Жаңа талап пен жаңа мақсат туралы баяндама

ЖАҢА ТАЛАП - ЖАҢА МАҚСАТ

Кажгалиева Менслу Кенесовна

Белес ЖОБМ балабақшасы, жоғары санатты бастауыш сынып мұғалімі, әдістемелік бірлестік жетекшісі.

Қазіргі таңда Қазақстандық білім беру жүйесі қарқынды дамуда. Бағыты - тура, мақсаты-айқын, міндеттері жоспарлаулы білім саласының бүгінгі жеткен жетістіктері аз емес. Президент талабы - кәсіби біліктілік. Елбасымыз Н.Ә.Назарбаев өз Жолдауларында ел тарихындағы маңызды салалардың бірі, әрі бірегейі ретінде білім саласына басты назар аударып отыр. Себебі, білімді ұрпақ-ел болашағы. Болашақта ел беделін арттыратын солар. Қазіргі таңда оқимын деген жастарға елімізде бар мүмкіндік жасалған. Білім беру саласында болып жатқан түбегейлі өзгерістер, әсіресе, 12 жылдық білім беруге, электронды оқыту жүйесіне көшу секілді бағыттар Қазақстандық білім беру сапасын әлемдік деңгейде арттыруда отандық ғалымдар жасап жаткан игі бастама[1. 30б].

Бұл бастамаларды нақты жүзеге асыратын бірден-бір тұлға- мектеп мұғалімі. Елбасымыз сенім артқан ұстаздар-мемлекеттік деңгейде маңызы бар саланы жоспардан нақты сапаға жеткізетін дәнекер. Сол себепті, соңғы жылдары үкімет тарапынан ұстаздардың біліктілігіне, кәсиби шеберлігіне аса мән беріліп отыр. Осы бағытта мектеп мұғалімдері үшін ұйымдастырылған деңгейлік оқыту жүйесінің маңызы өте зор. Әр оқушыға тұлға ретінде қарап, әлемдік озық тәжірибелер негізінде сапалы білім беру мақсатын да көздейді.

Бүгінгі таңда білім саласындағы басты міндет - білім берудің жаңа сапасына көшу, оқытудың тиімді жүйесін жасау. Ең алдымен, оқыту үдерісіне қазіргі заманғы әдістемелер мен технологияларды енгізуге, педагогтар құрамының сапасын арттыру арқылы білім сапасын арттыруға мән берілгендіктен, әрбір пән мұғалімінің кәсіби шеберлігін жетілдіру басты мақсат.

Қазіргі мұғалім:

Педагогикалық үрдісте жүйелі жұмыс жүргізе алатын;

Педагогикалық өзгерістерге тез төселетін;

Жаңаша ойлау жүйесін меңгере алатын;

Оқушылармен ортақ тіл табыса алатын;

Білімді, іскер, шебер болуы керек.

«Білім - біліктілікке жеткізер баспалдақ, ал біліктілік сол білімді іске асыра білу дағдысы», олай болса: Қазіргі қоғам және мұғалім беделі. Мұғалім беделінің өлшемі неде? «Кәсіби білікті» деп қандай маманды айтуға болады?

Түйіндеме: Елбасы Жолдауының басты талабы- мұғалімдердің кәсіби шеберлігін жетілдіру болып отыр.[1.55-56]

Кәсіби білікті маман - бұл:

Өз мамандығын сүйетін;

Жан - жақты сауатты және білімді;

Өз ісінің шебері;

Жасаған жұмысының нәтижелі болуына күш салатын мақсаткер;

Қоғамның даму тенденциясына ілесе алатын;

Жаңа идеялар мен тың бастамалардың жанашыры және қолдаушысы.

«Көп істің шала білгірі болғанша, бір істің дана білгірі бол», - дегендей, кәсіби біліктілікке қол жеткізу үшін:

Тынымсыз еңбек;

Ізденімпаздық;

Мақсаткерлік;

Жаңашылдық;

Жан - жақты дүниетанымы мол маман иесі болуы қажет екендігі заман талабы болып отыр.

Ұстаз жоғары біліммен қатар сабақ берудегі шеберлігін күнделікті шыңдап, жетілдіруі, өзіндік мәдениеті мен жалпы адамгершілік қасиеттерін, болмысын әрқашан биік деңгейде таныта білу арқылы ғана өзінің биік дәрежесін сақтап қалмақ. Үздіксіз ізденіс қана ұстазды алға жетелейді.

Кәсіби білікті болудың ұстаздар үшін маңыздылығы – шәкірт білімінің тереңдігі мұғалімнің жан – жақты болуымен өлшенбек. Бұл талап күн өткен сайын мұғалімге үлкен жауапкершілік жүктеуде және оны жүзеге асыруда жаңашыл бастамалар қажет. Ұстаздардың терең білімі мен құзырлылығы бүгіңгі қоғам алдындағы міндеттердің дұрыс айқындауына мүмкіндік береді. Себебі, педагог – қоғам талабына сай функционалды сауатты ұрпақ қалыптастырушы тұлға. [2.21]

Ертеңіміздің бүгінгіден де кемелдене түсуіне ықпал етіп, қоғамын алға қарай жетелеуші пәрменді күш тек білімге келіп тіреледі. Білім беру мәселесіне қоғам дамуы тұрғысынан назар аударып, жеке тұлғаны дамытудағы рухани және адамгершілік құндылықтарды ең басты орынға қою – жалпы ұлттық мәселе. XXI ғасырда білім берудің маңызы балаларды оқытудың барысында олардың түрлі салада жеткілікті түрде күрделі білімдерді, икемдер мен дағдыларды игеруді талап ететін олардың одан кейінгі оқуына толыққанды негіз бола алатын психикалық дамудың ерекшеліктерін анықтау болып табылады. Сондықтан, еліміздің болашағын алға қарай жетелеуші ұрпаққа білім беруді қамтамасыз ететін жалпы және орта білім беру саласына түбегейлі өзгеріс, яғни 12 жылдық жалпы және орта…