Ұстаздық ұлы құрмет тақырыбындағы оныншы сынып баяндамасы

Ұстаздық-ұлы құрмет

Мұғалім мамандығы-барлық мамандықтың анасы деп қалай дәл тауып айтқан. Ұстаз алдынан тәрбие алмайтын жан жоқ шығар. Ұстаз берген тәрбие әр бір жанның өміріне жол сілтер шамшырақ болары анық.

Ғылым иесі ғалым да, ел қорғаған батыр да, тілінен бал тамған ақын да, тегеуріні темірді балқытқан жұмысшы да, ел басқарған басшы да ұстаздан білім алған , сондықтан ұлағатты ұстаздарға бүкіл адам баласы құрметпен бас иеді.

Қиындығы да, қызығы да жетерлік, жауапкершілікті талап ететін мамандықтардың бірі ұстаздық. Өйткені бұл мамандық иелерінің мойнына, ешнәрседен хабары жоқ, мыңдаған тарыдай ғана бүлдіршіндердің бойына білім нәрін сеуіп, тәрбие ұрығын егіп, таудай азамат етіп шығару міндеті жүктелген. Сондықтан басқа мамандық иелерінің барлығы да ұстаздарға борыштап деп ойлаймын.

Елбасымыз Нұрсұлтан Назарбаевтің: «Еліміздің ертеңі бүгінгі жас ұрпақтың қолында»- дегені бәрімізге белгілі. Еліміз өркениетті елдердің қатарынан орын алып, ұрпағымыз қоғам қажеттілігіне сай болып жатса, бұл ұстаздардың жемісі. Адамзат өркениетінің даму тарихында жақсы мектебі мен мұғалімдері бар мемлекет қана озып шығады. Мұғалімдер- асыл адамдар олар бақытқа лайықты ,өзгенің бақытына өзініңкіндей қуанатын жалғыз мамандық иелері. Мен бір адамды жаным жабырқағанда іздеймін, жетістікке жетсем көргім келетін адамым, бір шешім қабылдап, сол жолға түссем жанымда болғанын қалаймын, жылағанда құшақтап жылағым келетін жан мен оларды жылатқым келеді, ия мен олардың көз жасын көргім келеді олардың қуанышты жақұт көз жасын, мен үшін қунған жүздерін көріп жылағым келеді, ол адамдар менің асыл ұстаздарым. Ұстаз мақтан тұрарлық мамандық.Киелі әрі өте көне.Әр адам қайталанбас тұлға.Оның жан дүниесі өзінше бір әлем.Ал ұстаз сол әлемді шар тарапқа жетелеуші. Ұстаз-бала болмысына өзгеріс енгізуші, бағыт-бағдар беруші, ата-ананың сенімді көмекшісі.