Жаңа технология элементтерін тиімді пайдалану баяндамасы

Жаңа технология элементтерін сабақта пайдалану (Жаңа тәсіл)

Cәлеметсіздер ме, құрметті әріптестер және ұлағатты ұстаздар! Сіздерді жаңа оқу жылымен құттықтаймын. Жаңа оқу жылында жұмыстарыңызға табыс, еңбектеріңізге жеміс тілеймін. Менің бүгінгі сіздердің алдарыңызға алып келіп отырған жұмысым сіздердің кәсіби жұмыстарыңызға көмекші құрал болса деген ниетпен оқығалы отырмын.

Қазіргі заманғы сабаққа қойылатын негізгі талап-оқытылатын материалдың мазмұны өмірмен байланысты болып,оқытудың жаңа әдіс-тәсілдерін кеңінен сабақта қолданған дұрыс.

Көптеген жаңа технологиялармен қатар соңғы кездері қазақ тілі мен әдебиеті пәні сабақтарында ақпараттық технологиялар жиі қолданылуда. Осыған байланысты күнделікті сабаққа:-мультимедия (видео, аудио қондырғылары мен теледидарды, электрондық оқулықтарды);-компьютер (компьютерлік бағдарламалар, интерактивті тақта-интернет және т.б. көрнекі материалдарды пайдалану айтарлықтай нәтиже береді.

«Армансыз адам қанатсыз құспен тең»,- демекші, менің ұстаз ретінде де, еліміздің ұлтжанды азаматшасы ретінде де арманым еліміздің әрбір азаматы терең білімді, интеллектуалды, заманауи техникаларды еркін меңгере алатын, әрқайсысы еліміздің дамуына өз үлесін қоса алатын болса деймін.

Бүгінгі таңда оқушыларды 21 ғасырға дайындау үшін ұстаздар әр сабағын сапалы түрде ұйымдастырып, әдіс-тәсілдерді тиімді қолдана білуі шарт. Мектепте алған білімін өмірде қолдана алатындай етіп сабақты құру мұғалімдерден көп шығармашылық ізденісті талап етеді. Ол үшін ең алдымен, әр ұстаз үнемі өз білімін жетілдіру және өз шәкірттерін тұлға ретінде тану керек.Ұлы Абайдың «Адамның қасиеті үш-ақ нәрсе: нұрлы ақыл, ыстық қайрат, жылы жүрек» демекші,шәкірттің алдына бару үшін жеткілікті білімің болу керек, сол тәжірибеңді ұғындыру үшін тиімді тәсілдерді қолдана білу және ұстаз мамандығын таңдаған соң, этикалық әрі моральдік құндылықтарды ұстану қажет. Мұғалімнің бұл үш көмекшілері сапалы әрі табысты оқытуына жол ашады.

Осы мақсатқа жету барысында өз жұмысымда жаңа педагогикалық технология элементтерін қолданамын. Атап айтсам: Ж.Қараевтың деңгейлік оқыту технологиясы, Сатылай кешенді талдау технологиясы, Жеке тұлғаға бағытталған технология т.б.

Неге педагогикалық технологияларға ерекше көңіл бөлеміз? Оқушыларды пәнге деген қызығушылығын арттырып, білімдерін бір жүйеге келтіру мақсатында тиімді әдіс-тәсілдерді пайдалану білімнің сапалы болуына себеп болады. Әр сабақта менің алға қоятын мақсаттарымның бірі балалардың сөйлеу тілін дамыту болып табылады, сондықтан әрбір сабағымда диалог құру үшін бірнеше әдістерді қолданамын.

Сұрақ-жауап әдісі мен үшін информатикалық тілді меңгертуде ең ұтымдысы, себебі балалар сұрақ құруға және сұраққа жауап беруге үйренеді. Нәтижесінде өзара қарым-қатынас жасауға дағдыланады. Үй жұмысын тексеруде «Мозайка», «Сыртқы-ішкі шеңбер», «Қарлы кесек», "Мұғалімге хат«,т.б әдістерін қолданып, өткен тақырып бойынша жазбаша түрде сұрақ құрып, өздері жауап қайтарады. Жауап беруде толық жауап талап етемін, сондықтан оқушылар жауаптарын мысал келтіре отырып дәлелдейді.

Жаңа тақырыпты меңгерту барысында да оқушыларға жеңіл сұрақтар қою арқылы тақырыпты өздеріне ашуға мүмкіндік беремін, себебі балалар ойлана отырып сөйлеуге тырысады, білімін жетілдіруге талпынады, белсенділік танытады, жауапкершілікті сезінеді. Жетелеуші және бағыттаушы сұрақтар арқылы оқушыларға дұрыс жауап іздеуде бағыт беріп отырамын. Практикалық сұрақтар арқылы теорияны тәжірибемен ұштастырып, оқушыларды өз ойын дәлелдеуге үйретемін.

Мысалы, Сұрақ-жауап әдісін ойын, топтық, жұптық жұмыс ұйымдастырғанда да тиімді қолданып жүрмін. Ең алдымен, балалар түсінбегенін бір-бірінен сұрап алуға мүмкіндік алады, екіншіден, білмегенін сұрау үшін сұраулы сөйлем құруға үйренеді.Сабақты қорытындылау үшін «Сөздер банкісі», «Серпілген сауал», «Жуан-жіңішке сұрақтар» әдісін және «Конверттегі сұрақтар» стратегиясы ұтымды,- деп есептеймін. Мысалы, Жадыны дамытуға арналған «раундробин» әдісі ұйымдастырайын.

Ол үшін мен ортаға 6 әріптестерімді шақырамын. Енді мына қобдиша ішінен таратпа қағазды алыңыздар. Мына үстел үстіндегі қаламмен қағаз бетін бояыңыздар. Қағаз бетіндегі рет бойынша бірігіңіздер. Ия,сіздер,екі топқа бөліндіңіздер. Әрі қарай мен сіздермен жадыны дамытуға арналған…