Ұстаз жолы туралы эссе мұғалімнің ойтолғауы

Эссе

«Заманауи әлемде елдің ең алдымен

азаматтарының білімімен өлшенеді»

Н.Ә.Назарбаев

Харесова Эльмира Хамидуллиевна

Директордың тәрбие ісі жөніндегі орынбасары

Орал қалаы, №19 жалпы орта білім беретін мектебі

«Ісім оңсын десеңіз,

Сол істің маманы болыңыз.

Даңқым шықсын десеңіз,

Көпшіліктің адамы болыңыз,»

-деп шығыстың ұлы ойшылы, асқан дарын иесі Әбу-Насыр Әл-Фараби айтқан осы бір даналық сөздері қай адамға болмасын ой салары анық.

Иә, расында да, дүниеге «адам» деген атты арқалап келген әрбір пенде қамшының сабындай ғана қысқа ғұмырында «үш нәрседен жаңылыспасам» деген арман-тілекпен өмір сүреді емес пе? Соның бірі адамның тумысынан өзіндік қабілетіне, бейімділігіне байланысты өмірінде бір-ақ рет біржола таңдалатын мамандық мәселесі кім-кімді де толғандыратыны сөзсіз. Бір сәт ойлап, қарасаңыз, өмірдің мағыналы болуында мамандықтың да өзіндік үлесі зор секілді. Биік мақсат, табандылық, өзіңе деген сенімділік, адалдық сынды асыл қасиеттерді өмірдің мағыналы болуының алғышарттары деп білсек, өзің сүйетін мамандықты биік талғаммен таңдап, жан тәніңмен, күш-жігеріңмен орындау өмірдің бар мәнін келтіреді десе де болады.

Ежелгі грек данышпаны Цицерон: «Адам өзіне-өзі бағынып, өзінің шешімдеріне бой ұсынып үйренуге тиіс,»-деп айтпақшы, адамның өз ынтасымен алдына талап-мақсат қойып, оны өзі таңдаған талпыныспен, ізденіспен игеруі өзіне де, өзгеге де, қоршаған ортаға да пайда келтірері хақ.

Балалық шағында адам баласының асу бермес арман-қиялында шек бола ма? Кішкентайымнан ақ халатты абзал жандардың жүректілігіне қарап дәрігер болуды, мейірімі мол ұлағатты ұстаздың өнегесіне қарап мұғалім болуды, күміс көмей, жез таңдай әншілердің бойды билеп, көкейіңді кернеген әдемі әндеріне қарап әнші болуды көксеген арман иесі- мен де бүгінде маман ретінде өз таңдауымды жасадым. Менің таңдауым- мұғалім болу болды. Осындай істі абыроймен атқаруға үлесімді қосу мақсатында биология пәнін таңдадым. Өмірдегі көп мамандықтардың ішінде жан-жақты білімділікті, икемділікті, шеберлікті, ерекше шәкіртжандылықты, мейірімділікті қажет ететін мамандық та- ұстаздық мамандық. Олай дейтінім, мұғалім еңбегі біріншіден, адамзат қоғамы тарихында жинақталған ғылым негізіндерінен білім беруге тиіс болса, екіншіден, үнемі шәкірттерімен қарым-қатынаста болып, білсем, үйренсем деген бала арманы мен оның сырлы тағлырына басшылық етуді…