Жаңа жыл ертеңгілігіне арналған балабақша материалы

Әр жастағы «Көбелек» тобы

Құтты болсын, Жаңа жыл!

Мақсаты: Балаларды жасыл шыршамен таныстырып,жаңа ән айтқызу арқылы мерекелік көңіл күй сыйлау. Балаларды жасыл шыршадан шеңбер айналып жүріп еркін би билеп, ән орындауына мүмкіндік жасау.

Жүргізуші:

Құтты болсын ағайын!

Жаңа жылың тағы да

Қол соғып қарсы алайық

Шақырайық ортаға

«Көбелек» тобында ертеңгілігімізді бастайық!

(Зал әсем безендірілген, балалар музыка әуенімен қаз – қатар паравоз болып, бір бірінен ұстап залға кіреді балалар келіп шыршаны айналып тұрады)

Жүргізуші: - Балалар шыршаны қараңдаршы қандай әдемі? Бүгін бізде Жаңа жыл мерекесі, бізге қонаққа Ақшақар мен Аяз Ата және орман аңдары келу керек еді, неге олар кешігіп жатыр екен? Әлде біздерді таба алмай адасып жүрме екен. Жүріңдер балалар олай болса біз оларды орманнан іздеп көрейік? Ал балалар біздер орманға немен барамыз? Қане, ендеше бәріміз пойыз құрып, пойызбен барайык.

(Балалар жүргізушінің артынан пойыз болып, шыршаны бір айналып шығады.

Жүргізуші: - Міне, балалар қараңдар біз орманға келдік анау тұрған кімнің үйі? Өзі аппақ ұлпа қармен жамылған әдемі үй екен, үйдің қасына барып қоңырауын соғайын (Қоңырау соғылды үйдің ішінен Ақшақар шығады)

Ақшақар: - Сәлеметпе, балалар! Сендер орманда қыдырып жүрсіңдер ме?

Жүргізуші: Ақшақар біз сені Жаңа жыл мерекесіне шақыра келдік, сендер келмегесін біздер алаңдап іздеуге жолға шықтық.

Ақшақар: - Ой, балалар рахмет мені шақырғандарыңа. Мен сендермен бірге Жаңа жыл мерекесіне барамын. Ендеше жүріңдер, балалар жолдан басқа да орман аңдарын ала кетейік?

(Бәрі қатар - қатарымен пойыз болып тұрып, шыршаны бір айналып шығады.

Ақшақар: - Балалар міне біз қоянның үйіне келдік. Үйдің жанына барып қоңырауын соғады.

Қоян: - Сәлеметсіздер ме, балалар! Сендер орманда не іздеп жүрсіңдер?

Жүргізуші: - Қоян біз сені Жаңа жыл мерекесіне шақыра келдік.

Қоян: - Алақай, рахмет сендерге. Менде сендермен Жаңа жыл тойлаймын!

(Қоянның қолында сыйлығы бар үлкен сәбізін бірге алып шығады.)

Бәрі қатар - қатарымен пойыз болып тұрып, шыршаны бір айналып шығады.

Ақшақар: - Балалар міне біз аюдың үйіне келдік. Үйдің жанына барып қоңырауын соғады.

Аю: - Бұл кім, мені тәтті ұйқымнан оятқан. (Көзін уқалап үйінен шығады)

Ой, балалар сендер орманда адасып жүрсіңдер ме?

Жүргізуші: - Аюжан біз сені Жаңа жыл мерекесіне шақыра келдік.

Аю: - Жақсы балалар олай болса мен сендермен бірге барамын.

(Аюдың қолында сыйлығы бар бөшкесін бірге ала шығады)

Ақшақар: - Балалар мен түлкінің де үйін білемін, жолдан түлкіні де ала кетейік.