Зерттеу сабағын қолдану тәжірибесі туралы мақала 8 сынып

«Lesson Study -қазақ тілі пәні мұғалімдерінің кәсіби дамуындағы шығармашылық алаңы»

«№137 негізгі орта мектебі» КММ

Сабақтан кейінгі рефлексия

Lesson Study-дің бір ыңғайлы және тиімді жері – жасалынған іс-әрекеттің қатып қалған қағидасы жоқ. Бағдарламаның негізгі идеясын түсініп, мектептің, оқушының және мұғалімнің мүмкіндіктерін ескере отырып, нәтижеге қол жеткізу үшін қолжетімді, тиімді қадамдар жасауға болатынына көз жеткіздік.

Lesson Study зерттеу сабағын тәжірибеге енгізу барысында, біраз қиындықтар болды. Бірақ «қиын болды» деп ісімізді аяқсыз қалдырмадық. Келесі қадам – сыныпты таңдап, сол сыныптағы проблеманы талқылау болды. Зерттейтін сыныпты таңдауда №137 мектебінің мұғалімдерімен бірлесе ақылдаса отырып, зерттеуге 8 «А» сыныбын алдық. Қиындық туғызған проблеманы бірлесе, ақылдаса отырып шешуге тырыстық. Қарастырған ортақ проблемамыз: қазақ тілі сабағында әдіс-тәсілдер арқылы оқушылардың ауызекі сөйлеу дағдыларын дамыту. Осы проблеманы негізге алып, сабақ мақсаты оқу мақсатына сәйкес құрдық. Оқытудың нақты мақсаттарын айқындалды, бағалау өлшемдерін ұсындық. Соның нәтижесінде өткізген зерттеу сабағымыз біршама нәтиже берді.

Қазіргі таңда кез келген жұмыс орнындағы ең басты әрі қайтарымсыз ресурс ол- уақыт. Күнделікті уақытымызды жоспарлай отырып , біз кездесу ұйымдастырдық. Кейде сабақ жоспарын жасауда ZOOM платформасымен де кездесулер өткіздік.Осы жылдамдықтың көмегімен тиімді әдіс-тәсілдерді пайдаланып, сабақ жоспарын жасадық.

Әрине, қобалжу болды. Жасаған сабақ жоспарымыз іске аса ма деген сұрақ көкейімізде тұрды. Жоспарлағанымыздай оқушылар орнында отырып жауап бергендіктен, оқушыларды қобалжу болмады. Бұл сабақта оқушыларда ой еркіндігі пайда болып, ойларын дұрыс тұжырымдар айтуға тырысты. Оқушыларымның белсенділіктерінің арқасында қобалжуым бір сәтте басылды.

Таңдалған әдіс-тәсілдер оқушының жас ерекшелігіне сай келді және тиімді болды. Сабақ барысында оқушылардың айтылым дағдылары өте жақсы көрінді.

Мен сабақты бастамас бұрын оқушылардың көңіл күйін көтеру керек деп шештім. Сыныпқа кіріп, амандасқан соң оқушылардың айтылым әрекетін жетілдіру мақсатында жұмыс жасай бастадым. Ауа райы, жыл мезгілін сұрау арқылы сабағымды бастадым.

Сабақтың басында оқушылардан өткен сабақ бойынша үйге берілген тапсырманы ZipGrade платформасы арқылы тексеріп шықтым.