Ұстаз мектептің жүрегі ашық тәрбие сағаты 9 сынып

Тақырыбы: «Ұстаз – мектептің жүрегі»

Мақсаты: Оқушыларды ұстазды құрметтеуге, сыйлауға үйрету, ұстаз мамандығының қыры мен сырларын түсіндіру. Ұстаз еңбегін әрқашан бағалай білуге үйрету.Көрнекіліктер: Қанатты сөздер, гүлдер, жалауша, шарлар.

Темірлан: Армысыздар, бармысыздар, Қош келдіңіздер, Құрметті де аяулы ұстаздар! Бүгінгі «Ұстаз – мектептің жүрегі» атты мереклік шарамызға қош келдіңіздер!

Нүриә

Ұстаз деген – жарық күні ғаламның,Ұстаз деген – анасы ол адамның.Бүкіл әлем мойындайды еңбегін,Сен де одан адам болып жаралдың.Ұстазыңды түсінген сен тереңнен,Бар әлемге еңбегімен еленген.Сенің бағың өрге қарай өрлесе,Ол да бірге қуанышқа кенелген.Сол арқылы сен де өмірді жалғадың,Ізгі іс қой, ұстаз тілін алғаның.Мақтау алсаң ұстаздардың алдында,Ол өзіңнің орындалған арманың.Ұстаз сөзін айтып жүрдік ән қылып,Одан басқа жүрген кім бар жанды ұғып.Ұстаз деген – ұлылардың ұлысы,Қасиеті бас иелік мәңгілік!

Темірлан: Бүгін бізде үлкен мереке. Бүгін ұстаздар қауымының төл мерекесі. Олай болса бүгінгі күн ұстаздарға арналмақ. Ұстаз -ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді.

Ақырын жүріп анық бас.

Еңбегің кетпес далаға

Ұстаздық еткен жалықпас,

Үйретуден балаға, — деп Абай атамыз айтқандай, шәкірттерінің өзінен озғанын калаған ұстаздар қауымы, мерекелеріңіз құтты болсын!

Нүриә: Денсаулықтарыңыз мықты болсын, шаңырақтарыңыз шаттыққа толсын, біздей шәкірттеріңіз көп болсын!

БІРГЕ: Мерекелеріңіз құтты болсын!

Темірлан: Аяулы ұстаздар күніне “Ұстазым” әні қабыл алыңыздар.

Нүриә: Ұстаз туралы қанша мақтау сөз айтсақ та тауыса алмаспыз. Ендеше, қымбатты ұстаздар, шәкірттеріңіздің өздеріңізге арналған өлең-шумақтарына кезек берелік

(Оқушылардың тақпақтары)

Темірлан: Барлығымыз Ұстаздар туралы нақыл сөздер айтып жарысып көрсек қайтеді?

«Ұстаз болу-өз уақытын аямау, өзгенің бақытын аялау»,

«Ұстазға қарап шәкірт өседі»

«Аспаз көрген ат таныр, ұстаз көрген хат таныр»

«Ұстазыңды ұлы әкеңдей сыйла»

«Ұстазы жақсының-ұстамы жақсы»

Нүриә: Сіздерге көп рахмет, аяулы да мейірбан ұстаздар. Өздеріңізге арналған шағын сыйымызды қабыл алыңыздар.

(Оқушылар сыйлықтарын табыстайды)

Темірлан: Ұстаз-шәкірт алдында сыйлы адам. Ұстаз жайлы айтылар сыр да, жыр да көп. Ұстаз сенімін ақтау-адамгершіліктің белгісі. Мұғалімнің жүрегі соғып тұруы үшін: жауаптылық, қажырлылық,, білімділік, жүректілік, сүйіспеншілік, сабырлылық керек екен.