Ұстаз ұлы тұлға ашық тәрбие сағаты, 2 сынып

Ұстаз – ұлы тұлға.

Мақсаты: оқушыларға ұстазды құрметтеуге, сыйлауға, түсіне білуге, бағалауға үйрету, ұстаз мамандығының қыры мен сырларын түсіндіру.

Көрнекіліктер: мақал – мәтелдер жазылған плакаттар, гүлдер, шарлар.

Ән шашу: «Ұстаздар мерекесі»

Мұғалім:

Қайырлы күн, құрметті қонақтар, ұстаздар, оқушылар!. Бүгінгі ұстаздар мерекесі қарсаңында өткелі отырған «Ұстаз – ұлы тұлға» атты 2 «Б» сыныбының ашық тәрбие сағатын бастауға рұқсат етіңіздер.

ҚР мемлекеттік Әнұраны шырқалсын.

Ұстаз болу – жүректің батырлығы,

Ұстаз болу – сезімнің ақындығы.

Ұстаз болу – мінездің күн шуағы,

Азбайтұғын адамның алтындығы,

-деп ақын Ғ. Қайырбековтың жырлағандай, сөзі маржан, ойы дана ұстаздардың бар болғанын мақтаныш етеміз. Әрине ұстаз жүгі – ауыр жүк. Ұстаздардың әсерлі үнмен, асықпай мәнерлеп сөйлеген сөзінен әрбір оқушыға деген қамқорлықтың, жауапкершіліктің және дана ойдың ыстық лебі есіп тұрғандай. Иә, адамның жан дүниесін түсініп, ренжітпей қателігін сездіре білу – бұл нағыз шеберлік емес пе?!

Ұрпақ тәрбиесі – ұстазға байланысты. «Ұяда не көрсең, ұшқанда соны ілерсің» , өнегелі ұстаздан жақсы шәкірт шығатыны сөзсіз.

М. Ғабдуллин: «Мұғалім өзінің білімділігімен, жүріс – тұрысымен, жайдары мінезімен, тіпті сырт пішіні, киген киімімен де оқушысына жақсы мағынада қатты әсер етеді» - деген.

«Ұстаз болу өзгенің бақытын аялау, өз уақытын аямау» - ұстаздық қызметтің бұдан артық анықтамасы болмас!

Бір баланың өмірге танымын, оқуға құштарлығын оятып, дұрыс бағыт сілтеген ұстаздың еңбегі сол баланың бақытты өмірімен де есептелмес! Ал біздің арамызда мұндай ұстаздар қаншама! Сондықтан да Сәбит Мұқанов:

«Мұғалім. Бұл адамның ардақты аты» - деп жыр жазған.

Ұстазын құрметтеген қаншама ақындарымыз небір өлең шумақтарын өмірге әкелді. Енді сол өлең жолдарымен ұстаздарға деген оқушылардың ықылас, пейілін тыңдайық.

1-жүргізуші:Маржона

Сәлем бердік ұстаздар баршаңызға,

Сіздермен тола берсін ортамыз да.

Бүгінгі ел басқарған азаматтар,

Білім алған сіздердің арқаңызда.

2 – жүргізуші:Рамазан

Армысыздар мұғалімдер, әз жандар,

Білім іздеп, инемен құдық қазғандар.

Құшақ жая қарсы аламыз сіздерді,

Би – билеп, ән де бүгін шырқалар.

1 – жүргізуші: Маржона

«Ұстаз – ұлы тұлға». Күн сәулесі өмірге қандай жарық берсе, ұстаз есімі де шәкірттерге күндей жарық береді

Ақырын жүріп, анық бас,

Еңбегің кетпес далаға.

Ұстаздық еткен жалықпас,

Үйретуден балаға.

-деп Абай атамыз айтқандай шәкірттерінің өзінен озғанын қалаған ұстаздар қауымы...

Бірге: МЕРЕКЕЛЕРІҢІЗ ҚҰТТЫ БОЛСЫН!

2 жүргізуші:Рамазан

Ән жырмен шуақ шашайық,

Сіздерді әнге қосайық.

Ақ тілек сұрап баршадан,

Шымылдығын сахнаның ашайық.

1 оқушы:Элмира

Бүгінгі күн құшақтарың гүлге толсын,

Дендерінің саулығы мықты болсын!

Білімменен суарған шәкірттерін,

Төл мерекең ұстаздар құтты болсын!

2 оқушы: Муслим

Мектеп үйім, ұстаздарым, ата –анам,

Сенен өсіп, сенен ғана нәр алам.

Саяң ыстық, сен мәуелі бәйтерек,

Тамырланып сен тарапқа тараған.

3 оқушы:Бекарыс

Ұстаздың оттай ыстық алақаны,

Болған соң ойлайтыны бала қамы.

Баладан ұстазыма мың сан алғыс,

Өйткені ол ұстазымның ақ арманы.

1 – жүргізуші: Маржона

Хор: Мұғалім - ол біздің

4 оқушы:Шахзод

Арқаңда өзіңнің,

Адам боп шығамын.

Бәрі алтын сөзіңнің,

Ақылшым - мұғалім

5 оқушы:Маржона

О, ұстаздар басымд ием сіздерге,

Күллі әлемнің мұғалімдер күнінде.

Жүрегімнің лүпілінен шыққан сөз.

Сая тапсын ұлы ұстаздың жүрегінің түбінде.

6 оқушы:Фердавс

Жалын атып, от боп, бірге жанасың, Білім беріп, содан бақыт табасыңБар өмірің өрнектеліп баламен, Жасарып бір мәңгі жас боп қаласың

2-жүргізуші: Рамазан

Ән: «Аяулы мектебім»

Мұғалім:

Ұстаздық өте жауапты мамандық екені баршамызға белгілі. Ол – мектептің де, қоғамның да, ғылымның да, білімнің де, ұлттың да, адамгершілік пен ерліктің де, жақсы мінез бен ақындықтың да нағыз жанды өкілі. Үнемі бала көзінде болу, әрдайым жинақы, таза, әдепті жүруді талап етеді. Кез келген уақытта шәкірттің қандай да болсын сұрағына білімділікпен жауап беруге тура келеді. Оған нақты, дәлелді, сенімді, көркем, жүйелі, тартымды сөйлеу керек. Ұстаздың әділдігі, адалдығы, батылдығы, мінез сұлулығы, іс пен сөз бірлігі, шыншылдығы, ұстамдылығы күн сайын балалар тарапынан баға алып отырады. Ол – әрі ғалым, әрі шешен, әрі көшбасшы. Ұстаз – мейірім, махаббат, сүйіспеншілік, жанашырлық сезімдерінің көрігі. Ұстаз – білім беру сапасын арттыру саясатын тікелей жүзеге асырушы. Ол – мемлекетімізді құрметтеу жауапкершілігін шәкірттеріне жеткізіп дарытушы. Мемлекетіміздің өркениетті даму саясатының мектептегі насихатшысы да – ұстаз. Бір сөзбен айтсақ, мұғалім – мемлекет өкілі. Ол өзінің ісімен де, сөзімен де, жүріс-тұрысымен де, мәдениетімен де,…