Жаңғыру жолындағы жас маман рөлі туралы эссе, 2 бет

Абдрахманова Айжан Панабековна

БҚО Бөрлі ауданы

Пугачев ауылы

«Пугачев мектеп балабақша кешені» балабақша тәрбиешісі

Жаңғыру жолындағы жас маман рөлі.

(эссе)

Өмір! Осынау төрт әріпке сиғанымен, жер – жаһанды мойындатқан ұлы құдіретке бас имеске шара жоқ... Олай дейтінім, күні кеше құлыншақтай құлдырап, алаңсыз күй кешкен мен бүгінгі таңда өзге бүлдіршіндердің бейқам балалығын бақылаудамын...

Балалық бал дәуреннің құшағында жүріп кез келген бала болашақты армандайды, қиял әлеміне сапар шегіп, өзінше өмір өрнегін салады.

Менде бала кезімде өз болашағымды түрліше елестетуші едім. Алтын ұя мектебімнен ұшар сәтте мұғалімдерімнің ерен еңбегін ескере отырып, ұстаздықтың ұлылығын ұғынғандай болдым. «Мен ұстаз боламын! Соңғы әрі нақты шешімім – осы!»

Алысқа жетелеген арман жетегіне еріп, мақсатыма қол создым. Кішкене кезімде тым алыс көрінген бала – қиялға бүгінде қол жеткізіп, өмірлік қызметімді бастап та кеттім.

Мен – тәрбиешімін... Ана сүті ауызынан кетпеген, әріптерді санамалап айтуға тырысқанымен, толық жеткізе алмайтын,өзін «ересек» адам секілді көргенмен, соңынан балалығы атой салып тұратын «кішкентай тұлғаларды» тәрбиелеп, өмірге бейімдеу – мен үшін қызықты да мәртебелі іс. Сол себепті, күнде таңертең жұмысыма асығып барамын да кешкісін қимастықпен үйіме ораламын.

Сырт көзге оңай көрінетін тәрбиеші мамандығының қиындығы мен қызығы қатар өрлеген. Мен жас маман болғандықтан, әрбір күнгі ісімнен сабақ алып өз мамандығымның қыр-сырын ұғынып отырамын. Күннен күнге кішкентай бүлдіршіндерге бауыр басып барамын...

Менің ойымша, тәрбиеші – ел болашағына үлес қосатын ұлы тұлғаларды тәрбиелеуге бастау болатын жауапкершілігі мол мамандық. Елбасы Нұрсұлтан Әбішұлы Назарбаев өзінің жыл сайынғы дәстүрлі Жолдауларында да балабақшалар мен мектептерге көп көңіл бөліп, ел болашағы білім беру ошақтарынан бастау алатындығын баса көрсетті. Күннен-күнге жаңарып, толығып отырған білім беру саласындағы жаңалықтар мектепке дейінгі білім беруден айналып өтпесі белгілі. Сол себепті де бүгінгі балабақша тәрбиешісіне де қойылар талаптар да жоғары. Тәрбиеші бүлдіршіндерді тәрбиелеп қана қоймай, оны алғашқы білім нәрімен сусындатып, өмірге деген көзқарасын қалыптастыру қажет. Әрі кішкентай кезінен естігені мен көргенін өмірмен байланыстыра білуге бағыттауы керек. Заман талабына сай,…