Ұстаз ұлағатты ұғым тақырыбындағы эссе жинағы

Ұстаз – ұлағатты ұғым!

Ұстаз! Осы бір ауыз сөзде қаншама құдірет, асқан ұлылық жатыр десеңізші! «Ұстаз» деген сөздің астарына бәрі де сияды: білім мен ғылым, тәрбие мен тәртіп, талап пен дағды, туралық пен тазалық, мейірім мен махаббат, қамқорлық пен қарапайымдылық, шындық пен шыдамдылық... Әрбір шәкірттің жанына жылу берер ізгі жан – ол әрине ұстазы. Еңселі биік ғимараттың ішіне кішкентай жүрегің дүрсілдей алғаш имене қадам басып келгенде, жүзінен мейірім шуақ төгіліп, жұп-жұмсақ қолдарымен алақаныңнан тартып алға жетелеген аяулы жан ешқашан ұмытылмас жүректен!Әр адамның қадір тұтып, қастерлейтін екі ұғымы болса, соның бірі – туған анасы, енді біреусі – ұлағатты ұстазы.Күллі әлемді өзіне бас идірген құдіретті тұлға туралы айтылмаған сөз, жазылмаған жыр, шырқалмаған ән жоқ та шығар мына ғаламда. Ұрпақ жалғаса бермек, замана қарыштап алға дами бермек, алайда өз дәуірінде өмір кешіп отырған ізгі ұрпақ өзін биік белестерге жетелеген жалынды ұстазы жайлы өзінше айтып бермек. Қауқарсыз балапандай қанатының астына келіп паналаған шәкіртінің топшысын қатайтып, алтын ұясынан ұшырып жатқан әр ұстаздың көзінен қимастық пен қуаныштың көз жасын, көңіліндегі алаң мен сенімділіктің ұшқынын аңғарасың.Осылайша әр шәкірт

«Ұстаздық еткен жалықпас үйретуден балаға» деп Абай атамыз айтпақшы, ел болашағын сеніп тапсырып отырған ұлағатты жан, өскелең ұрпақтың өмірлік арманы мен мақсатының ірге тасын қалауға негіз болып отырған рухани сәулеткер, ол – Ұстаз! «Ұстазы жақсының ұстанымы жақсы», «Ұстаз – ұлы есім», «Шәкіртсіз ұстаз – тұл» деген сияқты ел ішіндегі нақылға айналған тәмсілдер қай замана тұсында да ұстаз еңбегінің еселі екендігін айқындап тұр емес пе?! Ел ел болып тұрған тарих беттеріндегі білімнің шамшырағын шәкірт көңіліне жаға білген ұлы тұлғаларымыздың өмірі бізге