Ұстаз ұлы тұлға тақырыбындағы қазақ әдебиеті эссесі

Ұстаз-ұлы тұлға

« Мен баланың жас кезінен –ақ әрқашанда сау

да әрі бақытты болып өсуін, өмір даналығы мен

адамзатқа қызмет ете білу бақытын игере

отырып өсуін қалаймын.Өзінің кім

екендігін , не үшін өмір сүріп, не үшін

талпынатынын пайымдай білсін».

Сара Алпысқызы Назарбаева

Бала -біздің болашағымыз.Тәуелсіз еліміздің келешек ұрпақты тәрбиелеу мәселесі- бүгінгі күннің өзекті тақырыбы. Бұл мәселенің шешімін табуда үздіксіз білім беру жүйесі айтарлықтай дәрежеде қайта қаралып, оны жетілдіру жолдары іздестірілуде.Адамның адам болып қалыптасуында ата-аналармен қатар мұғалімнің ролі зор. Яғни, мұғалім мамандығының иелеріне болашақ ұрпақты тәрбиелеуде үлкен жауапкершілік жүктелген. Әр мұғалім өзінің бала болғанын, өзінің ата-ана екендігін, өзінің оқытушы болып қалыптасын келе жатқанын ой елегінен жиі-жиі өткізіп отырса, өзге алдындағы жауапкершіліктің сыры бірден айқындала бастайды.Мұғалім өзіне шәкәрттердің қаншалықты жоғары бағалап қарайтынын есінде сақтаса, оның балаларға тигізетін ықпалы соншалықты күшті болады. Мұнан түйетін ой,адам баласына сәби кезінде берілген дұрыс тәрбиенің жемісін өскенде көресің деген пікірге тоғыстыруға болады. Сонымен бала тәрбиесіндегі мұғалімнің рөлін, оның беделін көтеру, оған адами-рухани жақтан да, әлеуметтік жақтан да қолдау көрсетілсе деп ойлаймын.

Менің педагогикалық еңбек өтілім 8 жылдан асады,қазақ тілі мен әдебиеті пәнінің маманымын. Мұғалім болып жұмыс істеген уақытымда түсінгенім, мұғалім ол оқытушы ғана емес, ол-бағбан. Әрбір сабаққа кірген сайын ерекше әсерде боламын. Әр оқушы өзінің мұғаліміне еліктейді. Сондықтан өзіне жүктелген жауапкершілікті сезініп, балаларға қуаныш сыйлай білсе, өзінің жақсы қасиеттерімен шәкірттерінің бойына өзіндегі бар жақсыны ұялата алады. Мектеп қай кезде , қай жерде болмасын қасиетті орын және онда санаға ізгілік нұрын себетін ұстаз бар.Біз, ұстаздар оларға тек үйретіп қана қоймай, өзіміз де көп нәрсені үйренеміз. Балалар бізге төзімді, қайырымды болуды, өзімді де өзгелерді де түсіне білуді үйретеді.Бұл мұғалім үшін қаншалықты маңызды екенін түсіндіру қиын. Балаларды оқыту және өз жемісін көру- мұғалімнің жұмыстағы бақытының жартысы ғана, ал кез-келген сұрақтың жауабын табу, үнемі ізденісте болу, өз жұмысының жаңа қырларын ашу-бұл мұғалім жұмысының нағыз бақыты деп айтуға болады.