Жабайы аңдардың қысқы тіршілігі балабақшаға

«Балбөбек» шағын орталығының «Құлыншақ» тобына ұйымдастырылған оқу қызметінің технологиялық картасы

Білім беру саласы: «Таным»

Ұйымдастырылған оқу қызметі: Жаратылыстану

Тақырыбы: Жабайы аңдардың қысқы тіршілігі

Мақсаты: Жабайы аңдар туралы түсініктерін кеңейту. Жабайы аңдарды айыра білуге, атай білуге үйрету. Аңдардың балаларын тани білуге, атай білуге үйрету. Балаларға жануарлардың қысқы тіршілігі жайында түсінік беру. Олар қыстың суығынан қалай қорғанатынын, сыртқы бейнелері неліктен өзгеретінін, немен қоректенетін, қыста жануарларға қамқорлық қажет екенін айтып түсіндіру. Қамқорлық сезімдерін тәрбиелеу.

Керекті құралдар: магнитті тақталар, аңдардың суретімен плакат, қыстың суреті, пазлы, аңдардың суреттері жеке магнипен тақтада, балаларының суреттері үстел үстінде, тақтада магнитпен үйлерінің суреттері, аңдардың суреттері басқа үстелде. Аңдардың маскалары.

Қызметтің кезеңдері

Тәрбиешінің іс –әрекеті

Балалардың іс -әрекеті

Мақсатты -түрткі болғыш

Шеңбер құрып тұрып,

Кел, балалар, күлейік,

Күлкіменен түлейік,

Қабақ түйген не керек,

Көңілді боп жүрейік.

Бір – біріне қарап күлімсірейді.

Іздестіру- ұйымдастыру

Рефлексиялық түзетушілік

Қазір жылдың қай мезгілі?

Сендерге қыс ұнай ма?

Қандай ойындар біз далада ойнаймыз?

Ал қыста орманды нелер мекендейді?

Мен сендерге жұмбақтар жасырамын, жауабын табыңдаршы:

1.өзі бір қу, жүрген жері айғай да шу.

Бұл не? (түлкі)

2.Қорбаң, қорбаң етеді,

Орман оның мекені.

Тәтті балға тойып ап,

Қыста ұйқыға кетеді. Бұл не? (аю)

3.Секең, секең етеді,

Орман оның мекені.

Отырғанда шоқиып,

Құманға ұқсап кетеді. Бұл не? (тиін)

4. Көп, көп ине,

Бір сабағы жоқ ине,

Іс тікпейді әрине. Бұл не? (кірпі)

5.Төбесімен тоғай тасыған (бұғы)

Ал, енді суретке қарап отырып атаңдаршы?

Бір сөзбен қалай айтамыз?

Енді мен сендерді ойын ойнауға шақырамын, пазлы жинауды ұнатасыңдар ма? Сендер екі жаққа бөлініңдер, үстелдерде шашылып жатқан пазлыды жинаңдар.Қандай сурет болып шықты?

Қыста орманда олар тоңады ма? Неге тоңбайды?

Қай аң қысқа қарсы тонының түсін өзгертеді?

Неліктен?

Кірпіге үстіндегі инелері не үшін керек?

Қыс бойы ормандағы аңдарға біреулер тамақ апарып бере ме?

Тиін- қыста өзі жинаған саңырауқұлақтар, жаңғақтармен қоректенеді.

Түлкі- қар астындағы тышқандармен қоректенеді.

Қоян- ағаштардың қабығын кеміреді.

Қасқыр-әлі жететін аңдармен қоректенеді.

Аю- қыс бойы ұйықтайды.

Кірпі қыс бойы ұйықтайды.

Сергіту сәті

Ойын ойнайық: «Үйшігін тап» деген.

Мына жерде аңдардың үйшіктері, бірақ қай үйшік қайсынікі екен, өздері де шатасып қалыпты, кане көмектесіп тауып беріңдерші?

Ал, енді атап кетейік:

Аю – апанда,

Түлкі- інінде,

Қасқыр – апанда,

Тиін – ағаш қуысында,

Кірпі – інінде.

- Осы жабайы аңдардың балалары бар ма?

Қай аңның қандай баласы бар екен, оны тауып атау үшін мен сендерді ойын ойнауға шақырамын.