Жаңа технологияларды білім беруде қолдану мақаласы

Кейінгі жылдары жиі пайдаланылып келе жатқан жаңа ұғымдардың бірі-инновация. Инновацияны жете түсініп, инновациялық әдіс-тәсілдерді мектеп өміріне кеңінен енгізу жас ұрпақтың саналы да сапалы білім алуының бірден-бір шарты болып табылады.

«Инновация» ұғымын анықтайтын нақтылы анықтама әлі де жасала қойған жоқ. «инновация» бұл нақты қойылған мақсатқа жетуде ойға алынған жаңа нәтиже. Оқу мақсатының жүйесінде берілген мақсаттың негізгі категорияларын пайдалана отырып, педагог өз еңбектерінің нәтижесі туралы ақпарат алуға мүмкіндік алады. Демек, мақсат пен нәтиже жаңалыққа бет бұрудың кілті.

Инновациялық үрдістің негізгі-жаңалықтарды қарастыру, қолдану, жүзеге асырудың тұтастық қызметі. Кез келген жаңа іденіс жекелік, сондай-ақ уақытша жоспарға жатады. Бұл яғни, бір мұғалім үшін табылған жаңа әдіс, жаңашыл мұғалім үшін өтілген материал тәрізді.

«Келер ұрпақ алдында зор жауапкершілік жүгін арқалап келеміз» деген Елбасы Н.Ә.Назарбаевтың сөзі тек қана орта білім беру мектептерге ғана емес, арнаулы білім беру ұстаз қауымына үлкен тапсырыстарды артып отыр. Интеллектуалдық бұзылыстары бар балалардың оқыту мен тәрбиелеу барысында қолданылатын педагогикалық әдіс-тәсілдер мен құралдардын қолдану арқылы балалардың даму жетістіктері түзетіліп, оларды пайдалы өмірге дайындау біздің міндетіміз.

Зерттеулер бойынша «Арнайы мектептің оқушыларында сезіну мен қабылдаудың белсеңділігі мен мақсаттылығы төмен, талғамдылығы, түсінуі бұзылған» екенін анықтаған. Интеллектуалдық дамуында бұзылыстары бар балалар ешқашан өз бетімен заттармен құбылыстар арасындағы байланыстарды аша алмайды, қабылдау процесі жетілмегеннен, оқытылатын материалды түсінбеуіне, тез ұмытуына әкеледі. Демек, оқу материалын түсіндіруі – оқытылатын дүниелерді нақтылау, салыстыру және оның сипаттамасы болуы тиіс. Алған білімді бекіту үдерісінде қайталау оқушының білімің есте сақтау және еске түсіру үлкен рөл ойнайды. . Осыған байланысты интеллектуалдық бұзылыстары бар оқушыларға жаңа тақырыпты үйрету кезінде оларға алған білімдерін өмірде қалай қолдана алатындарын мақсатты түрде түсіндіру керек.

Арнайы мектептерде негізгі сабаққа қойылатын талаптар:

– қалай жалпы дидактикалық болса, сонша түзету дидактикалық ұстанымдар орындалады;

– оқушыларға педагогикалық құралдарды дұрыс қолдану;

– оқушылардың тұлғалық және типологиялық ерекшеліктерін есепке алу;

– сабақтарда жаңа көрнекіліктерді қолдану;

– қажетті білімдерді, дағдыларды және іскерліктерді қалыптастыру,

– қазіргі педагогикалық теория мен тәжірибедегі жетістіктерді қолдану;

– мұғалімдер мен оқушылардың өнімді іскерлікке жағдайлар жасау;

Қалыпты дамушы балалар мен жасөспірімдер сияқты интеллектуалдық дамуының бұзылыстары бар балаларды оқыту мен тәрбиелеу негізіндегі қағидалар бірдей. Бірақта біздің мектебімізде оқу-тәрбие үдерісінде түзете-дамытушылық моделі орын алады. Осы модель білім білігін дамытады. Коррекциялық үдетпелі тәлім-тәрбиенің нәтижесінде оқушылардың физикалық және ойлау қабілеттерінің жеңу, түзеу, өтемі процестері қалыптасады.

Арнайы білім беру зерде бұзылыстары бар балаларды оқыту жүйесі түзете-дамыта оқытумен қатар, жас ерекшеліктері мен қабілеттеріне сәйкес танымдық қызметін дамыта отырып, әлеуметтендіру мәселесіне де көңіл аудару керек. Егер адам қоғамдық өмірге белсене араласып, өзін сол әлеуметтік ортада жақсы сезіне алса және туындаған қиыншылықтарды өз бетінше шеше алатын болса, ол адамның әлеуметтік ортаға, өмірге бейімделгендігін көрсетеді және біздің жұмысымыздың нәтижелі болғаны.

Мұғалім жеке көзқарасы бар және соны қорғай білетін жігерлі тұлға болуы қажет. Зерттеушілік, ойшылдық қасиеті бар мұғалім жалтақ болмайды. Өз ісін жетік біліп, қызметін сапалы жүргізетін мұғалім ғана түпкі нәтижеге қол жеткізе алады.

”Мектептің тірегі де, тілеуі де оқыта білетін мұғалім” деп Ахмет Байтұрсынов айтқандай, білім беру саласында оқытудың озық технологияларын меңгермейінше, жан-жақты маман болу мүмкін емес және оқу-тәрбие үрдісін тиімді ұйымдастыруға, белгілі бір мақсатқа жету, жас ұрпаққа заман талабына сәйкес білім беру мүмкін емес.

Орыс педагогы К.Д.Ушинский айтқандай, қазіргі заман талабына сай, әр мұғалім, өз білімін жетілдіріп , ескі бір методикалардан гөрі, жаңа талапқа сай инновациялық технологияларды өз сабақтарында, күнделікті тәрбие жұмысында пайдаланса сабақ, әңгімелер тартымды да мәнді, қонымды,тиімді болары сөзсіз.

Технология – tehne (шеберлік, өнер, білім) деген мағынаны білдіретін грек сөзі. Академик В.М. Монаховтың айтуы бойынша: технология- оқушы мен ұстазға бірдей қолайлы жағдай тудырушы, оқу процесін ұйымдастыру және жүргізу, бірлескен педагогикалық әрекетті жобалаудың жан-жақты ойластырылған үлгісі. Ал педагог- ғалым Беспалько өзінің «Слагаемые педагогической технологии» деген еңбегінде былай дейді: «Оқу- тәрбие процесінің алдын ала жүйелі…