Ынтымағы жарасқан туған өлкем Қазақстан 4 сынып

1-жүргізуші: Құрметті ұстаздар! оқушылар, ата-аналар! жүздерімізге шуақ, бойымызға қуат әкелген 1-мамыр Қазақстан халықтарының ынтымағы мен бірлігі күні құтты болсын!

2-жүргізуші: 1-мамыр мерекесіне арналған «Ынтымағы жарасқан, туған өлкем – Қазақстан!!! атты мерекелік кешімізге қош келдіңіздер!

1-жүргізуші: 1-мамыр-Достық мерекесі. Бұл –еңбекшілердің халықтық мейрамы,бүкіл дүниежүзі жұмысшыларының ынтымақ күні. «Ырыс алды-ынтымақ» «Достық түбі-береке,береке түбі-мереке»деген халық даналығы да біздің елге айтылғандай.

2- жүргізуші: Біздің елімізде 1-мамыр мерекесін «Қазақстан халықтарының бірлігі күні» ретінде тәуелсіздігімізді жариялағаннан бастап атап өте бастадық. Жыл сайын бұл мереке халықтар достығы ретінде атап өтіледі.

1-жүргізуші: Қазақстанда тұратын барлық ұлттар еліміздің ашық аспан мен көкшіл туының астында бейбіт өмір кешіп жатыр. Қазақстанның ынтымақ, бірлігі үшін біз шаттанамыз.

1-жүргізуші:

Күте тұғын асыға әр күнін біз,

Арналатын ең тәтті ән жырымыз

Мерекелі мерейлі айдың басы

Құтты болсын Бірінші Мамырымыз!

Бірінші мамыр!

Достықтың ұлы мейрамы

Тоғысар сендей жандардың ізгі ойлары

Татулық пенен бірлікке ынтымақ ,адамзат,

Өзіңді сәнмен қошемет етіп тойлайды.

2-жүргізуші: Қазақстан бүгінде ұлттар мен ұлыстар мекендеген достық пен туысқандықтың,ынтымақ пен ырыстың ордасына айналды. Елбасы Нұрсұлтан Әбішұлы Назарбаев халықтар достығы бірлік пен татулық орныққан елдің жаңа әлемдегі жаңа қазақстан болуы керектігін ұлы міндет деп қойды.Қазақстан халықтары осынау ұлы көштің басында қол ұстасып бірге жүрмек.

1-жүргізуші:Кең байтақ елімізді елбасымыз Нұрсұлтан Әбішұлы Назарбаев басқарып отырса,біздің білім ордамыздың ұйтқысын келтіріп отырған бәріміздің басшымыз Мұстағұлова Динара Жұмашқызы.Көпшілікке деген жүрекжарды ақ тілегіңізді білдіру үшін өзіңізді ортаға шақырамыз. (директор сөйлейді)

2-жүргізуші: Ортамызға «Жүрегім қазақ» әнімен кең пейілді қазақ халқын шақырамыз.

Сымбат:

Мен қазақпын,мың өліп,мың тірілген,

Жөргегімде таныстым мың тіліммен.

Жылағанда жүрегім күн тұтылып,

Қуанғанда күлкімнен күн түрілген.

Мен –қазақпын,биікпін,байтақ елмін,

Қайта тудым өмірге қайта келдім.

Мен мың да бір тірілдім мәңгі өлмеске

Айта бергім келеді,айта бергім.

Мейірбек:

Кім білмес қазағымның қою шайын,

Жал-жая,қазы-қарта,құртпен майын.

Ақ тілекпен әрбір келген қонағына,

Құрметпен шығаратын төрі дайын.

Келіңіз ұсынамын төрден орын,

«Досым» деген адамға міне қолым.

Әр қазақтың жүрегінде осы тілек,

Адамзат,оң сапарда жолың босын.

Наргиза:

Тілі бөлек болғанымен тілек бір,

Ұлы достық мәпелеген жүрек гүл.

Қазақстан бар ұлысқа шаңырақ,

Шайқалмастан шаттығымыз тіреп тұр.

Сымбат:

Россиядан қай заман келгелі мен

Туыстарым даланың белдерінен

Кім тұрады мұнда?-деп сұрай қалсаң

«Қазақстандықтар» дейді бәрі бұл елде кілең

1-жүргізуші: Орыс халқын «Праздник весны» өнерімен сахна төріне шақырамыз.

Дания:

Сұрасаң су орнына бал ұсынар

Татары мен кәрісі бар

Немістің тап-тұйнақтай тазалығы

Ұйғырдың көк шөп жайлы дәрісі бар

Ерболат:

Бейбітшілік ұранымыз

Достық, бірлік-жыр әніміз

Таңғажайып ұлы Отанда

Тату-тәтті тұрамыз біз.

2-жүргізуші: Келесі кезекте татар биі өкілін ортаға шақырамыз

Әли:

Қазақ жері-достықтың гүлстаны,

Дархан өлкем – мерейлі ырыс бағы

Күрестерде, еңбекте, мерекеде

Мұнда сан ұлт қолдасып туыстады

Дамир:

Жұртты да жатсынбаған жан баласын

Татулық осы ма деп таңданасың

Ұйғыр мен өзбек кардош билей кетсе

Өнерге мың өрнекті арбалайсың

1-жүргізуші: «Ассалаумағалейкум» биімен ұйғыр ұлтын қарсы алыңыздар

Диана:

Қазақ деген пейілі кең бай халық,

Толды арманы егеменге айналып.

Бейбітшілік қорғанындай сенімді,

Сарбаздары сап түзеді сайланып!

Ислам:

Кім сүймейді ет жақынның,туысын,

Украина туысымның бірісің.

Тұрды биік туымыздай бұл достық,

Ел басына төнгенде де ұлы сын.

1-жүргізуші: Өз өнерімен украиндықтарды сахнаға шақырамыз

Көрініс:

«Түрік пен грузин айтысы»

2-жүргізуші: Автор:Түрікке таңырқай қараған грузин былай депті:

-Сенің ұлтың кім? (Дулат)

-Түрікпін (Қасымхан)

-Сен түрік болсаң өз елің неге бармайсың? Сонда неге тұрмайсың? (Дулат)

-Менің өз елім –Қазақстан. (Қасымхан)

-Жоқ сен Түркияда тұруың керек! (Дулат)

-О не дегенің! Мен Қазақстанда тұрамын. (Қасымхан)

-Мен Қазақстанды өз Отаным деп білемін. (Қасымхан)

-Сен өз еліңе қалайда кетуің керек? (Дулат)

-Ал сен грузинсің ғой! Сен мұнда не істеп жүрсің? (Қасымхан)

- Сен де өз еліңе бар! (Қасымхан)

2-жүргізуші: Автор:( осылай дауласып жатқанда,қазақ жігіті келеді)

1-жүргізуші: Ислам

-Ағайындар осыншама неге дауласып, жатырсыңдар? Не болды? Менің де білгім келеді.