Қоғамдағы ұстаз мәртебесі туралы эссе

Жетісу облысы Алакөл ауданы

Жанама қазақ орта мектебінің

Бастауыш сынып мұғалімі

Әбдіқадырова Айжан Нұрмағамбетқызы

ЭССЕ

“Қоғамдағы мұғалім мәртебесі”

Маған жақсы мұғалім бәрінен де қымбат,

Өйткені, мұғалім - мектептің жүрегі.

Ыбырай.Алтынсарин

Дүниедегі мамандық атаулының төресі- ұстаздық. Мынау жалған өмірде байлықты, бақуатты өмірді армандамайтын адам кем де кем шығар. Бірақ табысқа жеткің келсе, белгілі бір кәсіптің қожайыны болу керексің, яғни, қандай да бір мамандық иесі болуың керек. Осы орайда, Б. Момышұлының «Ұстаздық – ұлы құрмет. Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді» деп, ертеңгі ел тұтқасы болатын жас буынды тәрбиелеу, оларды терең біліммен қаруландырып, үлкен өмірге дайындау, осындай ауыр жүкті алып жүру тек білікті ұстаздарымыздың ғана қолынан келетінін» айтып кеткен болатын.

Ұстазға құрмет – білімге құрмет. Тарихта ақыл-парасаты мол тұлғалар-дың ұстазына ерекше құрметпен қарап, әрдайым бір ізетпен еске алғаны мәлім. Мысалы, Ескендір Зұлқарнайын – Аристотельді, Шәкәрім - Абайды, Жамбыл -Сүйінбайды өзіне ақылшы әрі ұстаз тұтқан. Олар өздерінің өмірде бағындырған зор асуларына ұстаздары-ның сіңірген еңбегі зор екенін түсі-ніп, оларды пір тұтқан. Мәселен, Ескендір Зұлқарнайын өз ұстазын «Мен ұстазыма әкемнен кем қарыздар емеспін. Әкемнен өмірді алсам, Аристотельден сол өмірге керектінің бәрін алдым» деп еске алатын болған екен. Сондықтан да, ұстазға құрмет – адамзатқа міндет.

Олай болса, бұл эсседе мен «Қазір ұстаздар қауымының шынайы мәр-тебесі қандай?», күшіне енген «Педагог мәртебесі туралы» Заң мұғалімдер үшін қандай өзгерістер әкелді?» деген сауалдар төңірегінде оқырманмен ой бөліскім келеді. Нақтырақ айтсам, «Неліктен мұғалімнің мәртебесі тура-лы мәселе өте маңызды?» деген сұраққа өз пікірімді білдіріп көрсем. Заман қалай құбылса да, осынау бір ұлы мамандық иелеріне деген құрмет өз дең-гейінде сақталып қалуы керек. Өйткені, ұстаз ұлды ғана емес, тұтастай ұлт-ты тәрбиелеуші.

2020 жылды білім беру жүйесінің кадрлық корпусы көтеріңкі көңіл-

күймен қарсы алды. Өйткені, 27 желтоқсанда Қазақстан Республикасының

Президенті Қасым-Жомарт Тоқаев қоғам күткен және сұранысқа ие

мәртебесі туралы заңға қол қойды.