Жаңа білім инновациялық тәжірибе технологиясы туралы мақала

«Жаңа білім инновациялық тәжірибе технологиясы»

«Ұстаздық еткен жалықпас, үйретуден балаға» демекші, қазіргі таңда білім бәсекесіне бейімді шәкірт тәрбиелеу біздің алға қойған басты мақсаттарымыздың бірі. Осы орайда Қазақстан Республикасының «Білім туралы» Заңында «Білім беру жүйесінің басты міндеті – ұлттық және азаматтық құндылықтар, ғылым мен практика жетістіктері негізінде жеке адамды қалыптастыруға және кәсіби шыңдарға бағытталған білім алу үшін қажетті жағдайлар жасау, оқытудың жаңа технологияларын енгізу, білім берудегі ақпараттандыру, халықаралық ғаламдық коммуникациялық желілерге шығу»[1] деп білім беру жүйесін одан әрі дамыту міндеттері көзделген. Осы міндеттерді қолдану, шешу үшін педагогтың ізденісі жаңа тәжірибеге, іс-әрекет пен қарым-қатынасқа негізделеді.

Қазіргі таңда өскелең ұрпақтың сапалы білім алуының басты шарты – білім беру ұйымдарындағы оқыту үрдісіне жаңа инновациялық технологияларды енгізу. Сондықтан, заманның ғылыми-техникалық прогрессінен қалыспай, өзінің оқу және оқыту тәсіліне жаңа педагогикалық инновацияларды қолданып, нәтижелі түрде енгізіп отыру әрбір мұғалімнің басты талабы десе де болады.

Инновациялық технологияны қолдана отырып оқыту – оқыту тәсілінің ұйымдастырылған арнайы формасы. Басты мақсаты – оқу үрдісінің табыстылығын арттыру.

«Инновация» термині латынша «innovis» - «жаңа», «жаңалық», «жаңарту» деген ұғымды білдіреді[2]. Бұл ұғым ХХ ғасырдың 1930-1950 жылдарында Еуропада ғылымның жаңа бір саласы ретінде пайда болды. Педагогикалық инновация – педагогика саласындағы жаңашылдық, жаңашыл бағытта оқыту тәсілі.

Біздің елімізде ең алғаш рет «Инновация» ұғымына ана тілімізде анықтама берген ғалым Немеребай Нұрахметов. Немеребай Нұрахметов «Инновация, инновациялық үрдіс деп отырғанымыз – білім беру мекемелерінің жаңалықтар жасауы, меңгеруі, қолдану және таратуға байланысты бөлек бір қызметі» деген анықтаманы ұсынады[3]. Н.Нұрахметов «Инновация» білімнің мазмұнында, әдістемесінде, технологиясында, оқу-тәрбие жұмысын ұйымдастыру мен жоспарлауда көрініс табады деп қарастырып, өзінің талдауында «инновацияны» қайта жаңарту кеңістігінде бірнеше түрге бөледі: жеке түрі, модульдік түрі, жүйелі түрі.

Қазіргі таңда заман табалына сай, әр ұстаз өз білімін жетілдіріп, біртектес, бірсарынды сабақ жоспарларынан гөрі, жаңа талапқа сай инновациялық технологияларды, бағыттарды өз сабақтарында пайдаланып, қолданса, білім алушы шәкірттердің қызығушылығын туғызуы мүмкін. Педагогикалық технологиялар – педагогтың кәсіби қызметі мен білігін жаңартушы, сатыланып жоспарланған нәтижеге жетуге мүмкіндік беретін іс-әрекеттер топтамасы. Педагогикалық технологиядағы басты міндет – білім алушының оқу-танымдық үрдісін басқара отырып, алға қойған мақсат-міндеттерге толықтай жету.

Педагогикалық инновация – алға қойған мақсат-міндеттерге нәтижелі жету үшін білім беру саласындағы жаңашылдықты дайындау, ендіру және дамыту. Инновация және мақсат бір-бірімен тағыз байланысты: білім үрдісі уақыт өте келе өзгереді, білім нарығы жаңа талаптар мен әдістерді талап етеді. Осы жаңа талаптар мен әдістерді жетілдіріп, дамыту үшін жаңа педагогикалық әдістемелер, әдіс-тәсілдер қажет. Халықаралық білім беру стандарты талабына сай жаңа инновациялық технологияларды оқу үрдісіне ендіру – педагогтың оқыту тәсілін жаңа сапалы деңгейге жеткізетіні анық. Бүгінде көптеген ұстаздар оқытуда нәтижелі табысқа жету үшін жаңа технологиялар мен инновациялық…