Ұстазым ұлағатым үлгі өнегем сынып сағаты 7 сынып

Тақырыбы: Ұстазым- ұлағатым, үлгі-өнегем Мақсаты: Әр баланың екінші анасындай көретін ұлағатты ұстаздардың ерен еңбектерін бағалау, құрметтеу. Оқушылардың өлең шумақтары арқылы ой-өрістерін дамыту, ұстаздарына деген құрметін сезіндіру. Күтілетін нәтиже:Ұлағатты ұстаздар еңбегін бағалай біледі. Өлең шумақтары арқылы ұстазға деген сезімдері оянады. Көрнекілігі: Сахналық безендіру жабдықтары, интерактивті тақта, бейнежазба, презентация, гүлдер. Жүрісі: 1. Ұйымдастыру 2. Кіріспе сөз

Ұстаз... Қандай қасиетті сөз!

Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегіндегі қадір тұтып, құрметтейтін екі ұғым болса, оның бірі-Ұстаз.

Ұстаз деген сөз қазақ баласы үшін қашанда қасиетті, қадірлі болған. «Ұстаздан тәрбие алған» немесе «Ұстаз алдын көрген» деген сөздер «Ана тәрбиесін көрген»деген сөздермен ұштасып жатады. Ұрпақ тәрбиесі- ұстазға байланысты. «Ұяда не көрсең, ұшқанда соны ілерсің» дегендей өнегелі ұстаздан жақсы шәкірт шығатыны сөзсіз.

Армысыздар, ардақты ұстаздар! Төл мерекелеріңіз құтты болсын!

6»А» сыныбы оқушылары дайындаған «Ұстазым-ұлағатым, үлгі- өнегем» атты тәрбие сағаты сіздерге арналады. 1-жүргізуші: Ұстаз деген-жарқын күні ғаламның,

Ұстаз деген- анасы ол адамның.

Бүкіл әлем мойындайды еңбегін,

Сен де одан адам болып жаралдың

Ұстазыңды түсінген сен тереңнен,

Бүкіл әлемге еңбегімен еленген.

Сенің бағың өрге қарай өрлесе,

Ол да бірге қуанышқа кенелген.

2-жүргізуші: Сол арқылы сен де өмірді жалғадың, Ізгі іс қой, ұстаз тілін алғаның. Мақтау алсаң ұстаздардың алдында, Ол өзіңнің орындалған арманың. Ұстаз сөзін айтып жүрдік ән қылып, Одан басқа жүрер кім бар жанды ұғып. Ұстаз деген- ұлылылардың ұлысы. Қасиетіне бас иелік мәңгілік!

Хор: «Ұстазым менің»

1-жүргізуші:

Күллі өмірін жеткіншекке арнаған,

Мұғалімді ардақтайды барша жан.

Ол мектептен шықпаса да қыс- жазы,

Жемісі оның жердің жүзін шарлаған,

Бала десе ойламайды өз қамын,

Көрсем дейді күнге де қол созғанын.

Бала десе қалайды ол әрқашан,

Шәкірттердің өзінен де озғанын.

2-жүргізуші: Ұстаздар! Қандай ғажап халықсыздар! Шәкіртке шыңдай биік алыпсыздар. Жан біткен жанарына нұр сыйлаған, Күндей боп күлімдеген жарықсыздар!

1-оқушы: Ұстаздың оттай ыстық алақаны,

Болған соң ойлайтыны бала қамы.

Шәкірттен ұстазыма мың сан алғыс ,

Өйткені ол ұстазымның ақ арманы!

2-оқушы: Ең аяулы есім ғой “Ұстаз” деген,

Бар тіршілік бақытты ұстазбенен.

Ұстазды жеткізгенше мұратына,

Білім іздеп лапылдап жана берем.

3-оқушы: Мектеп, сенсің адалдықты үйреткен,

Мектеп, сенсің жамандықтан жиренткен.

Мектеп, сенсің жақсылықты ұран ғып,

Мектеп, сенсің мені жұртқа сыйлы еткен.

4-оқушы: Мектеп деген-білім кені, жыр кені,

Мектеп деген- ғылымның ең үлкені.

Мектеп деген тәрбиеші адамға,

Мектеп деген- даналардың мекені!