Ұстаз ұлылық пен адалдық символы эссе 9 сынып

Эссе

Ұстаз - ұлылықтың,адалдықтың символы

Елдің келешегі бүгінгі жас ұрпақтың қолында,

ол жас ұрпақтың тағдыры ұстаздардың қолында.

Н.Ә.Назарбаев

Ұстаз –қажырлы еңбекті,терең білімді,ізденімпаздық пен жаңашылдықты талап ететін дара да даңғыл жол.Қазақтың біртуар азаматы Ахмет Байтұрсынұлы ұстазды «Адамдық диханшысы» деп бекер атамаған.Қай кезеңде болмасын жас ұрпақтың болашағына бағдар беріп,терең білім мен саналы тәрбие беруде еңбегі орасан.Демек,ұстазына қарап бой түзеген шәкірт ұстазының бар болмысынан тәрбие алары анық.

Еліміздің жарқын болашағы- жас ұрпақ.Жаңа Қазақстанның іргесін қалап,қанатын жаюда білімді ұрпақтың үлесі көп.Ал ол ұрпаққа білім мен тәрбие беруде ұстаздардың,біздердің,қыруар еңбек етіп, тер төккеніміз абзал.Ұстаздардың ұлылығына,адалдығына басымды иіп,ұстаз болуды бала кезімнен арман еткен мен үшін ұстаз болу-мәртебе!Әр бір шәкірттің жүрегіне жол тауып,мектеп табалдырығын «тарыдай» болып аттап, «таудай» болып шығатын балдырғандарды біліммен ғана қаруландырып қоймай,олардың заман ағымына сай алған білімдерін шынайы өмірде тиімді қолдана білуге тәрбиелеу- біздің борышымыз. Менің ойымша,сондықтан мұғалім үздіксіз ізденіп,теориялық білімін жетілдіріп,бала бойына сіңіруде методикалық білімін де шыңдауы хақ.Қазіргі таңда білім саласында болып жатқан өзгеріс білім сапасын арттырудағы негізгі бастама екені анық. Яғни жаңашылдықтың жаршысы-ұстаз .Жаңашыл ұстаз шәкірт санасында ұлылықтың,адалдықтың символы болып қалуы абзал.Олай дейтінім,ана сүті аузынан кетпеген бүлдіршінге алғаш оқуды,сызуды үйретіп,өмірдің алғашқы қадамдарын айқындап беретін,дүниенің сан қырлы сырын білуге,терең ұғынуға,ақ пен қараны ажыратуға мұрындық болады.Олар ұстаз бойынан мейірімді ананы,шынай досты,сырлас бауырд

Қорытындылай келсем,алдымызда отырған әр жеткіншектің Абайша кірпіш болып, дүниеде кетігін тауып қалануына себепкер болғанымыз үлкен бақыт! Олардың рухани дүниесі бай,білімді,іскер болып биік белестерді бағындырғанын,ерен еңбектерін көргеніміз мен үшін,біз үшін бақыт!