Ұстаздық ұлы қызмет туралы мақала

ҰСТАЗДЫҚ -ҰЛЫ ҚЫЗМЕТ

Тусупбекова Зейнегул Алкеновна,

Әлеуметтік педагог, «Өзін -өзі тану» мұғалімі,

« М.Жұмабаев атындағы №39 гимназия»КММ

Қарағанды қаласы

Epтeңгі күннің бүгінгіден гөрі нұрлылақ болуына ықпал етіп, адамзат қоғамын алға апаратын құдіретті күш ол білім. Демек, қай елдің болсын, өсіп өркендеуі, өркениетті дүниеде өзіндік орын алуы, оның ұлттық білім жүйесінің деңгейіне, даму бағытына тікелей байланысты болмақ.

Елбасымыздың «Қазақстан- 2050» стратегиясында: «Ұлттың бәсекелестік қабілеті оның біліміділік деңгейімен айқындалады. Мәңгілік Ел-бабаларымыздың сан алуан жылдан бергі асыл араманы. Ендігі ұрпақ-мәңгі қазақтың перзенті. Олай болса, қазақ елінің ұлттық идеясы-Мәңгілік Ел!» деген сөзіндегі оның меңзеген Мәңгілік елінің иесі-бүгінгі жас ұрпақ. Шын мәнінде, ұлттың тірегі-білімді ұрпақ. Сол ұрпақты толыққанды сапалы біліммен, саналы тәрбиемен сусындап өсуі мен Қазақстанды әлемдік деңгейге танытуы ұстаздан алған білім мен тәлім -тәрбиесіне байланысты .

Кезінде ұлы Мағжан: «Еліміздің аз ғана жылдық ояну дәуіріне баға беру үшін алты алаштың баласы бас қосса, қадірлі орын-мұғалімдікі» деуі білім ордасындағы ұстаздар қауымының беделі мен абройының асқақ екендігін көрсетеді.

Ұстаз-қашанда бала жанына жол тапқан тұлға, француз ойшылы Жан Жак Руссо айтпақшы «өзгенің бақытын аялайтын, өзінің уақытын аямайтын» жан. Сондықтан жаһандану заманында мұғалімдікті игерген ынталы адам, мектептің басты тұлғасы-шәкірттерді адами тұрғыда ертеңгі елдің тізгінін ұстар азаматтар деп санаймыз.

Мектеп-білім ошағы, тәлім ордасы, тағылым табалдырығы. Мектепті мәуелі бәйтерекке теңесек, ағаштың жемісі-оқу білім, тамыры-мұғалім. Әр жеткіншек- жас шыбық, зерттелмеген «руна» жазуы секілді құпия. Шыбық қисық өспеу үшін оны баптау да, құпияны ашуға кілт табуда бүгінгі күн ұстазының мерейі, міндеті.

Елбасы жолдауындағы мұғалімінің мәртебесін көтеру-елдің мәртебесін көтеру. Болашақ ұстаз да, дәрігерде, заңгерде, ел қалаулыларыда, еліміздің болашағын жасайтын кадрлардың бәрі де ұстаз қолынан өтеді. Олай болса, ел боламыз десек, ел ертеңін тәрбиелеп жатқан ұстаздарымызды ұлағаттауымыз керек дегені өте орынды айтылған.

Ұлы Ыбырай мектептің жүрегіне балаған мұғалімдеріміздің бүгінгі қоғамдағы беделі мен мәртебесі қандай?Ащы болса да шындық, өкінішке орай, бүгінгі таңда мұғалім мәртебесіне сызат түсті, мұғалім бейнесі қауқарсыз тұлғаға айналды. Ұстазға деген құрмет төмендеді. Мұның бәрі саналы түрде

ұлт болашағы үшін алаңдайтын азаматтарды ойландыратын мәселелелер болу керек. Бұл мәселенің басты факторы-бүгінгі қоғамдағы адами құндылықтардың азаюы. Ұстаз алдынан білім алып, қанатын қатайтқан кейбір ата-аналарымыздың ұстаздың ұлағатынан сабақ алмағансығай танытып, ұрпағына жақсы үлгі-өнеге бере алмауы, балаларының көзінше мұғалімге дөрекі сөз айтуы жас жеткіншектердің өз ұстазына деген құрметінің төмендеуіне әкеліп соғуда. Сонымен қатар, білім саласында оқушы мен мұғалім арасында даулы жағдай орын алса, мән-жай анықталмай жатып, бірден мұғалім кінәлі болатынын қынжыла мойындауға тура келеді. Бала бұзақылығы үшін шара мұғалімге қолданылады. Ал бұл әділ шешім бе?! Бала тәрбиесінде жауапкершілікті ата-ана өз мойынына алғаны абзал. Ұрпақ тәрбиесіне мүлделі екенін олар іс-жүзінде дәлелдеп отырулары қажет. Міне,осындай ынтымақ бірлігінде ғана ойдағыдай нәтиже болмақ. Сондықтан Елбасы жолдауындағы «Мұғалім мәртебесі туралы» заң өте орынды деп білеміз.

Ұстаз абройын арттыру халықтың жұмыла атқарар жұмысы деп айтуға болады. Себебі әр отбасындағы ата-ана дүниеге келген сәбиіне ұстаз туралы ұлықты ойлар айту арқылы сәби санасына сіңіре отырып, тәрбиелесе, ұстаз…