Ұстаздық – ұлы құрмет туралы мақала

Ұстаздық – ұлы құрмет

«Ғалым да, шахтёр де бас иетін, ұстазым көп сенің қасиетің!» деп халқымыз да ұстазға жоғары баға берген. «Ұстазы қандай болса, мектебі де сондай» деуі де ұстаз қауымының мойнына нардың жүгіндей үлкен жауапкершілік артатынын аңғартады.

Ұстаз – бүкіл әлем мойындаған ұлы құрметтің иесі, өзгелерден қадірі артық, аяулы, ардақты, қымбатты жан. Көптен – көп мадаққа ие болуы керек жандардың бірі де мұғалімдер деп ойлаймын. Неге? Себебі, ол әртіс, жанашыр ана немесе әке, баланың жанын түсінетін, ойын ұғатын, зердесін ашатын, жүрегі жылулыққа толы, білім нәрімен сусындаған ұлы тұлға. Ол шәкірттерін сабырлылыққа, төзімділікке, батырлыққа жетелейді, жақсы қасиетті бойына дарытып, адамгершілік рухын көтеріп, өмірлік бағыт бағдар береді, қателессе, түзу жолды нұсқайды. Сырласы да, мұңдасы да, ақылшысы да, досы да бола алады. Ұстаз шәкіртерінің жетістігнің арқасында абыройы асқақтап, беделі биіктеп, көңілі шарықтайды. Ұстаздың ұлылығы – оның жан дүниесінде, жүрегінің кеңдігінде, жан тазалығы – ар – ожданында, шәкірттеріне кіршіксіз сенімінде екені баршаға мәлім деп ойлаймын.

Темір болаттай төзімі, сарқылмас сабыры жоқ жан – ұстаз болам деуі бекершілік. Өйткені осы қасиеттер арқылы ұстаз- ұстаз бола алады. Мұғалім болу – баланың болашаққа баспалдағын өзің құрып беру деген сөз. Келешегінің кемел, болашағының жарқын болуы ұстазына және өзінің біліміне байланысты. Елбасымыз Н. Ә Назарбаев: «Біз осы заманғы білім беру жүйесінісіз, әрі алысты барлап, кең ауқымды ойлай білетін осы заманғы ұстазсыз инновациялық экономика құра алмаймыз» деп атап көрсеткен. Яғни, осы заманғы ұстаз – озық тұлғалы болып, бала оқытуда күш-жігерін аянбайтын, өзін-өзі барлық қырынан жетілдіре білуі керек. Ал мұғалімдердің шеберлігін арттыру және дамыту үшін біліктілікті арттыру курстарынан өткізу керек деп ойлаймын. Қазақстан республикасы педагог қызметкерлерінің арттыру курстары бағдарламасы мұны басты міндет қойып отырғаны бәрімізге белгілі. Бұл курстарда ұстаздар оқытудың әртүрлі әдіс-тәсілдерімен танысып, тәжірибе алмасады. Сондықтан ұстаздарға артылар сенім мен жауапкершілік еселене бермек. 12 ақпанннан 9 наурыз аралығында біліктілігімді арттыру мақсатында «Қазақстан Республикасы орта білім беру мазмұнын жаңарту аясында ағылшын…