Жаңа мектепке – жаңашыл ұстаз тақырыбындағы қазақ тілі эссесі

Түркістан облысы

Бәйдібек ауданы

«Боралдай» жалпы орта мектебі

ЭССЕ

Орындаған: Өмірсеитова Т

2018-2019 жылы

Жаңа мектепке – жаңашыл ұстаз

Ұстаз болу – жүректің батырлығы, Ұстаз болу – сезімнің ақылдығы. Ұстаз болу – мінездің күн шуағы,Ұстаз болу – адамның асылдығы,-деген Ғафу Кайырбековтың өлең жолдарын оқығанда, мен өзімді бақытты сезінемін. Мен ұстаз болғаныма мақтанамын. Өйткені ұстаз – мақтан тұтар мамандық.

«Ұстаз – ұлы есім», - деп Мұхтар Әуезов атамыз айтқандай, ұстаз деген есім қасиетті де құдіретті ұғым. Себебі, мұғалім – мектептің жаны. Мұғалімнің бір ғана сыры бар. Ол біздің мамандығымыз. Бұл дүниеде теңдесі жоқ мамандық тек мұғалімге ғана лайық. Сондықтан ұстаз адам – кәсіби мамандығына құштар, оны жан-тәнімен сүйетін, барлық өмірін соған арнауы тиіс. Олай болса, мұғалім еңбегінің сан қырларымен осыдан тарайды деп айта аламын. Мұғалімнің өз пәнін жете меңгеруі оның ең алғашқы қыры, ал кәсіби шеберлігін үздіксіз ұштай түсуі екінші қыры деп білемін. Үшінші қыры – мұғалімнің тіл шеберлігі. Сөзді жеткізе сөйлей білудің өзі – өнер. Себебі, тіл – тәрбие құралы. Бір сөзбен айтқанда, жоғарыда айтқанымдай, ұстаз сан қырлылықты, жан -жақтылықты талап ететін мамандық деп білемін.

«Ұстазы жақсының, ұстанымы жақсы» демекші, баланың бойындағы шынайы білім, біліктілік дағдылары, мінез-қалпы, шарапаттылығы жақсы ұстаздан қалыптасатын әдет деп есептеймін. Бүгінгі күні ұстаз шәкіртіне ғылым негіздерінен мәлімет беріп қана қоймай, оларды дүниежүзілік білім, ақпарат, зкономика кеңістігіне шығуға тәрбиелеуі тиіс. Мұғалім әлемдік білім беру жүйесінен мол ақпарат алып отырса, оның шәкіртке берген білімі нәрлі болады,кәсіби деңгейі өседі,әлеуметтік беделі артады. Демек,оқушының санасына кәсіби даярлығы мол мұғалімнің білімі ғұмырлық сақталады.Өзім әр сабағымда шәкірттеріме әсерлі үнмен, асықпай, мәнерлеп сөйлеп, сөзіммен әрбір оқушыға деген қамқорлығымды, аналық сезімімді дана ойымды ыстық лебізімді сезіңдіргім келеді. Сонымен қатар шәкіттің жан дүниесін түсініп, оларды ренжітпей, өздерінің қателігін сездіре білу – бұл шеберлі ұстазға тән қасиет деп санаймын.