Ұлағатты ұстаздарға мың алғыс тәрбие сағаты

«Ұлағатты ұстаздарға мың алғыс!»

Мақсаты: Оқушыларды ұстазды құрметтеуге, сыйлауға үйрету, ұстаз мамандығының қыры мен сырларын түсіндіру. Ұстаз еңбегін әрқашан бағалай білуге үйрету. Мұғалімдер мен оқушылар арасындағы қарым- қатынасты қалыптастырып, сыйластық қарым-қатынасты нығайту.

І жүргізуші:

Ұлылықтың ұйытқысынан жаралған, Өнегеңнен барлық шәкірт нәр алған. Шапағатты шуақ сепкен ұстаздар, Өздеріңнен бастау алар бар арман. ІІ жүргізуші:

Ұстаздар жақсылықтың жол ашары, Қолыңда шәкіртіңнің бала шағы. Өмірді алға қарай өрлететін, Сендерде Ұлы Отанның болашағы –

І жүргізуші: Ұстаз... Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегіндегі қадір тұтып, құрметтейтін екі ұғым болса, оның бірі – Ұстаз. Олай болса, Ұстаздарымызға арналған аздаған «Жас шеберлер» үйірмесінің оқушыларының өз қолдарынан жасаған сый-сияпатымызды қабыл алыңыздар. ІІ жүргізуші: Дұрыс айтасың Аружан.«Ұстаз» деген сөз қазақ баласы үшін қашанда қасиетті, қадірлі болған. І жүргізуші: Иә, Айым.Ұрпақ тәрбиесі – ұстазға байланысты. «Ұяда не көрсең, ұшқанда соны ілерсің» дегендей өнегелі ұстаздан жақсы шәкірт шығатыны сөзсіз. ІІ жүргізуші: Олай болса, қадірлі ұстаздар!Сіздерді төл мерекелеріңізбен шын жүректен құттықтаймыз. І жүргізуші: Сіздердің шәкірттерді тәрбиелеп, білім беру жолындағы еңбектеріңіз жана берсін дей отырып құттықтау сөзге Оқушылар үйінің директоры Тайкенов Дархан Есенбайұлын шақырамыз.

ІІ жүргізуші: Бүгінгі Ұстаздар күніне арналған «Ұлағатты ұстаздарға мың алғыс!» атты мерекелік жиынымызды «Ұстазым» әнімен жалғастырамыз. .

І жүргізуші: Ұстаз! Осы бір сөздің өзінде қаншама мән – мағына, қасиетті ұғым жатыр. Ұстаз алдынан өтпейтін ешкім жоқ. Жүрексіз өмір болмаса, мұғалімсіз білімнің, тәрбиенің іске аспайтыны белгілі. Небір данышпан адамдар, қарапайым еңбеккерлер, тіпті арман қуған жеткіншектер де бәрі бір адамға қарыздар. ІІ жүргізуші: Иә, ол – ұстаз! Ұстазсыз өмірдің нақты тұтқасын ұстау мүмкін емес. Адамды тәрбиелеп, оны азамат атандырудың өзі бір үлкен күш, сондықтан да ұстаздың еңбегі – ұлы еңбек. Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған диқан да, мал бағып тер төккен шопан да бәрі – бәрі ұстаздан тәлім алған, сондықтан барлық құрмет ұстаздарға арналады. І жүргізуші: Олай болса ұстаздарымыздың құрметіне «Жас шеберлер» үйірмесінің қатысушыларының «Көңіл толқыны» биін қабыл алыңыздар. . ІІ жүргізуші:

Ұстаз сөзін айтып жүрдік ән қылып, Одан басқа жүрген кім бар жанды ұғып, Ұстаз деген – ұлылардың ұлысы, Қасиетіне бас иейік мәңгілік! І жүргізуші:

Ұстаз жолы қиынырақ басқадан, Сырлары мол әлі сыртқа шашпаған Шаршаса да осы жолдың бойында, Қандай жақсы шын бақытын тапса адам. ІІ жүргізуші:

Мектеп үйім, ұстаздарым ата – анам, Сенен өсіп, сенен ғана нәр алам. Саяң ыстық, сен мәуелі бәйтерек, Тамырлары сан тарапқа тараған. І жүргізуші:

Бүгінгі күн құшақтары гүлге толсын, Дендеріңнің саулығы мықты болсын. Білімімен суарған шәкірттерін, Төл мерекең ұстаздар құтты болсын !-дей келе «Оқушылар үйінің» жас педагогтері мен ауданымыздың ауылдық мектептерінде ашылған үйірмелер педагогтерінің видео құттықтауларын назарларыңызға ұсынамыз!

