Ұжымдағы жанжалдарды шешудегі көшбасшы міндеттері

Ұжымдағы конфликтілерді шешуде көшбасшының басты міндеті

Ұлттық Университетіміздің атағы асқақтап тұрғандығы баршамызға мәлім. Университет табалдырығында білім алған, елге еңбегі сіңген қаншама танымал тұлғалардың бар екенін білеміз. Ұйым басшыларынан бастап, ел басқарған лидерлердің барлығы да «басқару психологисын» жетік біліп, лидерлік қызметтің маңызын түсініп, жілігін шаққанын тарих беттерінен көре аламыз. Осы тұста университет қабырғасында аталған пән бойынша «Басқару жүйесіндегі конфликт ерекшеліктері мен факторлары. Басшы мен қызметкерлер арасындағы үйлесімділікті сақтау» тақырыбында дәріс оқылған болатын. Осы тақырып маңайында жоба құрастыру тапсырмасы берілді.

Дәріс пен семинардан түсінгенім бойынша мен үшін қызықты болған тақырып «Ұжымдағы конфликтілерді шешуде көшбасшының басты міндеті».

Ұжымдағы қарым-қатынас сапасы мен үйлесімді жұмыс ортасы көбіне көшбасшының қабілетіне байланысты. Әр ұжымда әртүрлі пікірлер мен көзқарастар болғандықтан, кей кездері конфликтілердің туындауы заңдылық. Мұндай жағдайда көшбасшының міндеті – ұжым мүшелері арасындағы келіспеушіліктерді тиімді түрде шешіп, бірлескен жұмысқа қайта оралуын қамтамасыз ету.

Конфликтіні шешудің алғашқы қадамы – оның себебін анықтау. Көшбасшы туындаған жағдайды мұқият талдап, мәселенің түпкі тамырын түсінуі қажет. Бұл ретте барлық тараптардың пікірін тыңдап, олардың көзқарастарын әділ бағалау маңызды. Көшбасшының міндеті тек ара ағайын болу емес, сонымен бірге ұжымда конструктивті диалог орнату. Бұл процесс барлық тараптардың мүддесін ескере отырып, ортақ шешімге келуді талап етеді. Көптеген конфликтілердің негізінде дұрыс коммуникацияның болмауы немесе әртүрлі түсініспеушіліктер жатыр. Сондықтан көшбасшы ұжымдағы ашық әрі сенімді қарым-қатынас мәдениетін қалыптастыруға ерекше назар аударуы керек. Ол үшін ұжым мүшелері өз ойларын еркін жеткізе алатын, пікірлерін тыңдата алатын орта құру маңызды. Сонымен қатар, тұрақты түрде кері байланыс ұйымдастыру және ұжымдық жиналыстар өткізу арқылы көшбасшы потенциалды мәселелерді алдын ала анықтай алады.

Көшбасшы өз ұжымындағы конфликтілерді шешуде әділдік пен объективтілік танытып, нақты шешім қабылдай білуі тиіс. Қабылданған шешім тек жеке тұлғалардың емес, жалпы ұжымның мүддесіне сәйкес болуы қажет. Бұл ретте кейбір жағдайларда компромисс немесе медиация сияқты әдістерді қолдану тиімді болуы мүмкін. Конфликтіні шешумен қатар, көшбасшы ұжымның ішкі мәдениетін нығайтуға бағытталған жұмыстарды да жүзеге асыруы қажет. Бұл…