Ұстаз ұлағаты – әлеумет әлеуеті эссе, 4 сынып

«Ұстаз ұлағаты-әлеумет әлеуеті»

Эссе

І.Кіріспе Ұстаз — ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді. Ұстаз болу – жүректің батырлығы, Ұстаз болу – сезімнің ақындығы, Ұстаз болу – мінездің күн шуағы, Азбайтұғын адамның алтындығы –деп ақын Ғафу Қайырбеков ағамыз жырлағандай, біздің ауданымызда сөзі – маржан, үні – ән ұстаздардың бар болғанын мақтаныш етемін. Әрине, ұстаз жүгі – ауыр жүк. Адамның жан дүниесін түсініп, ренжітпей, қателігін сездіре білу – бұл нағыз шеберлік емес пе?!Ұстаз болу әркімнің қолынан келе бермейтіні анық.Ұстаздың жауапкершілігі жоғары. Сондықтан да ұстаз мамандығын таңдаған әрбір тұлға өзіне жүктелетін жауапкершілікті түсініп қана таңдаған дұрыс сияқты.Ұстаз мамандығы қазіргі қоғамда ең қажетті және құрметтеуді қажет ететін мамандықтардың бірі болып отыр. Ұстаз ұлағаты-баға жетпес байлық.Әрбір адам үшін өзінің отбасы және ұстазынан алған тәлім-тәрбиесі өмірлік ұстанымы болатыны қақ.Бұны өзіміз көріп те,біліп те жүрміз. Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған диқан да, мал бағып терін төккен шопан да, көк күмбезінен әрі өткен ғарышкер де бәрі-бәрі ұстаздан білім,

ІІ.Негізгі бөлім Биыл елбасымыз Н.Ә.Назарбаев та кезекті жолдауында ұстаз мәртебесін көтеру туралы тапсырма берді. Бұл құжатта ұстаздарға барлық жағдай жасалып,жүктеме азайтылып,жөнсіз тексерістерден,қағазбастылықтан арылу туралы айтылды. Бұл шынында да қазіргі қоғамдағы

қарастыруды қажет ететін негізгі жағдайлардың бірі болып тұр.Өйткені,ұстаз ұлағаты біздің болашағымыз саналы ұрпақ өсіп дамуы үшін маңызды болып отыр.Сондықтан да бұл ұстаз мәртебесі туралы көтерілген мәселені толық құптаймын.Мұғалімнің мәртебесін көтеру-келешек ұрпақты тәрбиелеудің негізі,өскелең ұрпақ үшін мұғалім үлгі және өнеге болуы тиіс. Қазіргі таңда жалпы еліміз бойынша «Ұстаз мәртебесін көтеру» туралы құжатқа байланысты жан-жақты пікірлер,ұсыныстар ұсынылып,талқылануда.Менің ұстаз мамандығын алып келе жатқаныма 10 жылдың жүзі болды. Осы кезекте өз тәжірибеме сүйене отырып,мен де өз ұсынысымды білдіре кетсем: 1)18 сағаттық жүктемені,16 сағаттық жүктемеге қысқарту.Себебі,уақыт жеткіліксіздігі ұстаздардың шығармашылық жұмысын арттыруға кедергі болуда.Ұстаз мамандығы қиын да,қызық мамандық бола тұра мұғалім өз тәжірибесін арттырып, заман ағымына қарай жылжып отыруы қажет. 2) Елбасымыз өзі атап өткендей жөнсіз тексерістер мен міндеттен тыс жұмыстарды азайту.Соның нәтижесінде мұғалім өз тәжірибесін шыңдай отырып,саналы,білімді ұрпақ тәрбиелеу жолында аянбай еңбек етпек. 3)Мұғалім жұмысының нәтижесі шынайы бағалануы.Бұл мұғалімге қарқынмен,шын талпыныспен,өз мамандығын жақсы игер