ІІ жүргізуші: Керемет құттықтаулар, ұстаздарға мың алғысымызды білдіре отырып, педагогтермен психологиялық тренингтар жүргізіп көрейік.

І жүргізуші: Қазір ортаға 4 педагогтарымызды шақырайық.

Таңертең үйден шығар алдында айнаға қарап шыққан адам қол көтерсін. Ал, айнаға қарап күлімдеген адам қол көтерсін. Көріп тұрғанымыздай, күлімдеп шыққан адам аз. Сондықтан, құрметті әріптестер қазір жүзімізге күлкі ұялатып, бір-бірімізге күлімсіреп қарай отырып, «Амандасу» жаттығуын орындайық. Қазір 5 секунд ішінде өзіңізге серіктес әріптесіңізді тауып сол адамның қолын қатты қысып амандасып, өздеріңізбен бірге 2 оқушы алып шығыңыздар. Сосын келесі жаттығуларды орындаймыз. Ең алдымен екі шеңбер, яғни, үлкендер сыртқы шеңбер, оқушылар ішкі кіші шеңбер жасап тұрайық, сосын көрсетілген суреттерге қарап, (күн, алақан, жүрекше, шаңырақ суреттеріне қарап) бір-бірімізбен көңіл-күй жаттығуларын жасайық.

Жүрекше шыққан сәтте - бір-біріңізбен құшақтасып амандасасыздар.Алақан шыққан сәтте – жаныңыздағы серіктесіңізбен қол ұстасасыздар.Күннің бейнесі көрінсе – бәріміз қолдарымызды жоғары көтереміз.

Жұлдызша шыққан сәтте – шуағымызды шашып көтеріңкі көңіл-күй сыйлаймыз.Шаңырақ шыққанда – бір-біріміздің қолымыздан ұстап, ортаға жинақталып, қолдарымызды көтереміз. Тамаша ойын болды. Көңіл-күйді көтеру - үлкен өнер. Сондықтан да осы көңіл-күймен тренигті жалғастырамыз.

Келесі тренинг «Есімдер аллитирациясы».

Әр мұғалім өзімен бірге алып шыққан оқушының есімін айтып және де сол есімнің бірінші әрпінен басталатын бірнеше жағымды қасиеттерін айту керек. Талдау: оқушыға есіміңізге байланысты жақсы қасиеттеріңізді айтып жатқанда қандай сезімде болды? Оқушыға ол ұнады ма?

Келесі тренинг «Әділдік волейболы» ойыныБұл ойында дұрыс және бұрыс, яғни, дұрыс емес жағдайларды айтылады, сол арада дұрыс жауапқа бала допты қағып алады, бұрыс жауапқа қағып алмайды. Дұрыс жауапқа не ғұрлым көп доп қағып алған қатысушы сыйлыққа ие болады, қате жауапқа доп қағып алған қатысушы айыбын өтейді.

1.Дұрыс немесе бұрыс жағдайлар:

2.Оқушы сабаққа күнделікті қалмай қатысып жүреді +

3.Мұғалім сабаққа кешігіп келеді -

4.Мұғалім оқушыдан жақсы оқуды талап етеді +

5.Оқушы сабақта ұялы телефон қолданып отырады -

6.Балалар қарт адамдарға көмек көрсетті +

7.Мұғалім оқушының ата-анасымен сөйлесті +

8.Оқушы сабақ үстінде ұйықтап қалды -

9.Мұғалім бұзақы қылықтар жасаған оқушыларды сабақ соңынан алып қалды +

10.Оқушы қатысатын үйірмесі бойынша жарыстарға қатысты +

11.Оқушы каникул уақытында үйірмелерге келеді +