Ұстаз – ұлы есім тақырыбындағы мақала сынып жетекшіге

«Ұстаз – ұлы есім»

Мен ғасырлық терең тарихы бар Абай атындағы Жамбыл гуманитарлық жоғары колледжінде оқытушы әрі топ жетекшісі болғаныма өзімді бақытты сезінемін. Өйткені менің мамандығым мен қызметім– мақтан тұтарлық мамандық.

Менің педагог ретіндегі ұстанымым - бойындағы білім мен сауаттылықты үйлестіре отырып, әрбір шәкіртіме жеке тұлға деп қарап, адал жүрегімді ұсынып, өз ісімді жан тәнімен сүю. Жақсы ұстаз — бұл қай кезде де ең алдымен кәсіби деңгейі жоғары, интеллектуалдық, шығармашылық деңгейі жетік тұлға. Оқытудың жаңа технологияларын өмірге ендіруге дайын, оқу-тәрбие ісіне шынайы жанашырлық танытатын қоғамның ең озық мамандықтардың бірі, ол – менің мамандығым деп есептеймін.

Ұстазы жақсының ұстамы да жақсы болады. Студенттердің бойындағы шынайы білім, біліктілік дағдылары, мінез-қалпы, шарапаттылығы жақсы ұстаздан қалыптасатын әдет деп есептеймін. Бүгінгі күні ұстаздар өз шәкіртттеріне өз пәндері бойынша ғылым негіздерінен ақпарат беріп қана қоймай, оларды дүниежүзілік білім, экономика кеңістігіне шығуға тәрбиелеуі тиіс. Сондықтан педагог мамандығының иелері әлемдік білім беру мен тәрбиелеу жүйесінен мол ақпарат алып отырса, оның шәкіртке берген білімі, тәрбиесі нәрлі болады, кәсіби деңгейі өседі, әлеуметтік беделі артады. Демек, студенттің санасына кәсіби даярлығы мол, құндылығы көп мұғалімнің ілімі ғұмырлық сақталады. Өзім әр пәнімде, әр тәрбие сағаттарымда әрбір студентке деген қамқорлығымды, бауырмалдық сезімімді, дана ойымды, ыстық лебізімді сезіңдіргім келеді. Шәкірттің жан дүниесін түсініп, оларды ренжітпей, өздерінің қателігін сездіре білу – бұл шебер ұстазға тән қасиет деп санаймын.

Қазіргі заманда білім беру мен тәрбие үрдісі әлеуметтік құрылымның маңызды элементтерінің біріне айналып отыр. Адамның болашағы оның қазіргі алып жатқан білімі мен тәрбиесінің сапасына, көлеміне, ойлау деңгейіне байланысты.

Мұғалімнің кәсіби деңгейі мен әлеуметтік беделі шәкірт жүрегіне жол таба білуімен мөлшерленеді. Ұстаз шәкірттің білім алуға, тәрбиелі болуға, еңбек етуге деген құлшынысын тудыра алмаса, оның ынтасы, қызығуы қалыптаспайды.

Мен әрбір студентімді тыңдап, оны түсінуге тырысамын, егер олардан бір мәселе байқасам, оның шешімін табуға көмектесемін. Әрбір сабақтарым мен тәрбие сағаттарымды қызықты өткізуге тырысамын. Студенттерді тыңдаушы дәрежесінен еңбек етушіге жетуді көздеймін, білім…