Тәуелсіздік тұғырым тақырыбындағы эссе 9 сынып

Тәуелсіздік - тұғырым

Ех, шіркін біз неткен бақытты балалармыз. Аллаға шүкір ешқандай соғыссыз, бейбіт заманда өмір сүріп жатырмыз. Біздің өз рәміздеріміз, заңымыз, жеріміз бар. Енді біз ешкімге тәуелді емеспіз. Алдымызға жеке мемлекет құрдық. Елімізге дұрыс бағыт сілтейтін – кемеңгер көшбасшымыз бар. Біздің ешқандай мұңымыз, мәселеміз, қайғымыз жоқ. Түйе үстіне бозторғай жұмыртқалаған тыныш, армансыз, бейбіт заманда ғұмыр кешіп жатырмыз. Бір шаңырақ астында бірнеше ұлт өкілдері тұрамыз. Бәріміз бірлікте, татулықта, ынтымақтастықта жүріп жатырмыз деп айталамын. Осының бәрі тәуелсіздіктің арқасында.

Ал біз тәуелсіздік қайдан келді – деп, бір сәт ойландық па ?

Осы тәуелсіздік жолында көптеген жастарымыз құрбан болды. Қазақтың біршама азаматтарының мойнына қыл шылбыр салынды. Әділдік үшін бой көтерген жас боздақтардың маңдайы тасқа соғылды. Олар елімізді басқаратын – қазақ азаматы болсын деп зарлады. Сол бір күнгі ұмытылмас оқиға бүкіл ұлтымыздың жанын жаралап, жүрегіне ызғар шашып кеткен болатын. Егемендік, бостандық үшін жап – жас өрімдей қыз – жігіттер құрбан болды. Оларға жала жауып, әбден намыстарына тиіп, қорлаған болатын. Бұл ызғарлы күндер халқымыздың есінде сақаталып қалған еді. Осы күнгі елі үшін жанын беруге дайын болған Қайрат Рысқұлбеков, Ербол Спатаев, Ләззат Асанова, Сабира Мұхаметжановаларды ерекше атап өткім келеді. Бұлардың ең кішісінің жасы не бәрі 16 жаста еді. Он екіде бір гүл ашылмаған жастарымыз жастықтың керемет дәмін татпай кетті. Ақиқаттың жолы қиын да қатерлі деген осы шығар бәлкім.

Аллаға шүкір қазіргі таңда жастарымыз алып берген тәуелсіздігіміздің арқаксында біз бақытттымыз. Аса бір қиыншылықпен келген тәуелсіздікті – қолымызға қонған бақ құсымыз деп білеміз. Ерлеріміздің арқасында Қазақстан Егеменді ел болып, дүние жүзіне танылуда. Біздің Отанымыз – егеменді, тәуелсіз Қазақ мемлекеті. 130 аса ұлт өкілдері тұратын осынау қасиетті мекенде, асқақтаған өлкеде, кеңшілігі керемет, дархан дастархандай далада, егіні теңіздей толқыған, төрт түлігі маңыраған, өндірісі өркендеген мекенде өмір сүруші әрбір адам өз Отанын жанындай сүйіп, оның көк туын көкке көтеруді мақтаныш тұтады.