Ұстаздық еткен жалықпас ғылыми жобасы

«ҰСТАЗДЫҚ ЕТКЕН ЖАЛЫҚПАС...»

Ұстаз болу -жүректің батырлығы,

Ұстаз болу- сезімнің ақындығы,

Ұстаз болу- мінездің күн шуағы,

Азбайтұғын адамның алтындығы.

Осы төрт қасиет әр ұстаздың бойынан табылуы қажет. Себебі мұғалім қай сабақта болмасын оқушысын еркіндікке баулиды. Сондықтан да ұстаздың міндеті талап пен еңбекті оқушыдан талап ете отырып, білімнің теңізінен маржан тергізу. Оқушы сабағыңнан ешқашан жалықпау керек.

«Ұстаз болу – өз уақытыңды аямау, өзгенің уақытын аялау» - деп француз ойшылы Жан Жак Руссо айтпақшы, ұстаздардың еңбегі ерен. Шәкірт санасы на білім нәрін сеуіп, ел болашағының өрендерін тәрбиелеп шығару - екінің бірінің қолынан келе де бермейді. Ұстаз болу – жүрек жылуын, мейірім шуағын, адамгершілік ұлылығын баланың бойына дарыту. Ұстаз болу – шәкіртке ата - анасындай болып тәрбие сыйлау. Ұстаз болу – жас ұрпақтың жарқын болашаққа барар жолын айқындап беру.

Ұстаз – адамды қалыптастырушы адам. Ұстаз адам – ғұмыр бойы оқушы əрі оқытушы. Ол -ізденуден,оқудан, шәкірт жүрегіне жол табудан, үйретуден əрі өзі де үнемі ізденіп оқуда,, білуге ұмтылудан жалықпайтын жан. «Мұғалім мамандығы – барлық мамандықтың анасы» демекші, ұстаз алдынан тәрбие алмайтын жан жоқ.Ұстаз берген тәрбие әрбір жанның өміріне жол сілтер шамшырақ секілді.Ғылым иесі ғалым да, ел қорғаған батырда,тілінен бал тамған ақын да, тегеуріні темір балқытқан жұмысшы да, егін салған диқан да, мал бағып терін төккен шопан да, көк күмбезінен әрі өткенғарышкер де бәрі-бәрі ұстаздан білім, тәлім алған.Сондықтан ұлағатты ұстаздарға бүкіл адам баласы құрметпен бас иеді. Ұстаз білетіндерге өзі шәкірт болуға арланбайды, білмегенді шәкірт етуге аянбайды. Ұстаз адамның жаны жайсаң, жүрегіне адал, мейірімі шуақты, ой- қиялы қуатты, дүние танымы сауатты, шәкірт тəрбиесі мен болашағына жауапты болуы керек деп ойлаймын.

«Бала жүрегі- кішкентай күй сандық. Сол сандықтың кілтін тапсаң ғана ашылады. Мұғалімнің қолында әр кезде сол кілт тұру керек» - деп, М. Шаханов ағамыз айтқандай, әр баланың жүрегіне жол табу, бала бойындағы дарынды ашу мұғалімнің ең басты міндеті деп ойлаймын.

Жаһандану заманында ұлттық бәсекеге қабілетті болудың көрсеткіші - білім деңгейімен өлшенеді. Сондықтан, әлемдік білім кеңістігіне кірігіп, білім беру жүйесін халықаралық биікке көтеру кезек күттірмейтін өзекті мәселе. Бұл мәселені шешудің кілті ұстаздың қолында. Өйткені, ұстаз елдің ертеңгі тізгінін ұстайтын ұрпақ тәрбиелейді. Адам тәрбиелеу - ұлы міндет. Ол міндетті атқарушы-ұстаз.

Ұстаздың негізгі құралы - сабақ.

Зерттеу жұмысының жалпы сипаттамасы.Ғылыми- практикалықзерттеу жұмысы еліміздің педагогикалық, психологиялық, саяси, әлеуметтік, демографиялық сауатты білім саласының жаңа бағытта дамуына, қалыптасып, дамуына ықпал етіледі.

Зерттеу жұмысының мақсаты: Білім алушыларды ұстазды құрметтеуге, силауға үйрету, ұстаз мамандығының қыры мен сырларын түсіндіру. Ұстаз еңбегін әрқашан бағалай білуге үйрету.