Жайлауға саяхат сабақ жоспары мектепалды даярлық тобына

Күні: 21.11.2017 ж.

Білім беру саласы: «Денсаулық»

Ашық оқу іс-әрекеті: Валеология негіздері

Тақырыбы: Жайлауға саяхат

Мақсаты: Балалардың жайлау туралы және төрт түлік мал туралы түсініктерін қалыптастыру, жайлауға қызығушылықтарын ояту, денсаулықтарын нығайту, табиғатқа және төрт түлік малға қамқор болуға тәрбиелеу.

Қолданылатын көрнекі -құралдар: қазақ үй, төрт түлік малдың суреттері және дыбыс жазбалары, қамшы, арқан.

Әдіс-тәсілдер: Сұрақ-жауап, әңгімелесу,түсіндіру, ойын.

Билингвальды компонент: жайлау –джайлау, қазақ үй – юрта

Әрекеттердің кезеңдері

Тәрбиешінің іс - әрекеті

Балалардың іс - әрекеті

Ұйымдастырушылық-оятушылық

1.Сәлемдесу:

- Сәлеметсіңдер ме балалар?

- Бір-біріміздің қолдарымыздан ұстап шеңберге тұрайық, өлең жолдарын қайталап амандасайық.

Қуан шаттан алақай,

Қуанатын күн келді.

Қайырлы таң, қайырлы күн,

Күліп шықты бүгін күн.

- Балалар сендер жайлауға барып көрдіңдер ме?

- Бүгін жайлауға саяхат жасайық, саяхат жасау үшін қолымызға қамшы алып сиқырлы әуеннің көмегімен қозғалысқа ене отырып барайық, шеңберді айнала жүру

Балалар амандасады

- Сәлеметсіздер ме?

Өлең жолдарын қайталап күнмен, таңмен амандасады.

Балалар сұрақтарға жауап береді.

Балалар қолдарына қамшыларын алып әуен ойналғанда атқа шапқандай шеңберді айнала қозғалады

Ұйымдастырушылық-ізденушілік

2. Сұрақ – жауап.

-Балалар, жан-жағымызға қарайықшы біз қайда келдік?

- Дұрыс айтасыңдар, біз жайлауға келдік.

- Айналаға қараңдаршы, табиғат қандай?

- Алдарыңнан не көріп тұрсыңдар?

- Иә балалар, асқар тау, сылдырап аққан бұлақ, тігіліп тұрған қазақ үйді және алыста жайылып жүрген төрт түлік малды көріп тұрмыз.

- «жаз жайлауда, қыс қыстауда» дегендей адамдар жазда жайлауда малдарын бақса, қыста қыстауға көшеді екен. Сондықтан көшкенге ыңғайлы тез жиналатын қазақ үйде тұрған.

- балалар, жайлаудың ауасы таза, табиғаты әдемі екен.

- Қанекей балалар осындай әсем жерде дене жаттығуын жасап бойымызды жазып алайық.

3. Дене жаттығуы (қамшымен орындалады)

Екі қолға қамшыны алға ұстап тұрып, басты оңға –солға қозғалту. 5рет

Екі қолға қамшыны алға ұстап тұрып, жоғары көтеріп және бастапқы қалыпқа түсіру. 5рет

Екі қолға қамшыны алға ұстап тұрып, өзіне жақындату және бастапқы қалыпқа келу. 5рет

Екі қолға қамшыны жоғары ұстап тұрып, бір орында секіру. 5рет

Тыныс алу жаттығулары. 5рет

(Дене жаттығуы «Тұлпарым» әуені арқылы орындалады).

- жақсы балалар, біз денемізді жаттығу арқылы жазып алдық.

-Қане тыңдаңдаршы қандай дыбыс шығарып жатыр екен?

-балалар біз естіген дыбысымыз арқылы ойын ойнап жіберейік.

Ойын «Бұл кімнің дауысы»

Ойын шарты: төрт түлік малдың дыбыстарын есту арқылы қай малдың дыбысы екендігін табу.

- балалар сендер жайлауда жүрген төрт түлік малды біледі екенсіңдер?

- ал осы жайлау, жайлауда жайылып жүрген малдар туралы тақпақ білесіңдер ме?

- жақсы балалар, сендер малдар туралы тақпақ біледі екенсіңдер.

-балалар сендер малды бағып жүрген адамды не деп атайтынын білесіңдер ме?

- Малшы деп атайды.

- Ал, қой бағатын адамды?

- Ал, сиыр бағатын адамды?

- Ал, жылқы бағатын адамды?

- Жақсы балалар.

- Балалар қараңдаршы алыста бізге қонақ келе жатыр.

Балаларға қойшы келеді, балалар амандасады

Қойшы:

Сәлеметсіңдер ме балалар?

Қалдарың қалай?