Ұстаз – ұлағатты ұғым туралы эссе

Ұстаз - ұлағатты ұғым!

Мен «Мұғалім – ұлағатты тұлға» деген қағидамен тәрбиеленген, педагогикалық классты бітіріп, мектепті аяқтай салысымен мұғалім болып шыққан түлектердің бірімін. Мен оқыған бұрынғы Талдықорған облысы Андреевка ауданы Екпінді орта мектебінде сол жылдары жоғары сыныптарды мамандыққа баулу ретінде педагогикалық класс ұйымдастырылған болатын. Арнайы бағдарлама бойынша бізді мектепке дейінгі тәрбие мен бастауыш сынып мұғалімдері ретінде дайындады. Осы педагогикалық классты бітірген кезімде мен «бастауыш сынып мұғалімі» деген квалификация алып шықтым. Педагог-жетекшім қазіргі М.Әубәкіров атындағы орта мектептің бұрынғы директоры, қазір аса сыйлы зейнеткер-мұғалім болып отырған Бұлғымбаева Күлсімхан Малайқызы болатын. Мұғалімдік мамандықты таңдауда бағыт-бағдар берген, «сен мұғалім болып жаратылғансың» деп осы мамандықтың қыр-сырына баулыған ұстазым, ақылшым, өмірлік идеалым - Күлсімхан Малайқызы. Ол кісінің берген тағылымын бас құжат ретінде осы күнге дейін ту етіп ұстап келемін. Мұғалім болуға өзінің бүкіл болмыс-бітімімен әсер етіп, осы мамандықты таңдауыма құлшындырған тағы бір ерекше адамның есімін атағым келеді. Ол – алғашқы ұстазым, екінші анам – Манадилова Сабира Қайсарқызы. Осы екі

Ұстаз... Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегінде қадір тұтып, құрметтейтін екі ұғым болса, соның бірі - ұстаз. «Ұстаз» деген қазақ баласы үшін қашанда қасиетті, қадірлі болған. «Ұстаздан тәрбие алған» немесе «ұстаз алдын көрген» деген сөздер құлаққа «ана тәрбиесін алған» деген сөздермен ұштасып жатады. Алғаш әріп танытып, өмірдің қыр сырын білуге, сан қилы құбылыстарын терең түсінуге мұрындық болып, жан дүниеңе нұрлы шуақ түсіріп, адамгершілікке баулыған мұғалімнің бейнесі көңіл төрінен орын алары анық. Ұстаз әр адамның жанына білім дәнін сеуіп, әр шәкіртін аялап, өмір атты шексіз ғаламға топшысын қатайтып ұшырады. Дәлірек айтсақ, адамды өмір сүре білуге тәрбиелейді. Сол үшін бойындағы асыл қасиеттерін шәкірттеріне сіңіріп, тер төгеді.

Менің ойымша, кез келген мұғалім ұстаз бола алмайды. Себебі, ұстаздық өнер - тағылымы терең өнер. Ал өнерлі болу кез келген адамға қона бермейді. Олай болса, шын ұстаз болу үшін табиғи дарын ізгілікті ізденіс пен ерен еңбекке ұштастырылуы шарт. «Шәкіртсіз ұстаз - тұл» деген тегін айтылмаса керек. Дүниедегі сыйлы адам да - ұстаз. Себебі, шәкірт өнер, білім, әдеп-тәрбие, кәсіп үйреткен адамының алдында өзін өмір бойы қарыздармын деп санап, ұстазының…