Үздіктер шеруі тәрбие сағаты, бастауыш сыныпқа

ОҚУ ЖЫЛЫНЫҢ АЯҚТАЛУЫНА БАЙЛАНЫСТЫ ҮЗДІКТЕР ШЕРУІН ӨТКІЗУДІҢ БАҒДАРЛАМАСЫ

1-4 сыныптар

Танагузова Гульсара Аутжановна

«№ 5 жалпы білім беретін орта мектеп» КММ, Қарағанды қ.

Тақырыбы: Үздіктер шеруі

Мақсаты: Мектеп үздіктері мен мақтаныштарын марапаттау. Оқу жылының қорытындысын айқындау.

1-жүргізуші: Құрметті ұстаздар, ата-аналар, оқушылар! Бүгінгі күн ерекше. Биылғы оқу жылында мектебіміздің бастауыш қазақ сыныптарында 36 оқу үздігі тіркелді. Бұл оқушылар түрлі олимпиадалар мен спорттық сайыстардан да жүлделі орындар иеленген . Мектеп үздіктері мен мақтаныштарына бағындырмас белестер тілей отыра бүгінгі күнгі «Үздіктер шеруін» ашық деп жариялауға рұқсат етіңіздер!

1-жүргізуші:

Батырлыққа уызынан жаралған

Ер түркіні байрағынан таныған

Өзі ақын, өзі әнші халыққа

Жарасады жігер берер әнұран.

(Әнұран орындалады)

2-жүргізуші: Мектепте үздік оқып, ата-ана мен ұстаздарының қуанышы болған мектепте жақсы оқыған бастауыш сынып оқушылары – мектебіміздің ғана емес, еліміздің де мақтанышы. Олардың болашағынан ел-жұрты үлкен үміт күтеді. Олардың барлығы де өз білімдерін дәлелдей алды. Олар сапалы білім, саналы тәрбие берген ұстаздардың еңбегін аялап-өсірген ата-аналарының үмітін ақтап, жүзден жүйрік шығып бүгінгі күні «Үздіктер шеруін» құрып отыр. Бүгінгі күн – үздіктер үшін де, ұстаздар мен ата-аналар үшін де қуанышты, салтанатты сәт.

1-жүргізуші: Биылғы жылы оқуышыларымыз білім бәсекесіне қатысып, жақсы жетістіктерге жетті. Ел ертеңі, ақылына білімі сай тәуелсіз елдің жастары – Сендерсіңдер. Сондықтан да жауапкершілікті терең сезініп, әрқашан сенім биігінен шыға білулеріңе тілектеспіз!

2-жүргізуші: Құрметті үздіктер, алдағы уақытта тек жақсы жетістіктеріңмен, жоғарғы көрсеткіштеріңмен қуанта беріңдер. Бәріңе ақ жол тілейміз!

1-жүргізуші:

Білімдінің бұл өмірде жеңгені көп,

Білім қалар халқымның сенгені боп.

Білімді шәкірттердің тобын бүгін

Атадық «Үздіктердің шеруі»-деп.

2-жүргізуші

Ұрпақсыз мына өмірде кім түледі,

Жақсы ұрпақ – Еліміздің шын жүрегі.

Мектептің директоры осы тойда

Айтылар Сіздер үшін нұр тілегі.

1-жүргізуші

Ажырамас мектептен бір елі сіз,

Жақсылыққа даралған жүрегіңіз.

Сөз берелік құрметпен өзіңізге,

Шәкірттерге арналсын тілегіңіз, - дей отырып Үздіктер шеруі салтанатының алғашқы құттықтау сөзі мектебіміздің директорына беріледі.

1-жүргізуші

Өнерді жанымменен түйсінемін

Қашанда өнерлі жас сүйсінерім.

«Қазақ» биін билесін мың бұралып,

Биімен шашу шашып бишілерім

«Шолпан» би ансамблінінің орындауында қазақ биі.

2-жүргізуші: Ортаға құрметпен мектебіміздің мақтаныштары, 1-сынып оқу үздіктері мен түрлі олимпиадалар мен спорттық сайыстардан да жүлделі орындар иеленген оқушыларды шақырамыз. Сіздердің алдарыңызда 1-сыныптың «Үздіктер керуені» мен 1сынып жетекшілері. Біз осындай үздік оқушыларымызды мақтан тұтамыз! 1-сынып үздіктеріне мақтау қағазын табыс етуге мектебіміздің директорын ортаға шақырайық.

1-жүргізуші: Барша ұлтты бауырына басқан бауырмал Қазақ халық біреуді артық, біреуді кем деп көрмеген. Татулық пен достықта тұруды ежелден серік еткен. Қазақстан - өз ұлты, халқы, діні, тілі, мәдениеті, тарихы, салт-дәстүрі бар құдіретті ел. Қазаққа тән ата-бабаларымыздан қалған ар-намыс, жігер-қайрат, қайтпас қанат мұра ретінде келешек ұрпаққа дейін жеткен.

2-жүргізуші: Биылғы үздіктер шеруі мерекесі тарихи оқиғалар толы тұста өткелі тұр. 2017ж10 маусым- 10 қыркүйек аралығында өткен дүниежүзілік халықаралық « ЭКСПО-2017 Болашақтың энергиясы» көрмесі, 2018ж.6 шілде де Астана қаласына 20 жыл т.б. Қазақстан – егемен ел. Қазақстан - ең әдемі мемлекет.

1-жүргізуші: Бұл жетістіктеріміздің бәрі - Елбасымыздың арқасы. Мемлекетіміз күннен-күнге көркейіп , дамып келеді.

Ән: «Тәуелсіз елдің ұланымын»

2-жүргізуші: Ортаға құрметпен мектебіміздің мақтаныштары, 2-сынып оқу үздіктері мен түрлі олимпиадалар мен спорттық сайыстардан да жүлделі орындар иеленген оқушыларды шақырамыз. Сіздердің алдарыңызда 2-сыныптардың «Үздіктер керуені» және 2 сынып жетекшілері. Қол соғып қошеметпен қарсы алайық! 2 сынып үздіктерін марапаттау рәсіміне мектеп директорының оқу-тәрбие ісі жөніндегі орынбасарын ортаға шақырайық.

1-жүргізуші: Ата-ана – отбасының негізгі діңгегі, бастапқы дәнекері. Дәстүрлі Қазақ отбасында ата -ана ның қадірі ерекше әспеттелген. Әсіресе, тіршіліктің қайнар көзі, махаббаттың шуақ күні, мейірімнің кәусәр бұлағы – Ана есіміне қатыссыз дүниеде қасиетті ештеңе жоқ. Сондықтан ананы ардақтамайтын халық та жоқ.