Ал бұл «мұғалім» мамандығы ешқашан өлмейді.Қанша уақыт өтсе де бұл маман иелері сұраныста болады.Тіпті,біздің қоғам өз ісіне сүйіспеншілікпен қарайтын,білікті,мамандандырылған ұстаздарға зәру.Ұстаз атану үшін ЖОО-да білім алу жеткіліксіз,сіз әрқашан да ізденісте болып,біліктілігіңізді шыңдауға тиіссіз.

Ұсатаз болу-екінің бірінің қолынан келе бермейтін,аса жауапкершілікті талап ететін іс.Өйткені өзіңді сыйлата білу,өзгенің баласын өз балаңдай көріп тәрбиелеу,оқыту оңай емес.Бірақ қанша мақтасақ та,бұл мамандықтың құндылығы түсіп бара жатқандығы,бұрыңғыдай ешкім қастерлемейтіні мені алаңдатады.Біздің ата-анамыз мектеп оқыған кезде,мұғалім ұрыспақ түгілі,ұрып түсіндірсе де ешкім ештеңе деп айтпайтын.Керісінше бала анасына барып шағымданамын десе, өзіне ұрысып беруі мүмкін еді.Ал қазір жағдай тым қатты өзгерген.Ұстаз балаға артық сөз айтып қойса,дереу ата-анасын шақырып әкеледі.Оның үстіне.мұғалімдерді камера,комиссиямен қыспақтаймыз. Қаншама құжат толтырып,өзінің басты міндеті-сабақ өткізуге шама-шарқы жетпей жатады.Соңында таңдаған мамандығына деген махаббат оты өшіп,"Бүгін сабақты қалай қызықты өткізсем екен"-деп ақпараты жеңіл жеткізу жолдарын немесе сабақ барысын емес,тезірек үйге жетуін ойлап тұрады.Онымен қоса,жоғарыда көрсетілген міндеттерін ескеріп,қазіргі жастар ұстаз атанғысы да келе бермейді.

Абай атамыз"Адамның адамшылдығы ұстаздан"-деп босқа айтпаған.Біздің бойымыздағы жаманды-жақсылы қасиеттеріміз ұстаздың өзіне,оның өзін қалай ұстауына,берген тәлім-тәрбиесіне тікелей байланысты.Оқушының кейін қандай адам болатыны ұстазға байланысты болса, сол сияқты ұстаздың ұлағатты болуы-оның алдынан өткен шәкірттеріне байланысты.