Ұстаз мектептің жүрегі, ұстаздар күніне сценарий

«Ұстаз – мектептің жүрегі» – атты мектеп ұстаздарына арналған салтанатты кештің сценариі

(оқушылар тізіліп сапқа тұрып, мұғалімдерді қол шапалақтап қарсы алады)

Ашылуы: Қазақ биі: орындайтын «Шұғыла» би тобы

Айбар: Ғұлама білгіш, ғалымнан,

Оқушы жас жалыннан.

Мархабатты ойшылдан,

Мал өсірген қойшыдан.

Нұрбала: Жазушыдан, ақыннан,

Ғарышкерден батырдан.

Өнер асқан актерден,

Ырыс қазған шахтерден.

Назерке: Мың бұралған бишіден,

Ой тербеткен күйшіден.

Нұрмұхаммед: Оқыған жас кәріден,

Оқушының бәрінен.

Ұстаздарға мың салем!

Аяулым: Армысыздар, аяулы ұстаздар!

Данияр: Бармысыздар білім нәрімен сусындатқан ардақты жандар!

Назерке: Добрый день, уважаемые учителя!

В день осенний, когда у порога,

Задышали уже холода.

Школа празднует, день педагога,

Праздник мудрости, знаний, труда.

Нұрмұхаммед: День учителя, слушайте сердцем,

В эти звуки, что дороги нам.

Всем, что связано с юностью, с детством,

Мы обязаны учителям.

Айбар: Ғасырымыздың ғұлама қаламгері Мұхтар Әуезовтың «Алдыңғы жақсы артқы жақсыға тәлім айтпаса ел болғаның қайсы?» осы үздік ой жетегінде ең алдымен ортамызда отырған ардагер ұстаздарымыз, біздің бүгінгі құрметті қонақтарымызға бас иеміз.

Нұрбала: Ақ жүрекпен сезіп, «Ұстаз бақытын»,

Баршаға арнап өткен барлық ғұмыры.

Сізге арнаймыз, тілектің ең жақұтын,

Даңқымыздың биік болсын тұғыры.- дей отырып, бүгінгі салтанатты кешімізді ашу үшін сөз мектеп директоры Сауяев Айтуған Сақтапбергенұлына беріледі.

Ән: «Айналайын ұстаздар» орындайтын 2 «А» сынып оқушысы Шұғаева Еркеназ

Нұрбала: Оқушылар, мұғалім болған қандай жақсы!

Айбар: Дәптер тексересің, баға қоясың.

Назерке: Сабақты оқымайсың.

Нұрмұхаммед: Тентектік жасасаң ата-анаңды мектепке шақырмайды.

Аяулым : Ал мен ұстаз болған жақсы ма, әлде оқушы болған жақсы ма, әлі түсіне алмадым. Себебі мен бар болғаны бастауыш сыныптың оқушысымын.

Нұрбала: Біз бүгін ұстаздарға демалыс жариялаймыз. Кәнекей, біз бүгін аз уақытқа болса да, ұстаздарымызбен орын ауыстырып көрейікші.

Айбар: Мен Мешітбаев Айбар мектеп директоры боламын, келісесіздерме?

Барлығы: Иә келісеміз.

Нұрбала: Мен Октяброва Нұрбала оқу ісінің меңгерушісі боламын, барлық жұмыстың бақылауда болғанын ұнатамын.

Назерке: Әмитова Назерке музыка пәнінен сабақ беремін. Себебі, мен ән айтқанды, шығармашылықты жақсы көремін.

Нұрмұхаммед: Мен Тұлпаров Нұрмұхаммед кім болсам екен? Химия пәнінің мұғалімі болсам, бірақ ол қиын сабақ, мүмкін биология ол да, қиын. Осы салалардың жауапкершілігі көп қой. Жарайда мен кейін айтайыншы. Себебі қателесуден қорқамын.

Айбар: Келістік. Байқа. Көп ойланба. Әйтпесе жұмысқа қабылдамаймын.

Данияр: Ал, мен бірінші сынып оқушысы болып, қала берсем қайтеді, өйткені, мұғалім өте ақылды болу керек.