Жамбыл Жабаев туралы сабақ жоспары, 11 сынып

Сабақ жоспары

Пәні: Балалар әдебиеті

Тобы:

Күні:.

Сабақтың тақырыбы: Жамбыл Жабаев

Сабақтың мақсаты:

Білімділік: Жамбыл Жабаевтың өмірі мен шығармашылығымен таныстыра отырып, өлеңдерінің негізгі мазмұны жайлы түсінік беру.

Тәрбиелік: студенттерді ақын-жазушылар шығармашылығына құрметпен қарауға, көркем әдебиетті, поэзияны сүйе білуге үйрету.

Дамытушылық: Студенттерді шығарманың эстетикалық, идеялық мәнін түсіне білуге дағдыландыру, өз ойын әдеби тілмен өрнектей білуге төселдіру.

Сабақтың типі: жаңа сабақ

Сабақтың түрі: тәжірибелік

Пән аралық байланыс: тарих

Көрнекі құралдар: тест, лекция, оқулықтар.

ТОҚ

Сабақтың барысы мен мазмұны

1.Ұйымдастыру кезеңі: Сәлемдесу, студенттерді түгелдеу

2. Үй тапсырмасын тексеру:

Өткен тақырыпқа шолу жасау

3. Жаңа сабақтың тақырыбын, мақсатын хабарлау,баяндап жаздыру.

5. Жаңа материалды бекіту.

Туған жері – Жамбыл облысындағы Жамбыл тауының етегі. Топырақ бұйырған жері – Алматы облысының Ұзынағаш елді мекені. Шыққан тегі – Ұлы жүз Шапырашты тайпасының ішіндегі Екей руы.

Жамбылдың өсіп-өнген топырағында ән-күй, ақындық –жыраулық өнер айрықша биікке көтерілген. М. Әуезовтың «қазақ халқында ерекше дамыған айтыс өнері ХІХ ғасырдан бергі жерде өзге жерлерде саябырсып, Жетісу, оңтүстік өлкелерінде шоғырлана бастайды» деуінде үлкен тарихи себеп бар. Біріншіден, Қазақстанның өзге өңірлерін ертерек шарпыған отаршылдық ел ішінің дәстүрлі қалпына өктемдігін жүргізіп, шырқын бұзып үлгергенде, Жетісу алабы әзірше қағаберісте еді. Екіншіден, бұл өңірдің ертеден тамырын тереңге жайған өнерпаздық дәстүрі шын мәнінде ХІХ ғасырдан бергі жерде айрықша биік өреге көтеріліп еді. Осы кезеңде Жетісуға сонау Арқадан ұлы Абайдың келуі, Біржан, Шашубай, балуан Шолақ сияқты дауылпаз әнші-ақындардың келуі, Таластан – Жалайыр Түбектің келуі, оңтүстіктен – Майкөт пен Майлықожаның келуі, Атыраудан – Құрманғазының келуі, сөз жоқ, ең алдымен олардың алыстан жаңғырығы жеткен ұлы өнер мектебіне деген ұмтылыстарына байланысты еді.

Осындай өнер бесігінде тербеліп өскен Жамбылдың ақындық дарыны жас кезінен ақ таныла бастаған . Ол бозбала шағының өзінде ақ өскен ортасын ән мен жырға кенелтіп, тіптен көршілес қырғыз еліне де даңқы жайылып үлгерген. Осы кезде өрттей жалындап, жұрт аузына іліккен жас Жамбыл Жетісудың дүлдүл ақыны Сүйінбайға жолығып, оның арқалы өнеріне құныға…