Жабайы аңдардың қысқы тіршілігі мектепалды топқа

«Ескелді ауданы әкімдігінің М.Мәметова атындағы орта мектебі мектепке дейінгі шағын орталығымен»коммуналдық мемлекеттік мекемесі.

Тақырыбы: Жабайы аңдардың қысқы тіршілігі.

Тәрбиеші: Ерікбаева Бақытжан Тілегенқызы

Білім беру саласы: Таным

Білім көздері: Жаратылыстану

Тақырыбы: Жабайы аңдардың қысқы тіршілігі.

Мақсаты:

1 Ормандағы аңдардың қысқы тіршілігі,олардың қысқы табиғатқа бейімделуі туралы түсінік беру.

2. Балаларды аңдарды сипаттауға,салыстыра білуге жаттықтыру.

3. Табиғатқа деген қызығушылықтарын арттыру,қамқорлық сезімдерін тәрбиелеу.

Сөздік жұмыс:қуыс,апан,ін

Көрнекілігі: Мазмұнды суреттер,аңдардың суреттері,аңдардың маскалары.

Іс-әрекет

бөлімдері

Тәрбиешінің іс-әрекеті

Балалардың іс-әрекеті

Ынталандыру,

сезімді ояту.

Шаттық шеңбері.

Кел,балалар күлейік,

Күлкіменен түлейік,

Қабақ түйген не керек

Көңілді болып жүрейік.

Балалар шеңберге тұрып қимылмен көрсетеді.

Ізденістер, ұйымдастыру.

-Қазір жылдың қай мезгілі?

-Сендерге қыс мезгілі ұнай ма?

-Қыста қандай ойындар ойнаймыз?

Мен сендерге жұмбақ жасырайын.

Өзі бір қу,жүрген жері айғай да шу.

Бұл не?

Қорбаң-қорбаң етеді,

Орман оның мекені.

Тәтті балға тойып алып,

Қыста ұйқыға кетеді.

Бұл не?

Секең-секең етеді,

Орман оның мекені.

Отырғанда шоқиып,

Құманға ұқсап кетеді.

Бұл не?

Көп-көп ине,

Бір сабағы жоқ ине.

Іс тікпейді әрине

Бұл не?

Өзінші ноян,

Қорқақ ол не?

Белестен шыққан бесті ат,

Бүкір келген желісті ат.

Бейғам елді іздейді,

Малдан күдер үзбейді.

Бұл не?

-Балалар,баларды бір сөзбен не дейміз?

Табиғат аясында тіршілік етіп,өз қорегін тауып жейтін жануарларды «жабайы аңдар»дейміз.

Олардың жүндері қалың болғандықтан қыста тоңбайды.

Қасқыр мен түлкі – жыртқыш аңдар.Тістері өткір,көздері қырағы(жақсы көреді) сезімтал.Өздеріне керекті жемтіктерін алыстан-ақ сезеді.Қыста жортып жүріп,азықтарын уаып жейді.Олар қыста ұйқыға кетпейді.

Аю апанында ұйықтап жатыр.Ол көктем шығып қар ерігенше осылай ұйқыда болады.Апанда жатып өзінің кішкентай қонжықтарын туады.

Аю-ақылды ,иіс сезгіш,жыртқыш аң.

Ол қыс бойы жиған майын сорып,табанын жалап жатады.

Қоян қыста үйілген маялардың түбінде ,не ағаш қуыстарында қыстайды.Қорегі- түрлі шөптер,

ағаш қабықтары.Ол жылы тонының арқасында суыққа тоңбайды.Ол терісін жауларынан қорғану үшін ақ түске ауыстырады.

Түлкі болса қысқа азық дайындамайды. Ол ағаш түбіндегі тышқандармен,құстармен қоректенеді.

Тиін болса-ағаш қуысын мекендейді.Ол жаздай жинаған жаңғақтармен,жидектермен,шырша бүрлерімен қоректенеді.