Заманауи педагогтің рөлі туралы эссе, мектепке дейінгі білім

Эссе

Мектеп жасына дейінгі балаларды дамыту мен тәрбиелеудегі заманауи педагогтің рөлі

Қазіргі дамыған әлемде мамандық түрлері өте көп. Соның бірі және бірегейі – педагог-тәрбиеші.

Соңғы кезде "Қазіргі заман баласына - заманауи педагог!"- деген ұран көп айтылып жүр. Ал "заманауи педагог" деген кім?! Өз кәсібімен өмір сүретін, айтарлықтай жетістікке жеткен адам ба? Бұл өмірде өз орынан табуға тырысатын шығармашылық тұлға ма?

Тәрбиеші-бұл тек мамандық қана емес, бұл кез-келген адамның қолынан келе бермейтін ерекше кәсіп. Себебі, бала тәрбиелеудегі жетекші рөл педагог-тәрбиешіге тиесілі. Ол еліміздің ертеңі болар жас азаматтың болашағын жобалайды. Жоғары кәсіби жауапкершілік, әрдайым білімін дамытуға ұмтылу, ғылымның соңғы жетістіктеріне деген қызығушылық – бұл қазіргі заман талабына сай педагогтың міндеттері.

Сонымен қатар, тәрбиеші мамандығы жан-жақты білімді, шексіз мейірімділікті, балаларға деген сүйіспеншілікті қажет етеді. Қазіргі балалардың білім деңгейінің жоғарылауын ескере отырып, мұғалімнің өзі жан-жақты дамуы керек: тек өз мамандығы саласында ғана емес, сонымен қатар саясат, өнер, мәдениет саласында да білімін дамытуды тоқтатпауы керек.

Қазіргі таңда әлем сәт санап дамып келеді. Заманға сай балалар да өзгеруде. Бұл өз кезегінде педагогтың біліктілігіне жаңа талаптар қояды.

Тәрбиешілер мемлекеттік білім беру стандарттарының жаңа талаптарын жүзеге асыру үшін заманауи білім беру технологияларын игеруі керек.

Сондай-ақ, біз баланы тәрбиелеп қана қоймай, оның денсаулығы мен қауіпсіздігіне де көңіл бөлуді ұмытпауымыз керек. Демек, қазіргі балаларды тәрбиелеу кезінде гиперактивтілікті төмендету, жақсы қасиеттерді дамыту, зейінді шоғырландыру, баланың физикалық денсаулығын сақтау және нығайту үшін жағдай жасау қажет.

Менің ойымша, ата-аналарды балабақша өміріне кеңінен тарту, отбасылық құндылықтарды қалыптастыру, жақындасу үшін жағдай жасау қажет. Ата-аналар балалармен бірге әртүрлі шығармашылық тапсырмаларды орындайтын мерекелерді көбірек ұйымдастыру қажет.

Балаларды мектепке дайындай отырып, біз мектеп жасына дейінгі баланың оқуға деген қызығушылығын, бастамашылығын, еріктілігін, баланың шығармашылық қабілетін қалыптастырамыз.

Біз заманауи тәрбиешілер, мектепке дейінгі балалық шақты бірқалыпты емес, әртүрлі болуын қамтамасыз етеміз. Біз балаларға өздерінің даралығын көрсетуге мүмкіндік береміз.